ملتقى طلاب وطالبات جامعة الملك فيصل,جامعة الدمام - طلبتك يمه هاتيلي عروسة مالها رجلين خاطرة ابكت الكثير ؟؟

بسم الله الرحمن الرحيم

~*¤®§(*§*)§®¤*~ˆ°السلام عليكم °ˆ~*¤®§(*§*)§®¤*~ˆ°
|--|مسااااااااااااء \\صبااااااااح الخير |--

خاطرتين
كلماتها قويه
كلماتها حزينه
كلماتها نابعه من معانها
الخاطرة الاولى كتبها معاق
والخاطرة الثانيه كتبتها معاقه

الطفوله

احلى مافي هالحياه
مرحله من غير هم
كنا دايم نبتسم
كنا حتى لو بكينا .. وجارت الدنيا علينا
بعد لحظات وثواني .. بسمه فينا ترتسم
كنا نركض خلف كوره … (لا لا انا ماكنت معهم؟)
وحدي بس بعيد عنهم … كنت انا اضحك عليهم
جالس لحالي اهذري … جالس احسب كم (كوبري)
صلحه (احمد) في (ماجد)؟؟
والله واجد!!
وقبل ما يحل الظلام
للبيوت نروح نجري…(لا لا انا ماكنت معهم!)
امشي وحدي بعيد عنهم
امشي واعدد اثرهم!
وهم عني يبعدون…يبعدون…يبعدون
الا (ماجد)!
كان مثلي حيل ضايق…بس حزني كان حارق
كان يسألني ببراءه: ليش تعرج؟
قلت مادري! -باستياء-
ليش تبكي؟ قلت مابكي –بكبرياء-
ضاق مني…ثم سألني في غباء..
قال (وثرايك تثابق)؟
وراح عني…!!

كنت اسأل دوم نفسي…
ليش ما اركض معاهم؟؟
ليش دوم امشي وراهم؟؟
وش بلاي؟؟ او وش بلاهم؟؟
ليه انا غير الانام؟؟
زاحمتني الاسئله..كل شي اجهله؟
وان تعبت من الاجابه..احضن الحيره وانام

مرت سنين وكبرت…
صار همي اليوم اكبر
حتى دمعي صار اكثر
للاسف توي قدرت…
افهم اني شخص (عاجز)!
يعني بيني وبينكم
مليون حاجز!!!
صدقوني ذي حقيقه..
لاطلعت السوق…كل ما امشي دقيقه
القى كل شوي ابله!
يمشي ويناظر صديقه…ويغمز له
يقول : ناظر…!
وش يناظر؟؟؟
وتنفجر في خفوقي الف ضيقه
ووحده في وسط الزحام … طالعتني باهتمام
بنت في عمر الزهور…أي رشاقه …وأي اناقه…وأي عطور!!
قلت في نفسي ياهووووووووووه
هي تناظرني بغرام؟ او هي نظره والسلام؟
بس اكيد انها تعرفني…شايفتني؟
شايفتني في جريده؟
واعجبتها لي قصيده؟
إيــــــــــــــــــــه انا توي افتكرت…
لي قصيده..
كنت ناشر معها صوره…بس صوره…ياسلااااااااااااام
وفاجأتني… لما صارت لي قريبه..كانت تتمتم بطيبه
(يكسر الخاطر حرااااااااام) !!!!!!!
وتركت دمعه غريبه…وضاعت بوسط الزحام
دمعه كانت تحكي وضعي…زلزتني
ارتطم قلبي بضلعي….دمرتني
صدقوني…
اصعب اللحظات وأقسى
لاغدا الرجال يكسر…خاطر انثى
كيف ينسى؟؟؟
جاوبوني!

وزاد همي يوم فكرت بوظيفه … ثم زواج
اي وظيفه … واي زواج؟؟
اللي مثلي….
مهما طالب…لو يلف ولو يدور
زين لو حطوه كاتب
لا….وعلى بند الاجور
ماهو رسمي!!!
صدقوني لو تدرج…وصار راتبه يتصاعد
وابتدا وضعه يزين
ما اظنه بيتزوج … حتى لو بعد التقاعد!!!
وفي النهايه… يابلدنا مهما كانت (تسميتنا)
عاجزين….(معوقين)
لك عهدنا…وذا قسمنا:
اقسم بالله العظيم…منزل الذكر الحكيم
ان اصونك يابلادي …من شرور العابثين
من مطامع كل حاسد…من نوايا كل فاسد
وإني لك حصن حصين
انتي ناديني وشوفي…لانويتي بالجهاد
والله اقهر لك ظروفي…دامك انتي لي بلاد
وباسم كل العجزين…
دام فينا اصبع يطول الزناد

هذي أبيات الخاطرة الثانيه

يجينا الفرج بكرا.. يا بنتي بس لا تبكين
أنا ماأستحمل دموعك .. وهمساتك تبكيني

نشف دمعي على خدي يا بنتي من ثلاث اسنين
وصارت كل آلامي تعيش وتلتحم فيني

يا بنتي إحبسي دمعك دخيلك اكتميه الحين
حرام الدمعة في عينك تعانق ماضي سنيني

تعالي واحظني فرحي .. وقولي للفرح اهلين
وخلي حزنك بقلبي .. دخيلك يابعـد عيني

أشوف الدنيا بعيونك .. وأشوف الفرحة بك يا زين
وأنا مالي سواك إنتِ .. وإنتِ شمعة تضويني

علام الهم في قلبك .. يابنتي ليه ماتحكين
أبيك تكسري همك وأنا أمك قولي حاكيني

يايمـه حالتي صعبة انا.. والفقر صرنا إخوين
أعيش بظلمة همومي والاقي الهم يكويني

معاقة يمه من صغري .. معاقة تشتكي حق مين
مدام إن البشر تنظر لحالي بعطف يعميني

أناظر هالبشر وأسأل ..أنا وش موقعي الحيــن؟؟
وش اللي يميز الأعمى عن اللي شوفهم زيني

فقيرة حظ يا يمـه وحالي تعمي العينين
من اللي يعشق ويهوى معاقة حظها شيني

سألتيني وش أتمنى يايمه منيتي شيين
يكون الفرح أولهم بعدها تعيش رجليني

أنا ودي ومنا عيني يكون لجسمي بس رجلين
تساعدني على برك .. وبرك غايتي وديني

يا ليت الناس ترحمني وترحم حالة المسكين
ولا تجلس تناظرلي بنظره تجرح سنيني

تلاقين الفرح مظلم ونور الحزن وسط العين
وألاقي الهم والحسرة وسمها الوقت بجبيني

معاقة يمه قوليلي علامك ساكتة تبكين
كلامي أزعجك أدري .. وأدري الدمع يشكيني

دخيلك يمـه لي رجوة مدامك قادرة تكفين
أبي لي لعبة يا يمه تكون الصادقة بعيني !!

طلبتك يمه هاتيلي عروسة مالها رجلين
وأبيها تكون في كرسي .. ( معاقة ) مثلي ترثيني؟؟
م.ن

كل الوووود والاحترام
نــــاصرالنـــاصر