ملتقى طلاب وطالبات جامعة الملك فيصل,جامعة الدمام

يوم حدرتي على خط السليـّل
والله ان قلبي مع المحدار حدر

بس انا..عديت في راس المسيّل
والحزن ورد على عيني وصدر

في نهار السبت دمع الهجر سيّـل
والضحا فعيوني الثـنـتين غـدر

مابـقــا للـيـد حـيله وتحـيـّل
قــدر الله..بالفـراق الـمـر..قدر

سلوتي من بعد هـجرش ياغـزيّـل
سلـوة الـمشتـاق لامـنه تـكـدر

اتـنـصـا غـار سعـدى ثم اقـيـّل
بالدلال الصفر والشاهي المخدر

دلـة فنجالها مزعـفر مهيـّـل
بـنـها من منطقة صنعاء مصدر

ماتسـاق الا على ناسن قـلـيـّل
للرجال اللـي بهـذا الوقـت نـدر

واتـغـنـا بالفرايـد واتـخـيّــل
واتـحـدا واتـعــدا واتــصــدر

واتـرجــا ياغـزيـل ياغـزيــل
ياجـمــالن يجـعل القلب يتخدر

لو بغيت ايكـيـل الحب المكـيـّل
والله ان وزن الغلا ماهو يقدر

والعواذل باللكاعـه و التحيـّـل
مالهم حيله على الحب الـمـبدر

السحاب اللي مخـيلـه مايسـيّل
مايـورده الضمــــان ومايـصدر

اعرف ان العقل مسلوب الخبيّـل
وحبة الجدري من فراش المجدر

خيال الضيقـا وانا ابنـك يـاوعيـّـل
اشهـد ان وقـتي مـع ذولا مهـدر

الجـمـل شقـران حمله مايمـيـّل
يـاصـل المقـصـود كان الله قـدر

وعلموا الطرقي محـمد بن سبـيـّل
عـلـمـوه انـي خويــه كان حـدر

لـ الشاعر عـلـي عـبـيـد فجـيحـه