ملتقى طلاب وطالبات جامعة الملك فيصل,جامعة الدمام

(1)

الله يكثر لي مع الوقت خيرك
.............................. اللي وصلني منك جدا كفاني

ياليتها جتني من انسان غيرك
............................ واللي خلق ماكان هزت كياني

ليت "الشعور" اللي ذبحني يثيرك
..............................وتحط نفسك لو ثواني مكاني

غمضت عن "سيفك" وجاني "جفيرك"
...................والمشكله "سيفك" هو اللي بكاني..!!

لنّه قبل يطعن..همس لك : "عشيرك"
........................معقول سيفك ياخوي ما نساني..!!

ليت الضمير اللي "بسيفك" ..ضميرك
.....................ما والله اشكي منك "طعنة" زماني.!!

/

\

(2)

في زمان العولمة..
في زمان الاحتراف..
زاد معنى (الانحراف)..!!
.
.
في زمان العولمة..
كلّ شي اصبح غريب..!!
يعني ماتفرق
(حبيبه من حبيب)..!!!
.
.
في زمان الانقياء..
ما بقى الا (الأغبياء)..!!

/

\

(3)

المعذره والسموحه كاني ازعجتك
......................وان كان حقي عليك اكبر من ازعاجك

بس اوعدك ياخويي كاني احتجتك
..................مااحرجك في حاجتي واقول محتاجك.!!
/

\

(4)

خلّ ايدينك من (ورايه) تلتقي
............................يمكن ان ايديك مشتاقة لبعض.!!

\

/

(5)

كان تسأل (كيف حالي)../..راح اجاوب ماعليه
........................قصدي يمكن ماعليه../..ولكن العلم الوكاد..

لو كشفت جدار (جفني)../..السهر كاتب عليه
...................... عظم الله اجر (عينك)../..كان تحلم بالرقاد..

تدري (المحروم) من هو.؟../..من فقد شيٍ بيْديه
............................والبلا لاصار هالشي../..تملكه كل العباد

ليت طعم النوم يشرى../..والله اني لاشتريه
....................واترك جفوني تعانق../..ليـ..متى هذا البعاد..

/

\

(6)

'اسمعك' و 'اقراك' لحظه و'اكتبك'
........................و'احفظك' عن ظهر قلب بثانيه
و'استميت' لعين قربك..و'اقربك'
..............................و'اتشكل' لاجل عينك آنيه
و'استغيثك' وان 'هطلتي' اشربك'
..........................و'استسيغك' لو حياتي فانيه