غيرت فالطاروق واخترتلي طـرق**طرق الهنوف اللي ذبحنـي بطرقـه
اما يحرقني حرق ولا احرقه حرق**وان ما حرقته لـه نظـام يحرقـه
ويلي تخيل البرق ولو ما برق بـرق**وين السحاب ويـن غيمـه وبرقـه
على قوالب بيـض وعيونهـا زرق**وماخطرن انه تجـي فيـه زرقـه
يا ضلع وين الورق ما مرك الورق**اللي عيونه تسـرق النـوم سرقـه
لا عشت بالحيله ولا عشت بالسرق**ولا فلحت في سرقه ولا جبت سرقه
والناس واجد والعرب بينهـا فـرق**يبينلـك فـي دينـه ودنيـاه فرقـه
والطيب زرقت رمح وليا رقيت ارق**يمكن تموت وسبت المـوت شرقـه