|
هل أنتي متزوجة وأم ,, تفضلي !
مـسآء \ صبآح الخيرآت عليكم يآأمورات خواتي العزيزآت ..مالي الآ إنتم من بعد الله سبحانه وتعالى أكيد فيه بينكم رآح الآقي اللي يعيشون نفس وضعي ويعآنون من نفس الضغوط اللي أمر فيها والله ماكتبت هالموضوع الا بعد جهد وتعب مايعلمه الا رب العالمين رآح اقولكم عن ظروفي شوي وياليت اللي تقدر تفيدني ماتقصر معي وأكيد مآرآح تفهم علي إلآ وحده متزوجه وعندهآ أولاد وعآيــشه نفس المعآنآة طبعآ أنآ توني بنوته صغيره وعمري مآتجآوز 22 سنه بس قدّر الله اني أتزوج وأنآ بالثانويه وكم عانيت على ماتخرجت منها والحمد لله عندي إصرار إني أكمل دراستي ومآأوقف عآجزه أمآم كل هالظروف بس المشكله إن الحين عندي طفلين ,,,,, وكثير مضغوطه في شغل البيت والإهتمام في أولادي مع العلم ان ماعندي شغاله وزوجي أبد مآيأيد فكرة الشغاله في البيت وأنآ سآكنه بعيده عن أهلي في مدينه ثانية في بدآية الأمر كان زوجي مساعدني ومتفهم وضعي بس الحين لا صآير يدلل ومآيعجبه شي ,,, مايبي يجي من الدوام والغداء مابعد يجهز ولايبيني أنام وأخلي الأولاد صاحين لحالهم ولا يبي يشوف شي في البيت مونظيف او مومرتب ولايبي اذا رجع من الدوام يشوفني تعبانه او مالي خلق او فيني النووم حتى اولادي صرت مااجلس معهم ماعندي وقت أعطيهم اياه كثير تعباااانه كثييييييييييير أولادي ينامون الساعه 12 يعني لو بنام معاهم مثلا بصحى الساعه 5 لصلآة الفجر وبعدها بجهز الفطور وبقعد معه لين يطلع للدوام الساعه 8 في هالوقت يكون الأولاد شبعو نوم وبقعد معهم أفطّرهم وأسوي كم شغله شوي ويأذن الظهر !!! بقوم اصلي واجهز الغداء ويرجع من الدوام متى بنام ومتى بشوف جامعتي ..؟!! صار لي فتره طويله هملت الجامعه والمحاضرات ولاأدري عن شي أحاول قد مآأقدر إني مآأقصر معهم بأي شي بس تعبت والله وماني قآدره اتحمل هالحياه أبي وقت لو بسيط أهتم فيه بنفسي وبشكلي ووقت للجامعه والمحاضرات أحيآنآ أحس إني إمرأه وعمري 40 سنه من كثر مااشكي من البيت والعيال أبي أحس لو شوي بإني بنوته ولي حياتي على الأقل جامعتي لأني كثير أحب الدراسه وطموحه ياليت تسآعدوني بترتيب وقتي وياليت كل وحده تقول جدولها اليومي في البيت يمكن أستفيد شوي وابي أحس إن في نآس مثلي مو لحالي لاتبخلو علي بنصائحكم وأنا في انتظآركم أكيد .. .. |
رد: هل أنتي متزوجة وأم ,, تفضلي !
عورتي قلبي سوسو حبيبتي :bawling:
انا زيك متزوجه وعندي عيال لكن الحمد لله احس اموري ماشية تمام عيالي الصباح يرحون المدرسه وتلاقيني انظف البيت بشكل سريع وبعدها اجلس عالمحاضرات الى قريب الظهر يعني هذا هو الوقت اللي اخلو فيه بنفسي انتي مشكلتك الظاهر ان عيالك صغار الله يعينك حبيبتي ان شاء الله بتلاقين حل اصبري وانتي ما شاء الله عليكي مكافحه الله يبارك لك يا رب |
رد: هل أنتي متزوجة وأم ,, تفضلي !
وين فطومة عنك :biggrin:
|
رد: هل أنتي متزوجة وأم ,, تفضلي !
صباح الخيرربنا يساعدك أبا برضوا عندي اثنين الله يخليهم ولأنهم يدرسون فأنا زي اختي لمسات الوقت الوحيد اللي مابشاركني فيه أحد هو بعد مايروحوا عالمدرسة بس بعد الظهر انسي كل حاجة بدأ المهرجان وبدأت المتطلبات |
رد: هل أنتي متزوجة وأم ,, تفضلي !
اقتباس:
صباح الخير عفوا أخ نجداوي انت قرأت العنوان :hahahahahah::hahahahahah::hahahahahah: خاصة(أم) :mh35: |
رد: هل أنتي متزوجة وأم ,, تفضلي !
[align=justify] الله يعينك انا نفس المعاناه واذا عيالي راحوا المدرسه انضف البيت وبعدها مالي خلق افتح المحاضرات الله يسر امري وامرك الصبر مفتاح الفرج |
رد: هل أنتي متزوجة وأم ,, تفضلي !
انا عندي بنت عمرها 4 سنوات...فعلا في البدايه واجهت مشاكل وما عرفت اوازن ما بين البيت والجامعه,,,وبعدها طلعت جميع الحلول الممكنه ومنها :(استخدمت الصحون والملاعق بلاستك عشان اوفر وقت الغسيل,,,وبالنسبه للاطفال المفروض ينامون بدري حاولي تغيرين وقت نومهم وعوديهم على النظام ومساعدتك في البيت باسلوب حلو ومشجع,,,حددي وقت واحد في اليوم لترتيب البيت كامل ,,,وبعدها اهتمي بنفسك,,,وبدراستك) واولا واخيرا الدعـــــــــاء الدعـــــــاء الدعـــــــاء :هـو السبب في التغييير الجذري اللي صار في حياتي ((بفضل الله)) |
رد: هل أنتي متزوجة وأم ,, تفضلي !
اقتباس:
مين فطومه ؟؟؟؟؟؟؟؟؟؟ |
رد: هل أنتي متزوجة وأم ,, تفضلي !
انا زيك متزجة وعندي طفلين الله يحفظهم:love080: وماعندي شغالة :icon9:وبعيدة عن اهلي وقرابتي:Cry111:
في البداية تعبت في الجمع بين الدراسة ومسؤلية البيت لكن بالدعاء تنحل كل مشاكلك:(204): ودايما ادعي وقولي : ربي لاتجعل الدنيا اكبر همي ولامبلغ علمي -وربي لاتكلني الى نفسي طرفة عين ولااقل من ذلك ثانيا ام حاجة تحاولي تنومي اطفالك بدري مثلا الساعة عشرة والله بترتاحيييييين من تجربة تكونين مجهزة العشاء بدري بشرط انهم ماينامون وسط النهار حتى ماتجي 9 او10 العشاء الاوهم داااايخين:24_asmilies-com::24_asmilies-com: وانتي لاتتاخري في النوم يعني بالكثير11او11ونص وبعد الفجر لاتنامين صلي وقولي وردك ثم افطري فطور خفيف واقراي شيء من القران والله ثم والله بتحسين بالبركة في يومك وانك انجزتي اشيااااء كثيرة :d5::d5: وبعد القران ادخلي لموقع الجامعة وحددي وقت مثلا لمدة2 او3ساعات وبعدمايروح زوجك تقدري تريحي لو نصف ساعة قبل مايصحو اطفالك:71::71: الله يكون في عونك والله ماكتبت ردي الا لاني حااااسة بوضعك:icon9::icon9: ولاتنسين وصية حبيبنا محمد صلى الله عليه وسلم قبل النوم لابنته فاطمه حينما طلبت خادم اوصاها بالتسبيح قبل ان تنام كان الله في عوننا ويسر امرنا وجعل التوفيق والنجاح حليفنا..امييين |
رد: هل أنتي متزوجة وأم ,, تفضلي !
السلام عليكم
وانا والله متلك بس انا مصرية واول ما بدات الدراسة كان ربنا اكرمني ببنتي وطبعا تخيلي ازاي تتدرسي وانت والدة ولا يوجد احد معك لكن ربك وفقني بصي يا ستي بالنسبة لبنتي انا بخليها جمبي علي كرسي بيهتز تمام وانت جهزي اكلام الامتحنات كنت بعمل اكل ليومين علشان اليوم التاني ارتاح ونظمي وقتك ومع اولادك انا مش بنيم بنتي لنهار علشان اول ما امشي علشان امتحانات المستوي السابق اركب العربية وارضضعلما كان في فترة تانية كنت بطلع وارضعها بس ابغي اعرفك شئ استعيني بالله ووالله هيعينك ولا تقلقي كل شئ بيهون |
| All times are GMT +3. الوقت الآن حسب توقيت السعودية: 11:06 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه