تعالوا نتعرف على بعض بس بطريقه مبتكره !
 

السلام عليكم ورحمة الله وبركاته

تعالوا نتعرف على بعض بس بطريقه مبتكره وحلوه

يعني مثلا :53:




هل قد درستوا بجامعه او كليه قبل ماتلتحقون بالانتساب المطور ؟؟؟؟؟

وش كان تخصصكم ؟؟؟؟

وكم كانت نسبتكم يوم تخرجتوا من الثانويه ؟؟؟؟؟

ووش هي الظروف اللي ماخلتكم تدرسون انتظام ودرستوا انتساب مطور ؟؟؟؟؟





انا عن نفسي متخرجه العام من الثانويه ونسبتي 71 :Cry111: مريحه الترم الاول والترم الثاني التحقت بالانتساب المطور ( لاحد يقولي ليه مادخلتي كليه حاولت بس هم اللي مايبوني :Cry111: ) بكيفهم خسروني :mh318:

رد: تعالوا نتعرف على بعض بس بطريقه مبتكره !
 

النسبة 78
قدمت على جامعة ام القرى تخصص سياحة وفندقة تخصص غريب كنا اول دفعة على مستوى المملكة لكن عوامل الدشرة ما توفقت

السبب اني طفشت اخوياي مدرسين ضباط اطباء يعني لهم ثقلهم في المجتمع
وانا عندى شهادات
1- بكلوريس فرارة
2- ماجستير بلوت
3- دكتوراة :24_asmilies-com:

طبعا دخلت دورات كمبيوتر وصيانة كمبيوترات و جوالات ولغة انجليزية فتحت محل للصيانة فيها رزق بس والله العظيم ما فيه احسن من الوظيفة

دمتم بود و عافية

رد: تعالوا نتعرف على بعض بس بطريقه مبتكره !
 

اناصار لي 3 سنوات متخرجه من الثاانوية وكل ماقدمت مايبووني لان نسبتي ضعيفه مثلك 71 شكلك كنتي تشردين من الحصص ومشااغبه مثلي يعني وداايم عند المديره ههه صرنا صديقااتها من كثر ما ننزل لهااا :41jg:

انا عن نفسي التحقت بالانتساب الترم الثااني ويوم ما قبلوني بالدفعة الاولى جلست ابكي :Cry111: على بالي مافي خلاص بس يقبلون دفعة وحده والحمد لله انقبلت بعد ما زوجي اخذ له قرض من البنك وقال بيطلعني ادرس برا على حساابه قبلوووني ههههه ويالله لفلووس وش سويت فيهم شريت لي كاامراا كانوون هع وشريت لي لاب ثااني .. الخ المهم صرفته وزوجي يقولي اصرفي مو انا ما خذنه حقك وبياخذون فاايده 9000 على ظهري هههه :biggrin::biggrin::biggrin:
انا التحقت بالانتسااب لان عندي بنووته وماابيهاا تفتقدني :love080:

رد: تعالوا نتعرف على بعض بس بطريقه مبتكره !
 

:mh12:بعد التحية........
يشرفني ويسعدني ان تعرف عليكم..!
نسبتي 86.12 طبعا علمي..قولوا ماشاء الله :mh318:ماخذمقلب.,هههههه
طبعا درست في كلية المعلمين تخصص فيزياء
ولكن لم يكتب لي ربي اني اكمل....ظروف طبعا
طبعا مافيه ظروف انما اعمل حاليا ومن زمان وهو يراودني حلم تكملت دراستي..!:love080:

رد: تعالوا نتعرف على بعض بس بطريقه مبتكره !
 

انا درست رياضيات بكليه التربيه ووصلت للسنه الثانيه

صار لي انا واهلي حادث سياره عنيف فقدت فيه اخوووي

ممم من بعدها وانا مو قادره اركز ونفسيتي بالارض الين صرت لامباله مع اني الحمدلله اعتبر نفسي
اوكي بالدراسه ونسبتي كانت 89 وشي بعد الفاصله

مالكم بالطويله تجاوزت العدد المسموح من المحمول وطلعت

ريحت 3 سنوات يمكن وبعدها رجعت اللحين لان هذا طموحي انو اكمل دراستي والسبب
الاهم لاني وعدت امي وابوي افرررحهم بشهادتي الجامعيه

و بس :love080:

رد: تعالوا نتعرف على بعض بس بطريقه مبتكره !
 

يسلموعلى الموضوع الجميل تحياتي لكل اللي عرفوبانفسهم انادرست في جامعة الملك عبدالعزيزترم ويوم جيت اكتب التخصص لقيت انه ولاواحدمنهم طموحي فسحبت وملكت واناالحين متزوجه ليه 8 سنين ومنقطعه على الدراسه 9 سنوات وفرحت لماعرفت انهم فتحواالتعلم عن بعدشفتوعادظروف المتزوجات صعبه وحتى الحين وانااعاني بسبب عيالي بس بجتهدباللي اقدرعليه والتوفيق من رب العبادوالله يكتبلناالاجرلان العلم جهادبالذات مثل اللي بحالتي:mh318:واتمنى للجميع النجاح وياليت نكون يدوحده ونعين بعض :d5::oao:

رد: تعالوا نتعرف على بعض بس بطريقه مبتكره !
 

:mh12:نسيت اقولكم نسبتي كانت الترم الاول 95 بس مدري ليه نزلت الترم الثاني 89 كانويقولون عشان المعدل التراكمي نزلت والله العالم مع اني كنت شاطره ومجتهده:g2:لاتضحكون علي تراني انسى كثيربس لاتلوموني هم العيال مايخلي بالراس مخ:cheese:

رد: تعالوا نتعرف على بعض بس بطريقه مبتكره !
 

:d5:موضوع مميز

:lllolll:متخرج ثانوي عام 1422هـ :lllolll:

طبعــا مدارس المنهل الأهليه يالبى المنهل هع
نسبتي 83%

درست في عدة تخصصات وحصلت على عدة شهادات

أولاً / تخصص تفحيط حصلت على شهادة مخالفة من النوع الثقيل :lllolll:مع سحب للسيارة بس الله يخلي فيتامين (و)
ثانياً / تخصص كل يوم مدينة:53: << من الفضاوة إلي براسة

ثالثاً ألحين موظف ومتزوج وعاقل ولله الحمد والله من علي ببنتين الأولى ليان والثانية لين ويالبى أم ليان
والله يخليهم لي يارب ويحفظهم من كل شر

انتسبت في عدة جامعات لم يكن موجود هناك أي حماس ولكن هالمرة ناويهــا :biggrin:

وثانكيوووو

رد: تعالوا نتعرف على بعض بس بطريقه مبتكره !
 

السلام عليكم


جـ1 : نعم . درست في كلية التقنية

جـ2 : ميكانيكا ( محركات ومركبات )

جـ3 : نسبتي 79

جـ4 : الاسباب اللي خلتني ادرس انتساب مطور < سهولة الدراسه

الاسباب اللي خلتني اترك الانتظام < صعوبة الدراسه وفوق هذا مافيه قسم مناسب لي اكثر من التربية الخاصة

رد: تعالوا نتعرف على بعض بس بطريقه مبتكره !
 

نسبتي كانت ....... قولو ماشاء الله بالاول
96.13 كنت متفوقه واحب دراستي من كل قلبي كنت اذاكر واجتهد لا استمتعت لا بمراهقه ولا بطفوله من الدفاره اللي كانت فيني تخرجت من الثانوي مبسوطه وطموحاتي عاليه واحلامي كبيره بس للأسف سجلت بجامعة الملك خالد وكنت ابي حاسب بس للاسف ماقبلوني مع ان نسبتي عاليه يمكن الواسطه لها دور فدخلت احياء مع اني مااحبه المهم درست ترم واحد بس بعدها ماقدرت اكمل بسبب الحمل وصعوبة الدراسة والمشوار الى الجامعه الروحه ساعه والرجعه ساعه فمليت وعصبت وتركت الدراسه وجتني احلا بنوته بالدنيا الله يخليها لي اشغلتني واخذت كل تفكيري والحين تشجعت اني اكمل دراستي واحقق احلامي ..