|
والله لادعي لها من قلبي اللى ترد وتطمني وتريح بالي
بنات فيني رعب موطبيعي
نجحت من سنه ثالثه رياضيات ولاعندي ماده محموله غير ماده من سنه اولى امتحنتها قبل اسبوعين والنتايج هالاسبوع بنات هل لو رديت ولاسمح الله حملتها افصل من الكليه؟ رجاء اللى تدخل وماترد اقلها تدعي لي :( |
رد: والله لادعي لها من قلبي اللى ترد وتطمني وتريح بالي
:love080:مرحبا حبيبتي عطر الفواكة
أنا مالي خبرة بهالموضوع بس أعتقد مستحيل يفصلونك, بس حبيت أسأل كم مرة قدمتي الاختبار بهاذي المادة لأنه يعتمد عليه. عندي فضول وش هاذي المادة أسس ولا هندسة ولا بنى؟ الله يوفقك وأن شاءالله راح تنجحين أنا متفائلة لك ولا راح يفصلونك أنتي بس بعدي الخوف عنك. :222g:يارب تنحين يارب:222g: وأول ماتطلع النتايج بشرينا:222g:وأي مساعدة أنا جاهزة أنا توني متخرجة هالسنة من الرياضيات أحلى قسم. الله يوفقك برابعة مقدماً. ولاتنسين أنا بالخدمة إذا أحتجتي أي شئ بسنة رابعة. :119:اللهم بشر أختي عطر الفواكه بنجاحها عاجل غير آجل:119: |
رد: والله لادعي لها من قلبي اللى ترد وتطمني وتريح بالي
:119:عطورة حبيبتي
مبروك النجاح اولا و انتقالك لسنة رابعة لكن النتايج طلعت الاسبوع اللي طاف !! و بما انهم ماخبروك بشي يعني اكيد نجحتييييييييي لا تخافين ان شاء الله مايفصلونك انا بيفصلوني و دقوا علي يوم الاربعاء :011: وانتي لو بتنفصلين اكيد بيدقون عليك من زمان لان النتايج طلعت من زماااان يا حلوة اكيد ناااااااااجحة باذن الله بكرة روحي الكلية و خذي نتيجتك تاكدي !!!!!!!!!!!! اوكي عشان تكملين الاجازة بقلب فرحان :119: واذا رجعتي طمنينا عنكـــــــــ اوكي ؟؟؟:119: بالتوفيق |
رد: والله لادعي لها من قلبي اللى ترد وتطمني وتريح بالي
هلا حبيبتي
ما تنفصلين ان شاء الله حتى لو حملتيها بعد تظل ملازمتك صحيح لأني حملت مادة من سنة أولى وامتحتنها ثلاث مرات محمولة والسنة الرابعة نجحت فيها موفقة عزيزتي وان شاء الله تنجحين وتبشرينا :119: |
رد: والله لادعي لها من قلبي اللى ترد وتطمني وتريح بالي
الله يوفقكم ويسدد خطاكم لطريق الخير والصلاح ياارب
ماتتصوروا اشقد فرحتوني والله ان دمعتي على اطراف رموشي فرحانه جدا بردودكم لكن الانظمه تغيرت مرره وكل يوم لهم قرار وبعدين يا حبيبتي اللى تحب الرياضيات مااتوقع عندهم رقمي والماده اللى عندي هي استاتيكا مولصعوبه الماده بتاتا لانه سهله جدا بس كل مره يصادف شئ مره خطوبتي ومره زواجي ومره زواج صاحبتي ولانه دايما الامتحانات تكون اخر الاجازه اكون مرره ملانه ومالي خلق هالسنه اول مره اداكرها وحسيت نفسي تافهه لانى تركت ماده تافهه كده تخرب علي كل سنه نتيجتي مقبول والسبه هالماده اتمنى من قلبي ماايفصلوني بس عن جد تفاجئت نتائج اختبارات المواد المحموله طلعت ؟ ياربي يسترك ياربي سترك بكره بروح اتاكد ربي يكتب اللى فيه الخير لي ولكم من زمان خاطري احد يطمني بس ماكنت اعرف هذا المنتدى حصلته صدفه اليوم من بحث قوقل اختكم في الله عطر الفواكه |
رد: والله لادعي لها من قلبي اللى ترد وتطمني وتريح بالي
من متى طلعوهم النتايج؟؟؟؟
انا رايحه السبت وقالوا لي مانزلوا وماراح يطلعوهم الا الثلاثاء ويمكن مب اكيد |
رد: والله لادعي لها من قلبي اللى ترد وتطمني وتريح بالي
فعلا ماطلعت النتايج لامتحانات المحموله
انا رايحه الربوع باذن الواحد الاحد الله يوفق الجميع دعواتكم:Cry111: |
رد: والله لادعي لها من قلبي اللى ترد وتطمني وتريح بالي
الله يوفقك بس لاتنسين تبشرينا:119:
|
رد: والله لادعي لها من قلبي اللى ترد وتطمني وتريح بالي
عطر الفواكه
حياتى ان بروح الكلية يوم الاربعاء لانة عندى دوام اذا تبغينى اسألك ياليت تقوليلى وياليت تطمنينى عن النتيجتك ويارب يوفقك ويارب تنجحى باعلى الدرجات >>اميييييييييييييييييييييييييييين<<::praying::pray ing: |
رد: والله لادعي لها من قلبي اللى ترد وتطمني وتريح بالي
لا ماتنفصلين اني عندي ماده متعلقة فيها من سنة ثالثة واني متخرجه بس متوقفه على هالماده:Cry111:
بسألكم الكلية لمتى راح يكونوا مداوميين؟؟؟ |
| All times are GMT +3. الوقت الآن حسب توقيت السعودية: 12:35 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه