|
تعبت نفسياً وقررت الانسحاب ** طلبتكم الي عنده اجابه يساعدني **
السلام عليكم ورحمة الله وبركاته ******* انا الحمد لله تم قبولي في الجامعه في قسم ادارة الاعمال انا ادرس في كليه تابعه لجامعة طيبه بس شهادتها دبلووم لكن قلت مو مشكله ان شاء الله اقدر اوفق بين الاثنين وبعد ما سددت الرسوم وارسلت الاوراق ** عملت صيانه شامله لجهازي وحملت البرامج اللي احتاجها في الدراسه ** واستعديت للدراسه بحماااس :d5: بس واجهتني المشاكل من كل جهه ماقدرت اتابع ولا محاضره مسجله تقطع وما ترجع تكمل الكتب وما قدرت اوفرها المحاضرات المباشره امس حاولت ادخلها وماقدرت ادخل من كثرة الضغط على البلاك بورد والمحتوى ما قدرت احمله والاهم من هذا كلوا ما اعرف اذا اقدر اوفر رسوم الترم الجاي ولا لا حسيت الأن اني في ورطه:Cry111: :41jg: انا عارفه اني هذه الاشياء اللي قلتها اغلب الطلاب يعانون منها بس انا مرتاحه مع الكليه اكثر احس اني ما اقدر اوفق بين الاثنين وخصوصا انوا التخصصات ابدا مو متشابهه المهم اني قررت ** انسحب **:71: وقرأت في التقويم الزمني انوا الانسحاب قبل 4/4 ترجع لي كامل الرسوم الدراسيه انا بسأل هل هذا الكلام صحيح ولما دخلت على صفحة الانسحاب في موقع الجامعه طلبوا مني عنوان البريد اللي يرسلوا عليه يعتي قصدهم نفس عنوان البريد الممتاز اللي رسلت به الوثائق وقت التسجيل ابغى اعرف عنوان ايش اكتب في صفحة الانسحاب :mh12: اتمنى اللي عندوا علم يفهني :sdfgdsf: عشان ااقدم ورقة الانسحاب قبل تاريخ 4/4 والله لأدعيله بالتوفيق وما راح انسى بقية الاعضاء انتظر ردودكم بفاارغ الصبر:sdfgdsf: تقبلوا تحياتي :53: |
رد: تعبت نفسياً وقررت الانسحاب ** طلبتكم الي عنده اجابه يساعدني **
المحاضرة المباشره لا تشيلي همها ينزلونها لك على المسجله تفتحيها
تاخذي الدرجه ارتاحي من هالناحيه الرسوم اصعب مشكله يواجها الطلاب حاولي ماتكون عائق بنسبه لك الكتب مو ذيك المهمه السمستر اللي فات كلها من المحتوى وملخصات ابو موزه الله يجزاه خير استخيري وربي يوفقك |
رد: تعبت نفسياً وقررت الانسحاب ** طلبتكم الي عنده اجابه يساعدني **
شوفي u.d.jd باقول لك شي
اذا كنتي باخر ترم في كليتك فهذه مسأله بسيطه راح تنضغطين ترم فقط وبعدها الامور راح تمشي عادي وراح تتفشطي من الفراغ الي راح تكوني فيه بدون دراسه او شي مفيد في حياتك يشغلك اما المحاضرات المسجله فأنا الان ليه ثلاث مستويات ما اسمع المحاضرات من الموقع نفسه احملها على جهازي وبعدين اسمعها بالرغم ان النت عندي جود بروباند بلس بس بصراحه ما اضمن حركات عمنا البلاك بورد الشي الثاني المباشره ريحي بالك لانهم ينزلوها مسجله وبعدها حمليها على جهازك وراح تنحسب لك درجه كمان ايييييييييش ياربي ايوه المحتوى تروحي على ايقونة content collection راح تلاقي كل موادك في ايقونت محتوى الدوره التدريبه بتلاقي كل محتوى موادك الا الي مدرسهم جديد مو نفس الاترام السابقه كمان مشكله المحتوى اتوقع مؤقته وراح تنحل وتحمليها عاااااااااااااااااااااادي برضه تقدرين تشوفين في قسمكم محتويات سابقه لنفس الدكاتره الي يعطونكم هذا الترم وتاخذيها والله المساله سهله اذا سهلتيها وبتشوفيها صعبه اذا اعطيتي الامور اكبر من حجمها وصعبتيها انتي لا تشيلي هم والله هنا الكل متعاون ويبرد قلبك اما الرسوم فانت توكلي على الله وربك بعدها يفرجها طالما هي في طلب العلم انشاء الله تتوفر لك ويفرجها عليك والحال من بعضه نصيحه مني لا تنسحبي والله الدراسه هنا روووووووووووووووعه صح فيها تعب شويه بس ربك ما يضيع تعب احد باقي استفساراتك ماعندي جواب الا على صندوق البريد وهم قصدهم اي عنوان بريدي يكون قريب لك مثل العنوان البريدي تبع شغل ابوك او اخوك او اي احد يمون عليك وها الي قدرت اجاوبك عليه اتمنى اني افدتك وانشالله اشوفك بيننا دوووووووووم |
رد: تعبت نفسياً وقررت الانسحاب ** طلبتكم الي عنده اجابه يساعدني **
وعليكم السلام ورحمه الله وبركاته ..
هلا وغلا :106: أولا : مبروك مقدما على قبولك للجامعه .. ثانيا: (ماقدرت اتابع ولا محاضره مسجله تقطع وما ترجع) حبيبتي فرمتي جهااازك يمكن فيه فيروسات .. ثالثا : (الكتب وما قدرت اوفرها ) ( رااح تتيسر إن شاء الله بس أنتي وكلي أمرك لله ).. الطلاب والطالبات وأنا معهم إن شاء الله رااح ننزل محااضرات المطلوبه منا .. والطلاب والطالبات رااح بإذن الله راح يوفرون الكتب في المكاتب .. رابعا : (المحاضرات المباشره امس حاولت ادخلها وماقدرت ادخل من كثرة الضغط على البلاك بورد ).. أنا مثلك .. موشرط تدخلينها في وقتها .. عادي لو تدخلين يوم الثاني .. يحسبلك الدرجه كأنك دخلتي في وقتها ( فهمتي علي ) .. و لازم يكون عندك برنامج الجافا علشان يفتحلك المحاضرات المباشره .. خامسا : (والاهم من هذا كلوا ما اعرف اذا اقدر اوفر رسوم الترم الجاي ولا لا) تراني مثلك .. بس صدقيني ( أكثري من الأسغفار ) الله يجعل كل هم فرجا .. الترم الجاي في ألف حلاًل .. سادسا : ( والله لأدعيله بالتوفيق) أتمنى ذلك .. يسلمووو (وما راح انسى بقية الاعضاء) .. وأحنا كذلك ماراح ننساك إن شاء الله .. بالتوفيق للجميع .. يعطيك العافيه .. السموحه ماأعرف الطريقه الأنسحاب .. تلقين في ( الخدمه الطلابيه ) >> تعليمات .. أفتحيها .. ورااح تحصلين إلي تبينه إن شاء الله .. اني قررت ** انسحب **:71: قبل ماتفكرين بالأنسحاب أستخيري وأستشيري .. ( ماخاب من أستشار .. ماخاب من استخار ) .. في حفظ الرحمن .. :106: |
رد: تعبت نفسياً وقررت الانسحاب ** طلبتكم الي عنده اجابه يساعدني **
والله ودي تكملين معانا
والبكالوريس احسن مليون مره من الدبلوم وبخصوص حظور المحاضرات والمشاكل اللي واجهت البعض ان شاء الله مع الوقت الكل بيكون قد حلها ومشت الامور معاه حاولين تفكرين اكثر ولا تنسين تصلين صلاة الاستخاره والله يكتب لك اللي فيه الخير |
رد: تعبت نفسياً وقررت الانسحاب ** طلبتكم الي عنده اجابه يساعدني **
حبيبتي لا تنسحبين ولاشي والله الدبلوم ماراح يقدر يوظفك وبعدين بتتمنين لو كملتي جامعه
ثانيا انا مثلك مضغووووطه مررره لانهم اعطوني كلمة المرور متاخر وتراكمت علي المحاضرات ووشغل كثييير دائما بالبيت :Cry111: لو تشوفيني البارح كنت راح ابكي جلست علنت تقريبا 12 ساعه مابين محاضرات وتلخيص واطارد بالمحتوى مدري وينه على الاقل انتي عرفتي مكانه خخخخ .. هذا ضغط بالبدايه .. وكل شي راح يتحسن مع الوقت وتشوفينها سهله بكل شي والله الدراسه مثل ماقالو اخواني ممتعه مررره بس هو بالبدايه ضغط كبير لاننا مانعرف النظام وعن البلاك ماعليك منه اهم شي انك يكون عندك جافا وبرنامج فلاش وتنزلين المحاضره المباشره على جهازك اذا ماشفتيها مباشره وبس ومحتوى نلقاها ان شاء الله وهنا الطلاب والطالبات متعاونييين لابعد درجه وحتى الدكاتره اشوفهم مررره متعاونيين فلا تضيعين فرصتك بالدراسه ادارة اعمال مطلوب بسوق العمل اذا صحت لك السنه هذي السنه الجايه ماراح تصح الا بالواسطه لان العيون صار على الانتساب المطور كل الناس صارت تبي انتاسب مطور .. واذا على الرسوم انا مثلك خايفه اني ما اقدر اوفرها بس اقول لنفسي باذن الله الله يساعدني لاني طالبت علم توكلي على الله وكملي ان شاء الله ماراح تندمين ونصيحتي لك استخيري وكملي راح تلقين كل شي صار تمام :53: |
رد: تعبت نفسياً وقررت الانسحاب ** طلبتكم الي عنده اجابه يساعدني **
اقتباس:
بالتوـفيق |
رد: تعبت نفسياً وقررت الانسحاب ** طلبتكم الي عنده اجابه يساعدني **
:(204):اما الرسوم فانت توكلي على الله وربك بعدها يفرجها طالما هي في طلب العلم انشاء الله تتوفر لك ويفرجها عليك
والحال من بعضه ايه والله الله يسهلنا يارب ....اغلبنا داخلين توكلنا على الله وكل شي بالبداية صعب ....اصبري وحاولي ترتبي نفسك ...انا مثلك جديدة بس ان شاء الله فترة وتعدي:love080: والحمدلله انه في منتدى اعضاءه ماشاء الله متعاونين من الدرجة الاولى :d5: |
رد: تعبت نفسياً وقررت الانسحاب ** طلبتكم الي عنده اجابه يساعدني **
الاخوان بصراحة ماتركوا ليا شئ اقدر اقوللك هو كل واحد فيهم ممممممممممممماشاء اللة ماترك شئ ماقاللك عن جد لاتنسحبي واللة الدراسة حلوه احتمللي وقوللي يارب وحتشوفي كيف الامور سهلة ماشششي ياقمر :106::106::106::106::(204)::(204)::(204)::(204)::d 5::d5::d5::d5::d5::oao::oao::oao::oao:
|
رد: تعبت نفسياً وقررت الانسحاب ** طلبتكم الي عنده اجابه يساعدني **
مشكوربن ما قصرتوا كلامكم خلاني ارتاااح الحمد لله على كل حال وان شاء الله أكمل معاكم الله يكتب لنا اللي فيه الخير ويوفقنا جميعا للخير والصلاح :d5::33_asmilies-com: ومشكورين مررره ثانيه تقبلوا تحياتي:smile::119::53::119::smile: |
| All times are GMT +3. الوقت الآن حسب توقيت السعودية: 03:18 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه