ملتقى طلاب وطالبات جامعة الملك فيصل,جامعة الدمام

- - بخصوص سداد الرسوم (https://vb.ckfu.org/showthread.php?t=155566)

بخصوص سداد الرسوم

السلام عليكم مساء الخير وش اخباركم مع بدايه الدراسه إن شاء ماشين .
عموما حبيت استفسر عن حاجة وهي انو انا سددت الرسوم عن طريق البنك وزي كل دايم انو اطبع نموذج سداد ارسوم وارسله مع نموذج البنك بالبريد الممتاز لكن الغريب انو اليوم لما دخلت بطبع النموذج حصلت انو ارسله عن طريق السكنر فياليت اللي عنده خلفيه عن هالموضوع يفيدني بليز .

رد: بخصوص سداد الرسوم

وعليكم السلام
أيه أخوي صار إرسال الوصل مرتين :icon9:<<<< مره عن طريق رفع الوصل بسكانر وأرسالها بالخدمات الطلابيه ..
<<< والمره الثانيه أرسالها عن طريق البريد ..
هذا الرابط بيساعدكـ
http://www.ckfu.org/vb/t149389.html

رد: بخصوص سداد الرسوم

هنا شرح لاخونا sad heart

اتمنى انه يفيدك لانه على حسب كلام الاغلبيه انه الافضل ترسله بالبريد والاسكنر كمان :(204):

(( واتمنى من القلب الحزين يعذرني لاني نقلت شرحه ))

اقتباس:

الله يعطيه العافيه الأخ تركي .. شرحه كان وافي وما قصر , وهذا شيء مو غريب عليه :119: ,

وبعد إذنه راح أوضح طريقة إرسال وصل سداد عن طريق الإسكانـر :

بعد ما تدفعين الرسوم للبنـك لازم تحتفظين في وصل سداد الرسوم ,

وتنسخين كم نسخه وتحتفظين فيها , والوصل الأصلي ترسلينه للجامعة عن طريق البريـد ,

نسخة وصل السداد تعملين لها سكانر , وعملية السكانر مو ضرورية مثل البريد ,

ولكنها من باب الإحتياط والمنفعة للطالب والطالبة , لأن أحيانا البريد يتأخر وأحيانا يضيع وما يوصل الجامعة !!

اللي لازم تسوينه هو :

1/ نسخ صورة الوصل إلى جهاز الكمبيوتر اللي تستخدمينه , هذا إذا كنتي في البيت وعندج جهاز سكانر ,

ولكن إذا ما عندج تقدرين تروحين أقرب مكتبه وتطلبين منه يعمل سكانر للوصل وتخزنينه في فلاش ميموري أو سي دي .

2/ ترجعين للخدمات الطلابية وتدخلين على سداد الرسوم وتختارين إرسال وصل السداد إلكترونيا (شوفي الصورة)

http://www.ckfu.org/vb/attachment.ph...1&d=1298969770

3/ بعد ما تدخلين لإرسال الوصل إلكترونيا راح تفتح معاج الصفحه هاذي (شوفي الصوره) وبعدها إتبعي هـالخطوات :

http://www.ckfu.org/vb/attachment.ph...1&d=1298969770

أولا / تختارين الفصل الدراسي الحالي .

ثانيا / تضغطين على كلمة إستعراض .

ثالثا / تروحين للملف اللي خزنتي فيه صورة وصل السداد بعد ما عملتي له سكانر ولما تلقين الوصل تضغطين عليه .

رابعا / بعد ما تشوفين رابط صورة الوصل تم نقله للبوكس الصغير تضغطين على كلمة رفع الملف .

أتمنى يكون الشرح واضح لج ,

وإذا في أي إستفسار ثاني لا يردج شيء :smile: .

[/QUOTE]

رد: بخصوص سداد الرسوم

اناا عن نفسي صورته بالجوال وارسلته:(269):

بالتوفيق

رد: بخصوص سداد الرسوم

شوف أخووي
بقوولك الطريقهـ من البدآيهـ’’’

أول شئ تطبع نموذج السدآد من الخدمات الطلابيهـ من ايقوونة ((نموذج سدآد الرسوم))
وبعدين ترووح للبنك تسدد رسوومك :oao:
وبعددهــآآتسوي نسخهـ الكترونيهـ من أصل الوصل (النسخه الزرقـآء)بـالسكـآنر<اذا مو موجود عندك روح للمكتبهـ وسووه بالسكـآنر وحطهـ بفلاش ميمووري
وحمل الوصل اللي بالفلاش بجهاازك وادخل ع الخدمات الطلابيهـ ((ع ايقوونة((ارسال الوصل الكترونيا)
وحط استعرآض وحمل الوصل وآرسلهـ ع موقع الجامعه<موجود العنوآن بالخدماات
وبعدها بيبقى معك الووصل اللي هو الورقهـ الزرقـآء<<<ارسلها ع البريد المستعججل
ووبس أتمنى افدتك
موفق’’’

رد: بخصوص سداد الرسوم

مــآآشـآء الله البناات مــآقصصرووآآ<<:biggrin:
<<وأنــآ جييت وكتبت الطريقهـ<<حفظتها:biggrin:

رد: بخصوص سداد الرسوم

مشكورين جميعا الله يعطيكم العافيه

رد: بخصوص سداد الرسوم

اقتباس:

المشاركة الأصلية كتبت بواسطة حلم&& حياتي (المشاركة 2928423)

(( واتمنى من القلب الحزين يعذرني لاني نقلت شرحه ))

حلم&& حياتي

أفا عليج يا بنت الحـلال , معذوره ومسموحه بعد من غير ما تتعذرين ,

وصدقيني ما عندي أي مشكلة في نقل شرحي دام الشيء هذا في مصلحة للجميع :119: ,

تسلمين حلم&& حياتي وبارك الله فيج :smile: .