|
يقبل العذر الطبي ؟ ؟
السلام عليكم , , ,
يا أخوان انا سويت عملية في ركبتي يوم السبت , طبعا اضطريت اني اغيب السبت , وماطلعت الا اليوم . العملية ماهي بصيطة لذالك اعطوني راحه 12 يوم , ولا حتى اقدر امشي علاوة على ذالك عندي جلسات للعلاج الطبيعي , ( جميعها فترات صباحية ) , , انا ادري اذا غبتها راح ينزل لي حرمان , , , السؤال هنا لو اجيب عذر طبي يقبلونه ولا لا ؟ ؟ ؟ ( للعلم معي ورقه تدل اني متنوم واني مسوي عملية ) + المستشفى حكومي ( يعني ماهو اهلي عشان مايقبلون العذر ) الله لايهينكم ياخوان ,, |
رد: يقبل العذر الطبي ؟ ؟
العذر مقبول انشاء الله اذا عندك تقرير يثبت انك منوم
على فكرة انا بعد ركبتي صار لي 5 شهور علاج طبيعي عندي الغضروب و الرباط الجانبي و يمكن احتاج منظار:Cry111: الله يشفيك و يشفينا ما تشوف شر |
رد: يقبل العذر الطبي ؟ ؟
طيب لا قبلو العذر وش يترتب عليهم يعني مثلا( اغيب ومايخصمون مني ساعات ) ؟ ؟ ؟
******** بس انا ياخوك سويتها بمنظار > مع العلم اني قبل العملية كنت بعلاج طبيعي 6 شهور بس مافاد على العموم الله يشفيك ويشفينا , , , ولاهنت اخوي |
رد: يقبل العذر الطبي ؟ ؟
يترتب انك ما كانك غايب و اذا فاتك لاب و الا شي تعوضه بالترتيب مع المدرس :33_asmilies-com:
|
رد: يقبل العذر الطبي ؟ ؟
حلو طيب
بس معليش اخوي كثرت اسأله :biggrin: :biggrin: استفسار بصيط فقط :biggrin: انا الان بالخبر وراح اغيب حوالي اسبوع , , , هل ارسل احد يوصل لهم التقرير الطبي , , ولا اوصل التقرير الطبي من اول يوم اداومه ؟ ؟ ؟ وبعدين اذا ماعليك امر , , , الاب ذا وشهو ؟ ؟ :biggrin: |
رد: يقبل العذر الطبي ؟ ؟
لا لا انا اقوول خلي ولي أمرك هو الي يرووح اذا انت ما تقدر لاني اتوقع اذا وصلت الفترة الى اسبووع بعطوك خيارين يا تحذف السمستر او يحسبو عليك غياب
و الحرمان يجي في الكلية اذا غبت اي مادة سبوعين يعني مثلا انت تدرس 16 حصة انجلش في الاسبوع 16 * 2 = 32 مسموح تغيب و اذا غبت ال 33 تاخد DN اما الاب اتوقع مو عندك لان شكلك تحضيرية:cool: |
رد: يقبل العذر الطبي ؟ ؟
أكيد مقبول ان شاء الله
بس خلك على تواصل مع الادارة بالاتصال عليهم وتشوف لازم تجيب العذر من الحين أو بعدين |
رد: يقبل العذر الطبي ؟ ؟
والله مابي احطمك ولاكن انا عندي واحد من اصحابي تنوم في مستشفى الجبيل العام اسبوع واخذ dn اعطاهم العذر الطبي قالوا له مانقبل الا ان تكون منوم في نفس المستشفى اللي محولينك عليه في الصناعية
غير كذا مافيه والله بيني وبينكم الكلية هاذي ماترحم في الانظمة :41jg: يعني انتبه اذا مرة ماتقدر اقطع السمستر هذا وعيده السمستر القادم نصيحة من اخوك:wink: |
رد: يقبل العذر الطبي ؟ ؟
الكلية يا ويلك منهم اذا ما تخبرهم أول بأول يعني روح الحين و شوف الي الك و الي عليك قبل ما تغيب و أنصحك لا تصدق الكلام الشفهي بأنهم موافقين لازم تاخد أوراق موثقة و مضمونة من الجهات المختصة :cool:
|
رد: يقبل العذر الطبي ؟ ؟
كفيتو ووفيتو ياخوان , , , لاهنتم
انا سنة تحضيريه اخوي تشلساوي هل اقدر اعطيهم خبر عن طريق التلفون ؟ ؟ ؟ بس درءا للمفاسد وفي حال عدم قبول العذر , , الوكاد وبحاول اني اداوم السبت بحيث اكون غبت اسبوع ( بالتالي غبت 20 حصة بالانقلش ) لان عندي باليوم الواحد 4 حصص انقلش على كذا ماهو نازل لي حرمان ولا مو ؟ اعذروني يالربع تراني ماني فاهم بموضوع الغيابات والساعات والسوالف ذي |
| All times are GMT +3. الوقت الآن حسب توقيت السعودية: 05:56 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه