ملتقى طلاب وطالبات جامعة الملك فيصل,جامعة الدمام - ميجنــا....يا....ميجنــــا.... والاهــداء

:064:السلام عليكــم,,,اسعد الله اوقاتكــم بالمسرّات

ابيات اتمنى ان ترتقي لسمو كم الكريم

الاهــداء:

المعنــى,,,لمن تنتظر قصيدتي وانتظر قصيدتهــا
المضمون,,,لكم انتم احبــتي

ابتسم فيني الطمـوح وعانقـت روحـي الهنـا
يوم طلت في حياتـي وبادلـت قلبـي الشعـور
كنت ضايع قبل اشوفه كنت مـدري مـن انـا
حرف علّه وسـط جملـه مالهـا معنـى ودور
اذكر اني كنت جرح (ن) يشتكي هجـر الضنـا
ويوم جتنـي نورتنـي وزادت الانـوار نـور
وقمت اقرب وسط قلبه وهـو بعـد مثلـي دنـا
وولعت لي الضوء الاخضر واسمحت لي بالعبور
قلت ابي اطلـب قالـت امر...لاموانـع بيننـا
بيني وبينـك ميانـه حطمـت كـل الجسـور
المهـا هـذي مهاتـك والهـوى بـك شـدنـا
وجيت كلي تحت امرك وانت عارف بالامـور
قلت انـا قلبـي بيدينـك واشهـد انـه اهتنـى
من لفيتي زاد فينـي كـل فرحـي والسـرور
انتي اغلى من حياتـي وانتـي وردي والجنـا
في وسط قلبي محلـك زارعـك ورد وزهـور
ان عطشتـي اشربينـي وان عطشتـك ارونـا
وان رويتك ودي اظما وارتوي واظمـى وادور
ودي انسى كل ماضـي وابتـدي فيـك المنـى
وفـي غيابـك يامهاتـي مايكفينـي الحضـور
قبل اشوفك كنت جـرح مـن الليالـي والعنـا
وكنت اعاني من زماني بين ظلم وبيـن جـور
ويوم جيتي وسط قلبي توي اعـرف مـن انـا
شاعر (ن) مغرم متيّم يملك احسـاس وشعـور
اعزفـي فينـي الامانـي مـن عتابـا لميجنـا
ميجنا....يـا ميجنا...وردديـهـا يالسـطـور