|
اتصال من الجامعه
السلام عليكم ورحمة الله وبركاته
أخواني وأخواتي اليوم تلقيت إتصالين من رقم أشك 100% إنه من الجامعه لأن الرقم من الاحساء وأنا ما اعرف أحد فيها للأسف الاتصال الأول الساعه 1:30 ظهراً كنت نايم وما رديت عليهم الاتصال الثاني الساعه 6:15 المغرب وكنت اصلي ومارديت عليهم وإذا اتصلت على الرقم يعطيني غير صحيح وهذا الي مخليني اتأكد انهم الجامعه وهذا هو الرقم ((035920906)) طبعاً أنا مسجل جديد وأرسلت كامل أوراقي وتأكدت إنها وصلت عندهم وللحين أنتظر الرقم السري الي مدري متى بيرسلونه لي ياليت يا اخوان الي دق عليه هذا الرقم يقولي وش عندهم لأن أوقاتهم خطأ وإذا فيه أحد من المسئولين في الجامعه يشوف موضوعي يقولهم اني على الجوال اللحين لين الفجر الله يفرجها بس تكفون لا تبخلون علي بالمعلومه |
رد: اتصال من الجامعه
لا زلت أنتظر يتصلون على عشان اعرف وش سالفتهم
كذلك لا زلت انتظر الرقم السري وش ذا الجامعه الي كلها انتظار ترا والله ماعندي مشكله اسحب عليهم أصلاً أنا ادور لي عذر كلها سبت صديقي الي لف راسي وقال تعال نسجل وطلعني سماء حسيت اني ابي ادخل جامعه امريكيه يا اخوان لا تدققون كثير في كلامي بس تعرفون الواحد يبي يفضفض شوي وما لنا غير الله ثم انتم يعني لا تنطشون موضوعي مجرد مواساة |
رد: اتصال من الجامعه
الا هالرقم من الجامعه انا اتذكر قبل شهر متصله على نفس الرقم وراد علي واحد يقولي انه من شئون الطلاب
اصبر وشف وش يصير معك يمكن فيه شي ناقص لك من اوراق الله يوفق الجميع |
رد: اتصال من الجامعه
اقتباس:
قبلك كنا كذا لاتستسلم |
رد: اتصال من الجامعه
هههههههههه منفعل شكلك عآآآدي دآآم اورآقك اوك وآرسلتهآ هم بيرسلون لك البآسوورد قريب خلال هالايام والاتصآل اذآ فيه شىء ضروري اكيد بيدقون عليك بس ممكن بوقت الدوآم بس وانشآء الله خير:(269): |
رد: اتصال من الجامعه
اقتباس:
تدرين من يوم شفت اتصالهم الظهر وانا اهوجس في هالاوراق واقول وش انا ناسي ومتاكد ان اوراقي كامله ان شاء الله الى اذا البريد جايب العيد فيني نبي نصبر ونشوف وشكراً كثيراً على الرد |
رد: اتصال من الجامعه
اقتباس:
تطمن ماراح يصير الا الخير انا اشك فيهم ترى ياانهم مضيعين او انهم مضيعين اختر وحده من الثنتين :biggrin: |
رد: اتصال من الجامعه
اقتباس:
بعدين لمين راح استسلم هو احد عطاني وجه ودي والله استسلم ما احب حرق الأعصاب |
رد: اتصال من الجامعه
اقولكم ياعـــــــــــــــــــــــيال اطمنو الرقم جيكم
|
رد: اتصال من الجامعه
اقتباس:
وأحمد ربك والله لو تشوف حالتي اليوم بس قاعد اناظر شاشة ذا الجوال اول مره اصير كذا صديقي الي معيشني في أحلام وما سجلت الى عشانه قاعد مبسوط وما احد دق عليه وأنا عايش في قلل وتفكير ووسوسه ترا الموضوع طويل بس مختصره لك وانا قاعد افكر أقفل جوالي لأن كل ما دق على احد صار قلبي يرجف تقول مسوي مصيبه اعوذ بالله الله يعين وش ذا |
| All times are GMT +3. الوقت الآن حسب توقيت السعودية: 10:06 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه