|
معلومات عن الدكاترهـ // هام
ادارة الموارد بشرية: محمد عبد الرحمن الدوغان
الادارة المالية: سعدي وصاف و عبدالكريم قندوز نظم معلومات الادارية: أحمد الشريف مبادى الاقتصاد الكلي: عبداللطيف موسى بلغرسه ادارة عامه: مراد سليم عطياني :sdfgdsf::sdfgdsf::sdfgdsf::sdfgdsf::sdfgdsf::sdfg dsf: |
رد: تكفون ياعيال عطوني معلومات عن الدكاتره...؟؟ادخل وشوف ضروري ضروري
انتظر ردكم ....؟؟؟:mh12:
|
رد: تكفون ياعيال عطوني معلومات عن الدكاتره...؟؟ادخل وشوف ضروري ضروري
يا شهراني كلهم كويسين باستثناء الدوغان ووصاف ما اعرف عنهم شي والباقين توكل على الله
|
رد: تكفون ياعيال عطوني معلومات عن الدكاتره...؟؟ادخل وشوف ضروري ضروري
اقتباس:
يعطيك العافية يالغلا.. |
رد: تكفون ياعيال عطوني معلومات عن الدكاتره...؟؟ادخل وشوف ضروري ضروري
الإدارة العامة : مراد عطياني في ناس أعرفهم درسوا عنده يمدحونه و يقولوا أنه متساعد مع الطلبة بشكل كبير من ناحية الدرجات و الاختبارات ، أيضا حسب ما سمعت أنه في نهاية المقرر يطلب منك بحث تسويه بنسبة لـ إدارة مالية ألي أعرفه :- أن عبد الكريم قندوز : من ناحية الشرح ممتاز و الأفضل لكن بالاختبارات و التصحيح شديد جدا و يحاسب على كل شيء تكتبه أي يعطيك ألي حققته في الاختبار بدون زيادة و لا نقصان سعيدي وصاف : من ناحية الشرح هو جيد لكن مش زي قندوز بس متساعد مع الطلبة في الدرجات و يعطيك حقك و زيادة برضوا نظم معلومات إدارية : إذا حصلك خالد خليل فخش عنده لأني أسمع أنه الأفضل حاليا بتدريس المقرر |
رد: تكفون ياعيال عطوني معلومات عن الدكاتره...؟؟ادخل وشوف ضروري ضروري
اللي ردسوا نظم معلومات إداريه من وين المذاكره؟
ومين درسكم؟؟؟ظ |
رد: تكفون ياعيال عطوني معلومات عن الدكاتره...؟؟ادخل وشوف ضروري ضروري
بس نصيحه يالشهراني لاتاخذ مراد عطياتي بالاداره ربي يذمون فيه ومع اسئلته دقيقه وصعبه
واذا كنت تبي تاخذ الاداره اخذها عند سيدي محمد ساهل مره طيب وع نياته واسئلته مرهـ سهله وكلها من الويب ستي ومايخرج برا الكتاب واوما الاختيار كلهـ من االاختياري باالكتاب انا اخذت عندوهـ c+ يصحح بضمير وبذمهـ وبسسسسسس وانت ورايكـ ربي يوفقنآإ يارب |
رد: تكفون ياعيال عطوني معلومات عن الدكاتره...؟؟ادخل وشوف ضروري ضروري
يعطيكم الف الف الف الف عافية
بنسبه لدكتور سيدي محمد ساهل انا كنت عنده ادارة عامه سمستر الي راح والله انه مصعب ام الماده وانا حذفتهاا عنده ونزلتهاا هذا سمستر عند مراد تحياتي..:(204): |
رد: معلومات عن الدكاترهـ // هام
حياك الله اخوي الشهراني راح اجاوبك باللي اقدر عليه ادارة الموارد بشرية: محمد عبد الرحمن الدوغان بصراحه الدكتور تعامله جيد ، اسئلته صح وخطأ واختياري وسؤال مقالي ، وطبعاً هذا السؤال ما اعتقد احد اخذ فيه درجه كامله لانه يبي الطالب يجيب نفس اللي بـ يبيه هو ، وكأن الطالب داخل عقله مع احترامي له إلا انه مايعطيك حقك بالاختبار ، ويعطيك كلام انه يرفع بالدرجات ولا شفنا شي ، وفيه طلاب ما يستاهلون ويعطيهم درجات عاليه للأمانه كانت اسوأ مادة عندي السمستر الماضي "سلوك تنظيمي" وهي عنده ، اما موارد بشريه انا مادرست عنده ، كنت ماخذها عند سملالي وكان دكتور عسل ومحترم ومتعاون ويعطي الطلاب حقهم الادارة المالية: سعدي وصاف و عبدالكريم قندوز باختصار سعيدي وصاف معلوماته كثيره لكن شرحه متواضع مايعرف يوصل المعلومه للطالب لان الشرح عن طريق "البوربوينت" والماده فهم لازم سبوره وشغل ، لكن للأمانه الدكتور محترم جداً ويتعاون مع الطلاب ، ويساعد في التصحيح اما قندوز فـ هو برضو محترم جداً وشرحه مميز جداً ، لكن مشكلته فالتصحيح شويه يدقق لكن انصحك تاخذها عند قندوز خصوصاً انك مثل مو كاتب فوق تخصصك "ماليه" فـ لازم تتأسس صح انا للأسف ما تأسست صح ، والنتيجه اني حولت من "مالية" إلى "تسويق" نظم معلومات الادارية: أحمد الشريف الدكتور احمد الشريف يمدحونه لكن ما اعرفه وانا درست هالماده عند دكتور "خالد خليل" كان طيب واسئلته اختياري لكن بصراحه الماده ممله يعني المحاضره مع احترامي مالها فايده كله اشياء تنحفظ وتنفهم دون شرح مبادى الاقتصاد الكلي: عبداللطيف موسى بلغرسه للأسف ما اعرفه ، لكن على حسب ماسمعت انه جيد ادارة عامه: مراد سليم عطياني انا درست عنده "مقدمه في البحث العلمي" صراحه هو اعطى الماده اكبر من حجمها ، ماده ساعه وحسسني انها ثلاث ساعات ، طلب نسوي له ملخص من "رسالة ماجستير أو دكتوراه" واعطانا نقاط نكتبها ، بعدها طلب مننا بحث علمي حنا نسويه يشبه الملخص والاختبار كان اختياري لكن جاب سؤالين مقالين في النهائي من ضمنهم سؤال يوضح هل انت فاهم البحث اللي سويته أو لا علشان يتأكد اذا انت مسويه أو لا ! اتمنى أكون أفدتك وأتمنى انك اي دكتور تسأل عنه تطرحه في واحد من المواضيع المثبته |
رد: معلومات عن الدكاترهـ // هام
محمد الدوغان نصيحة لاتاخذ عنده
يعطونه الادارة منهج يقولك ذاكر المنهج كامل ويجيبلك ملازم من برا زياده ويقول دوور من المكتبه كتب وذاكرها وبالاخير يجيب اسئله مالها دخل اسئله من فهمه هو وحتى لو جاب سؤال من المنهج وجاوبت صح بيحطلك خطأ لانه يبي جواب معين محد يعرفه الا هو :mad: |
| All times are GMT +3. الوقت الآن حسب توقيت السعودية: 12:12 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه