|
بداية الدراسة اليوم والتخبط مازال مستمرا
ماتلاحظون أن كل المواعيد اللي حاطينها بالتقويم الزمني كلها غلط بغلط اليوم يفترض بداية الدراسة يعني المفروض الرقم السري الممكن يصير نازل لكن أحس ان فيه تخبط من قبل إدارة الجامعة بالنسبة للتقويم الزمني مره تأجيل مره تقديم يعني مافيه إلتزام بالمواعيد علماً بأن الوقت هو أهم شي والتزامهم به يدل على مصداقيتهم وعلى أنهم كفوء لإدارة هذا القسم الموقر |
رد: بداية الدراسة اليوم والتخبط مازال مستمرا
السلام عليكم
نصيحة من اخت لك بالمستوى الثاني إنك تاخذ الامور بسهالة جامعتنا ممتازة لكنها مع المواعيد في خصام دااائم الحق يقال هم طيبين ويساعدونا كثير ويحاولون جهدهم لكن ما أدري ليه مازبطت معاهم حكاية المواعيد بس الحق ينقال لو خربطوا بموعد يعوضون فلا تشيل هم اصبر وما صبرك الا بالله:(269): |
رد: بداية الدراسة اليوم والتخبط مازال مستمرا
اقتباس:
|
رد: بداية الدراسة اليوم والتخبط مازال مستمرا
طيب إلى متى مايلتزمون بالمواعيد مع العلم أن اللي يدل على النجاح هو الالتزام بالموعد ومشكوره يأختي على النصيحه بس والله ارتفع ضغطي
|
رد: بداية الدراسة اليوم والتخبط مازال مستمرا
لا يرتفع ضغطك ولا شي اخوي
انت مااشفت شي بعدك بتمر عليك اياام اصعب من كذا يوم البلاك بورد ماايفتح نهاائياا ويوم الواجباات تروح عليك وانت مااحليته ويوم منتدى الحوار مهنق وماايفتح ويوم موقع الجاامعه بطيئ ومن جد يرفع الضغط وهذا غير المحااضرات المبااشره هل بتفتح معك اولاء عشاان كذا خلك ريلاكس من البدايه واتوقع الاسواء عشاان مااتتحطم وتفقد الامل اناا مااقولك كذاا عشاان احطمك بالعكس عشاان تكون مستعد لا اي شي ممكن تواجهه وان شااء الله بعد كل هذا التعب تلاقي نتيجه تفرحك وتنسيك كل التعب الي صاار موفق اخوي |
رد: بداية الدراسة اليوم والتخبط مازال مستمرا
وليش الطلاب راضين باللي قاعد يصيرلهم مافيه أحد يتكلم أو شافونا منحدين عليهم ولا نقدر نقول شي
|
رد: بداية الدراسة اليوم والتخبط مازال مستمرا
مو راضين بس هذا الشي خاارج عن ارداه الجاامعه
يعني احيااناا يكون مره ضغط على موقع الجاامعه وماايستوعب الكم الهائل من اعداد الطلاب عشاان كذا انت لازم تسوي اشغالك من بدري يعني اول مااينزل الواجب تحل بدري عشاان الضغط او انتهز وقت الفجر يكون مافيه ضغط منتدي الحوار حاول تشاارك فيه من بدري عشاان مااتنضغط وتنزحم موفق |
رد: بداية الدراسة اليوم والتخبط مازال مستمرا
راضين لان العمادة ماتقصر معنا
لما كان يعلق البلاك عطونا فرصه للمشاركه لاخر يوم اختبارات ولما ضاعت علينا الفرص بحل الواجبات فتحوا لنا عدد المحاولات لاخر يوم اختبار : بالمختصر هم يعوضون اى قصور يحصل لذلك ، انا اعتبر المرونه هذي حسنه من حسنات جامعه الملك فيصل والدكتور عبدالله النجار متعاون معانا لابعد حد ويسمع لنا ويحاول قدر المستطاع يساعدنا بحدود الصلاحيات الممنوحه له |
رد: بداية الدراسة اليوم والتخبط مازال مستمرا
الله يعين
|
رد: بداية الدراسة اليوم والتخبط مازال مستمرا
تصدقون اني سجلت وانا ماادري وشلون خطة الدراسه
يعني وش علي اسمع فيه واجب واسمع تنزيل مواد واسمع تنزيل محاضرات وفيها درجات وكمان فيه رقم سري يرسلونه ع الجوال وانا والله مدري وش السالفه مثل الاطرش في الزفه :biggrin: ممكن تفهموني |
| All times are GMT +3. الوقت الآن حسب توقيت السعودية: 01:09 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه