ملتقى طلاب وطالبات جامعة الملك فيصل,جامعة الدمام - أحبـك ليـش ماحبـك تغيـب وكنـك إقبالـي

أحبـك ليـش ماحبـك تغيـب وكنـك إقبالـي

طلبتك يا بعد ( ناسي ) .. تجي وتروف باحوالي
تعال وشوف وش سوى عظيم الشوق بغيابـك

تعال وقول ما ودك .. عتبـك اليـوم يحلالـي
آلامي تشتكي صدك كبيـرة جفـوة .. احبابـك

أحبـك ليـش ماحبـك تغيـب وكنـك إقبالـي
رويت القلب من حبك أموتـك حـب واحيابـك

صبرت ولا نفع صبري مصيبة موتـت آمالـي
علامك كل ما تقرب .. تعود وتسـرج إركابـك

دروبك تتعب الممشى .. تهد الحيل مـن تالـي
ترى سيف الجفاء يقتل أمانة تحسب إحسابـك

رسمتك حلم لا أكثر .. تجي وشلـون غربالـي
على غيرك تخيرتك .. تطيح الناس .. وارقابك

وش اللي يرضي غرورك مدامك ما تهيالـي !!
أنا مذكر ولو مرة .. سعيت لشـدت أعصابـك

انا ضحيت من شانك وبرهن قولـي .. أفعالـي
على عكس الوفاء مني تجيني قسـوة إعتابـك

رجيتـك لا تحملنـي جروحـي مالهـا والـي
تريث ياشقـى عمـر ٍ وطـاه الهـم باسبابـك

شعوري جاوز حدودك .. غلاك اغلا من الغالي
عسى نفس الشعور اللي غزاني حيـل ينتابـك

دخيلك ما مضى كافي ( مهو ) يعنـي تحلوالـي
سنيني ترتجي وصلك سعدهـا والهنـاء بابـك

بدونك حالتي صعبة ترى مـن جـد يرثالـي !!
وانا لو طال هجرانك حشى ماقـول وش جابـك

أمانة هذي ظروفي .. تعـال وروف باحوالـي
على رغم الجفاء جيتك أشيل الشـوق واتعابـك