ملتقى طلاب وطالبات جامعة الملك فيصل,جامعة الدمام
صفحة 1 من 2 1 2
عرض 100 مشاركات من هذا الموضوع لكل صفحة

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)
-   إدارة أعمال 1 (https://vb.ckfu.org/forumdisplay.php?f=310)
-   -   خاص بطلاب كليه الجبيـــل الصناعيه ومعادله المواد ... (https://vb.ckfu.org/showthread.php?t=144815)

مستشار 2011- 2- 8 08:18 AM
خاص بطلاب كليه الجبيـــل الصناعيه ومعادله المواد ...
 
السلام عليكم ورحمه الله وبركاتـــه


مثل ما أنتو عارفين الأن بدأت معادله المواد واللي لاحضته انه في اهمــال لخريجين

كليه الجبيل الصناعيه علمــا بأني اتجهت لهم في الصيف الماضي وذكرو أنهم راح

يعادلون لي 15 ساعه ومنها اللغه الأنجليزيه والرياضيات 2 والثقافه الأسلاميه

لكن الي الان الموضوع يبي له مطالبه منا وماضاع حق وراهـ مطالب

انا عندي قناعه كامله انه دراستنا في الكليه المفروض يعادل لنا وبدون تفكير

خصوصا اننا درسنـــا المواد كلها باللغه الأنجليزيه ونفس المواضيع تقريبا

عموما انا اليوم ارسلت ايميل للدكتور مصلح و للدكتور النجار بأسمي وأسمكم

واعتذر اني تكلمت بأسمكم يجب ان يعرفو انه مو بس مستشار من خريجي كليه

الجبيل الصناعيه ويبغى المعادله عموما اتمنى منكم التفاعل في الموضوع خصوصا انه مابقى

الا الأسبوع هذا والأسبوع الجاي .



اتمنى اجد ردودكم هنا واللي بيسألني من وين اجيب ايميل الدكتور مصلح والدكتور النجار

اقوله في موضوع مثبت مكتوب فيها ايميلات وارقام الدكاترهـ الأفاضل


تقبلو تحياتي مستشار

مستشار نوره 2011- 2- 8 11:48 AM
رد: خاص بطلاب كليه الجبيـــل الصناعيه ومعادله المواد ...
 
بارك الله فيك اخي مستشار
لأنو هذا اللي مفترض يصير والأكثر من هذا المفروض تتم معادلة 40 ساعة على الأقل لنا لأنا درسنا باللغة الانجليزية وقريبة جداً من المحتوى وبالعكس الدراسة هذه صايرة سهلة جداً مقابل ما درسناه في الكلية اللهم اختلاف الدرجة العلمية

عموماً خطوة موفقة
وطمنا ان شاء الله اذا عادلو لك مواد لأني الآن رايح المستوى الثالث وأبغا اقدم معادلة مواد

مستشار 2011- 2- 8 11:54 AM
رد: خاص بطلاب كليه الجبيـــل الصناعيه ومعادله المواد ...
 
ربكـ كريم وان شاء الله يردون علي اليوم وأقولكم وش صار معي

مستشار نوره 2011- 2- 8 01:11 PM
رد: خاص بطلاب كليه الجبيـــل الصناعيه ومعادله المواد ...
 
بالتوفيق ان شاء الله

مستشار نوره 2011- 2- 9 08:26 AM
رد: خاص بطلاب كليه الجبيـــل الصناعيه ومعادله المواد ...
 
بشر اخوي مستشار ماردو عليك بخصوص معادلة المواد؟؟؟

بحر العلم 2011- 2- 9 10:31 AM
رد: خاص بطلاب كليه الجبيـــل الصناعيه ومعادله المواد ...
 
الله يعطيك العافية

أخي مستشار الله يوفقك دنيا وأخره دافعت عن نفسك وعن أخوانك المتخرجين من كلية الجبيل الصناعية .. الدراسة في كلية الجبيل الصناعية أصعب بكثير عن جامعة الملك فيصل والجميع يعرف هذا الشي ..

أما بخصوص المعادلة طلبت معادلة لأكثر من مادة وأرسلت خطاب فاكس قبل الإختبارات إلى الدكتور عبدالله النجار وحتى الأن لم يتم الإتصال علي أو إخباري عن طريق الموقع عن المعادلة هل تم رفضها أو أنها قيد الدراسة حتى هذه الحظة .. وهذا يعتبر تقصير من الجامعية بترك الموضوع مبهم ..

لا أطالب الجامعة بمعادلة المواد كل جامعة ولها سياسة ونظام نحترمه لكن العتب على الجامعة بعدم الرد على طلب المتقدم بالرفض أو المعادلة .. أرحب بكل قرار تقره الجامعة حتى لو يقولون لي ما فيه معادلة شهادتك ما تسوى شي .. أهم شي نجد إجابة ولا يترك الموضوع عائم أو تجاهل الطلبه ..

من الصباح أحاول الإتصال على الجامعة ولا أحد يستجيب ..

أتمنى من لدية رقم مكتب الدكتور عبدالله النجار أو سكرتيره إعلامي .. أما رقم الجوال فأنا أتحفظ على الإتصال علية نظراً لأن الجوال هاتف شخصي وليس عمل ..

لصبر حدود ..

الله يوفق الجميع

مستشار 2011- 2- 9 10:36 AM
رد: خاص بطلاب كليه الجبيـــل الصناعيه ومعادله المواد ...
 
ماعاد يفيد لا رقم جوال ولا فاكس


انا عن نفسي باخذ اجازهـ من دوامي يوم السبت وبروح الأحساء

وبرجع للشخص اللي ذكر انه راح يعادل لي 15 ساعه


وباخذ اوراقي كامله وما راح اطلع الي ان اخذ حقي كامل باذنـــ الله



تحياتي

بحر العلم 2011- 2- 9 10:52 AM
رد: خاص بطلاب كليه الجبيـــل الصناعيه ومعادله المواد ...
 
اقتباس:
المشاركة الأصلية كتبت بواسطة مستشار (المشاركة 2704373)
ماعاد يفيد لا رقم جوال ولا فاكس


انا عن نفسي باخذ اجازهـ من دوامي يوم السبت وبروح الأحساء

وبرجع للشخص اللي ذكر انه راح يعادل لي 15 ساعه


وباخذ اوراقي كامله وما راح اطلع الي ان اخذ حقي كامل باذنـــ الله



تحياتي
الله لا يهينك أعطيك رقمي الجامعية على الخاص ودافع عني .. تكسب دعوه من أخوك ..

تحياتي

مستشار 2011- 2- 9 11:32 AM
رد: خاص بطلاب كليه الجبيـــل الصناعيه ومعادله المواد ...
 
ارسله على الخاص وابشر اذا رحت السبت راح اسالهم

مستشار نوره 2011- 2- 9 03:35 PM
رد: خاص بطلاب كليه الجبيـــل الصناعيه ومعادله المواد ...
 
اخوي العزيز مستشار هل انت قدمت للمعادلة الكترونياً عن طريق الموقع أم سلمتهم الأوراق يدوياً
لأني سمعت بانهم لن ينظروا إلى أي طلب يسلم يدوياً لأن المنهج المتبع عندهم أن يتم التقديم الكترونياً عن

طريق الموقع من أيقونة الخدمات الطلابية

اتمنى لك اخي العزيز كل خير وتبشرنا بكل خير


All times are GMT +3. الوقت الآن حسب توقيت السعودية: 06:05 AM.
صفحة 1 من 2 1 2
عرض 100 مشاركات من هذا الموضوع لكل صفحة

Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه