ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)
-   ملتقى الفنون الأدبية (https://vb.ckfu.org/forumdisplay.php?f=150)
-   -   استأذنكـ ...! (https://vb.ckfu.org/showthread.php?t=14388)

ملك بكلمتى 2008- 6- 20 01:11 AM

استأذنكـ ...!
 
استأذنك .. بسافر ايام .. وآجيك
وان طالت ايّام السفر .. لاتحاتي
حتى ولو طوّلت .. ماني بناسيك
ياللي بدونك .. ويش تسوا حياتي؟
تامر على حاجه؟؟ .. بودّعك واليك
عسى عوّض الايام .. في المقبلاتي
حتى يدي .. ماودّها تفارق يديك
ساكت .. وانا اشوف البلا في سكاتي
ماشفتني لارحت منك .. التفت فيك
بلاي والله (( روحتي والتفاتي))
لكن قبل ماروح .. ودي اوصيك
وانت الوحيد اللي يقدّر وصاتي
لاحدٍ سالك .. وقالك ((وين مغليك؟؟))
قله: "لوازم لاقضاها بياتي"
وان طروا النسيان .. ماني بناسيك
ياراس مالي في الحياه .. وغناتي
وان طروا السلوان .. ماني بساليك
طيفك معي حتى وانا في صلاتي
قلبي .. وهو قلبي اذا مرّ طاريك
لولا ضلوعي .. كان عزوا مماتي
لو جض صدري .. كان يمديه ياتيك
ويبات عندك .. ويهنى بالمباتي
انا .. وقلبي .. والغلا .. ساكنٍ فيك
وانته .. وقلبك .. والغلا .. وسط ذاتي
غلاك .. مثل الحكم عند المماليك
اكبر طموحي .. لا .. كل امنياتي
شف في غيابي ايّ حاجه تسليك
لاني بعدك .. اسلى مع (( ذكرياتي))
احاول اذكر .. اي شيٍ يطريك
"واقول هو سوا .. وانا ذي سواتي "
كني موادع .. كل شيٍ حواليك
وكني حسبت حساب ((حزة وفاتي))
احب .. لاني مقدر انساك .. وآبيك
ولا اقدر اخليك .. ياللي تحاتي
معنى احب .. وماقدر انسى واخليك
((يعني بدونك ويش تسوا حياتي؟))

الموت البطيء 2008- 6- 20 02:11 AM

رد: استأذنكـ ...!
 
من اعذب الكلمات واروعها

ربي يسعدك

تشكر ملك على طرحك

عبير 2008- 6- 20 11:21 AM

رد: استأذنكـ ...!
 



:d5: :d5:


فليدم الإحساس الصادق

والمشاعر النبيلة







لا تحرمنا أخوي من إبداعاتك



فتى الأحزان 2008- 6- 20 03:12 PM

رد: استأذنكـ ...!
 
أيها الحاضر الغائب

لا تطل الرحيل فالجميع في انتظارك ...

وان أرهقتك محطات السفر , لا تيأس لأجل من في القلب ذ**** باق لم يمت ...

نحن بانتظار العوده ..

جنون الحب 2008- 6- 21 02:02 AM

رد: استأذنكـ ...!
 

http://www.al-wed.com/pic-vb/503.gif

احب .. لاني مقدر انساك .. وآبيك
ولا اقدر اخليك .. ياللي تحاتي
معنى احب .. وماقدر انسى واخليك
((يعني بدونك ويش تسوا حياتي؟))


مــلــك بــكــلــمــتــى

سيدي..

ملكتنا بروعة حروفك..

ما أروع ماا نسجت لنا من كلمات رائعه ...

وما أجمل من معاني طرحت في كلماتك...

وما أرق أحساسك الراقي ...

همسة رائعه انت دائما...

ملك بكلمتى 2008- 6- 26 10:13 AM

رد: استأذنكـ ...!
 
يسلمووووووووووو على مروركم وردودكم

والمعذره على التاخير بالرد

تقبلووو اعذ التحايا


All times are GMT +3. الوقت الآن حسب توقيت السعودية: 07:28 AM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه