تكفون فزعتكم
 

السلام عليكم ورحمة الله وبركاته

شباب انا قدر الله علي ورسبت في 6 مواد
في علم الاجتماع
:(
وابي اكمل بس مدري شلون
اقدم اعتذار ولا وش اسوي
ولا اعيد المستوى الاول ولا وش السالفه
تكفووووون جيبو لي حل
انا راسب في 6مواد
وناجح بس ب مادتين
مدري وش اسوي :(

رد: تكفون فزعتكم
 

الله يعينك ويسهل عليك

انشااء الله الاخوان يفيدونك...

بس وااجد 6
موااد

بالتوفيق

رد: تكفون فزعتكم
 

الله معاك ويوفقك

أخوي ما في شي أسمه تعيد المستوى, اللي يصير أن المواد اللي رسبت فيها ساعاتها محسوبة عليك وتدخل في حساب المعدل التراكمي إلى أن تتخرج, يعني كل ترم بعد ما يخلص تبي تحسب المعدل التراكمي لازم تحسب الساعات اللي نجحت فيها واللي مانجحت.
بس إذا بغيت تبدأ من أول عندك خيارين إما أنك تسحب ملفك من الجامعة وتروح جامعة ثانية أو تسحب ملفك وبعدين ترجع جامعة الملك فيصل بعد سنتين (حسب النظام القديم ما أدري إذا كان تغير).
والاختيار متروك إلك احسبها صح واسأل أهل الخبرة مو تعتمد على كلامي بس يكمن أكون غلطان,
بس في رأيي أن عندك فرصة أنك تكمل إذا كنت معزم تشد حيلك الترم الجاي

ومن تجربة شخصية كنت من قبل في جامعة الملك سعود وجبت العيد أول ترم رسبت في ست مواد ونجحت في مادة وحدة والمعدل كان 1.39 من 5:(269):
وأصريت أني ما أطلع, بس ما أصريت أرفع المعدل,وواصلت بس بنفس التناحة إلى أن فصلت من الجامعة بعد سنتين ونص, ولو كنت طلعت من أول كان أقل سوءا,بس لو قدرت أواصل وأرفع معدلي كانت بتكون من أعظم إنجازات حياتي اللي أفتخر فيها, بس ماصار.:Cry111:
ان شاء الله أكون أفدتك

رد: تكفون فزعتكم
 

يعني مافي احد يفيدني اكثر :(تكفون فزعتكم يا اهل الخبره

رد: تكفون فزعتكم
 

تقدر تعيد الــ 6 مواد كلهن
واذا تبغى تقدر تضيف عليهم مادة او مادتين من المستوى الثاني

والله اعلم

رد: تكفون فزعتكم
 

الله يكون في عونك تقدر تعيد المواد بس انصحك مثل ماقال الاخ رضوان اضف لها مادتين من مواد المستوى الثاني والله يوفقك

رد: تكفون فزعتكم
 

الله يعين اجل بنزلهم كلهم وبنزل مادتين من المستوى الثاني الله يعين بس