|
للمشرفين والاخوان اللي عندهم خبره ..!
السلام عليكم ...
ياليت من الاخوان اللي سبقونا بالتخصص واللي عندهم خبره يفيدوني بالمشكله اللي عقدتني لاني للحين محتار بخصوص تسجيل المواد والسبب اللي يخليني محتار هو اني درست سنه كامله بجامعه الملك عبدالعزيز وحاب اعادل المواد اللي اخذتها هناك بس مادري كيف الطريقه المهم انا بشرح لكم الموضوع بالتفصيل : اول شي المواد اللي اخذتها بجامعه الملك عبدالعزيز كانت : رياضيات حاسب الي لغه عربيه(مهارات لغويه) انجليزي ثقافه اسلامه مهارات التفكير والبحث العلمي مهارات الاتصال احصاء ============= هذي كل المواد اللي اخذتها السنه الاولى بجامعه الملك عبدالعزيز والحمد الله كلها عديتها ومعدلي فيها كان حلو يعني فوق 3.5 طبعا اللي عرفته لما سجلت بجامعه الملك فيصل انهم مايعادلون المواد في المستوى الاول مايعادلون الا بعد المستوى الاول ... وعدد الساعات اللي اعادلها تكون 15 ساعه ... الحمد الله انا عديت المستوى الاول بمعدل تقريبا 2.8 وماحملت اي ماده ... والحين نجي لمواد المستوى الثاني: رياضيات انجليزي عقيده اسلاميه مبادئ المحاسبه 2 تقنيه المعلومات اقتصاد كلي صحه ولياقه ================= الحين نجي للاسئله اللي محيرتني ومحتاج احد يفيدني فيها : اول شي هل اسجل المواد اللي ابغاها بعدين اجيب الاوراق واقدم طلب معادله او كيف الطريقه بالضبط؟يعني زي ما انتو شايفين المواد اللي درستها بجامعه الملك عبدالعزيز ومواد المستوى الثاني بجامعه الملك فيصل ,تقريبا مافيه الا رياضيات وانجليزي وثقافه اسلاميه هل انزل هالثلاث المواد هالترم او هالمستوى عشان يعادلونها لي او لا؟؟ ثاني شي باقي المواد اللي اخذتها بجامعه عبدالعزيز بس مو نازله هالترم او هالمستوى اقدر اعادلها اذا اخذتها بالمستويات الجايه والا ماقدر؟؟ ثالث شي ياليت لو اعرف الخطوات او الطريقه اللي اقدر اقدم فيها طلب معادله المواد وشنو الشروط اذا فيه شروط وكيف اتصرف صح بحيث اني ما اخربط نفسي او اضغط نفسي بمواد معينه بعدين مايعادلون لي الساعات وابتلش فيها ؟ رابع شي الف شكر لكل من قرأ الموضوع وساعدني .. وميه شكر لكل من قرا الموضوع وماساعدني :(204):..,, ارق تحيه ..,, |
رد: للمشرفين والاخوان اللي عندهم خبره ..!
ياليت احد يتكرم ويفيدنا بخصوص هالموضوع جزاكم الله خير |
رد: للمشرفين والاخوان اللي عندهم خبره ..!
المواد الي يعادلونها لك لازم تكون ماخذ فيها جيد فما فوق
ثانياً يعادلون لك 15 ساعة فقط ثالثاً : طلب المعادلة تتم مرة واحد فقط .. رابعاً لابد ان تتطابق عدد الساعات المطلوب معادلتها مع عدد الساعات في مقررات الجامعة الحالية اتمنى اني فدتك لابد من خطة دراسية عشان نعرف المواد عشان نطلب معادلتها لاتحرمني دعاءك |
رد: للمشرفين والاخوان اللي عندهم خبره ..!
اقتباس:
الله يجزاك الف خير ما قصرت:d5::d5::d5: |
رد: للمشرفين والاخوان اللي عندهم خبره ..!
و الله وضعك نفس وضعي خلصت 50 ساعه بمعدل مرتفع بجامعه الملك فيصل نفسها ماني عارفه ايش المواد اللي اعادلها بسبب عدم وجود الخطه الدراسيه و نصيحتي لك لا تسجل المواد اللي بتقدم عليها طلب معادله و حاول تعوضها بمواد من المستوى الثالث اذا كان النظام يسمح بذلك هذا اللي ناويه اسويه ان شاء الله متابعه لهالموضوع , اتمنى الأخوان يفيدونا :(204): |
رد: للمشرفين والاخوان اللي عندهم خبره ..!
كل الشكر للاخوان اللي ردو ومنتظرين معلومات اكثر تفيدنا بالموضوع
ارق تقيه ,,:(204): |
رد: للمشرفين والاخوان اللي عندهم خبره ..!
حاولوا تبحثون عن الخطة الدراسية وتضعونها هنـآ اقصد في المنتدى مو في الموضوع هنـآ عشان الكل يستفيد , |
رد: للمشرفين والاخوان اللي عندهم خبره ..!
ملاحظة هامة: يتم تقديم طلب معادلة المقررات لمواد الفصل الدراسى الأول من العام الجامعى 1432/1433 هـ و ليس مقررات الفصل الدراسى الثانى من العام الجامعى 1431/1432 هـ نصائح وإرشادات خاصة بمعادلة المقررات
|
رد: للمشرفين والاخوان اللي عندهم خبره ..!
شوف اخي ادخل الخدمات الطلابية وبتلقى ايقونة معادلة المواد مفعله ادخل عليها وان شاء الله تلقى المفيد
|
| All times are GMT +3. الوقت الآن حسب توقيت السعودية: 11:47 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه