عندي مادة غياب كيف اعرف ان انقبل عذري او لا
 

السلام عليكم اخواني واخواتي
الف الف مبرووووووك للناجحين والله يجبر بخاطر الباقي آمييييين
الحمد لله نجحت في كل المواد بس عندي مادة الصحة واللياقة كنت غائبة فيها وارسلت لهم العذر بس الحين حاطين لي في خانتها f يعني رسوب فهل هذا يدل على انهم ما قبلوا عذري ولا شلون؟؟
شاكرة للجميع

رد: عندي مادة غياب كيف اعرف ان انقبل عذري او لا
 

أم ياسين

الف مبروك

الفصل الماضي أنا تغيبت عن مادتين .. و كتبوا لي في النتيجة f

و قدمت العذر .. و انتظرت شهرين او أكثر تقريبا ( قبل الاختبارات الأخيرة بشهر ) .. و بعدين فتحوا أيقونة ( الاستعلام عن قبول العذر ) أو شي زي كذا ... في الخدمات الطلابية ... دخلت رقمي و الباسوورد ... و قالوا لي ( تم قبول عذرك للمواد التي تغيبت عنها في الفصل الماضي و يمكنك تقديم الاختبار مع طلبة المستوى الذي تغيبت عنه في الاختبارات النهائية القادمة ان شاء الله )

طبعا نزلت لي المواد الي تغيبت عنها في البلاك بورد مرة ثانية ( و بدون ما ادفع رسوم مرة ثانية ) .. و اختبرت قبل اسبوعين مع المستوى الأول ... لكن ال f لا تشلين همها و لا لها أي تأثير .. و ان شاء الله يكون عذرك مقبول

اتمنى اكون افدتك .. و اذا فيه شي ما فهمتيه لا تترددين في السؤال

اخوك ابراهيم

رد: عندي مادة غياب كيف اعرف ان انقبل عذري او لا
 

تسلم أخوي ابراهيم والله ما قصرت لك كل التحية والشكر وفي ميزان اعمالك ان شاء الله
بس عندي سؤال اذا ممكن
اللي فهمته ان المادة بتنزل لي في البلاك بورد صح؟ هل اسجلها مع مواد المستوى الثاني عندما اسجل موادي
وهل تنزل لي محاضرات من جديد و واجبات ؟
اتمنى اني ما ثقلت عليك
ومشكور مرة ثانية

رد: عندي مادة غياب كيف اعرف ان انقبل عذري او لا
 

ما فيه أي مشكله

لا لا تنزلينها مع المواد .. هم اذا قبلوا العذر بينزلونها لك تلقائيا في البلاك بورد .. و ينزل لك كل شي من محاضرات و واجبات من جديد

و لا تشيلين هم ( الحد الأعلى للساعات المسموح لك بتنزيلها ) .. نزلي اللي تقدرين عليه ..

يعني اذا مسموح لك 18 ساعة ( حد أقصى ) .. تقدرين تنزلين 18 ساعة .. و اذا قبلوا العذر ان شاء الله بينزلون لك مادة الصحة و اللياقة و يصير مجموع الساعات 20 ساعة

و مرة ثانية اذا فيه اي استفسار لا تترددين أختي

رد: عندي مادة غياب كيف اعرف ان انقبل عذري او لا
 

اشكرك اخوي ابراهيم جزيل الشكر وقضى الله لك حوائج الدنيا والاخرة
ريحت بالي الله يريح بالك ان شاء الله
الف تحيه وشكر