|
محتاجه فزعتكم لو سمحتو؟
السلام عليكم ورحمه الله وبركاته انا طالبه مستجده علم اجتماع انتساب مطور وتم قبولي ولا اعرف ولا شي واحتاج مساعدتكم ياليت يتكرم احد ويعلمني كل شي وادق التفاصيل ويتحملني عند الشرح وكان ودي ارسل رساله خاصه لاي شخص فيكم ويضيفني عبر الايميل للمساعده بس لازم المشاركات تكون 100 (:*_*:) وللعلم انا من منطقه حائل ولا اعرف هل يوجد مركز امتحانات في منطقه حائل او لا |
رد: محتاجه فزعتكم لو سمحتو؟
وعليكم السلام والرحمة
هلابك دنيتي:106: اول شي مبرووك القبول وعقبال التخرج يارب مم انا مابعرف وش تبين بالضبط بس بحاول اقولك كل شي اعرفة:119: اول شي تلقين كل شي تبينة بموقع الجامع نفسها راح يكون لك رقم سري ورقم جامعي منة تدخلين على معلوماتك الخاصة وتشوفين موادك الي راح تكون جاهزة مايحتاج تختارينها هي مختارة لك الشي الثاني في شي اسمة البلاك بورد بهذا الموقع الي راح تدخلينة برقمك الجامعي والسري بتلقين كل المحاضرات الي راح تنزل اسبوعيا والمحاضرات المباشرة الي يحددها الدكتور معكم والواجبات ايضا راح تلقينها بالبلاك بورد وهذا رابط البلاك بورد http://lms.kfu.edu.sa/ اما بخصوص مركز الاختبارت مابعرف اذا فية او لا لاني مو من سكان هذي المنطقة اتمنى اكون افدتك بشي تحياتي:106::smile: |
رد: محتاجه فزعتكم لو سمحتو؟
ماقصرتي رديتي علي بس انا انقبلت قبول مبدئيا ولا اعرف ولا وشي وش اسوي وكيف طريقتهم من الالف للياء اكون شاكره للي يخدمني |
رد: محتاجه فزعتكم لو سمحتو؟
ارسلوا لك الرقم السسري والجامعي ولا لسسه..؟؟
|
رد: محتاجه فزعتكم لو سمحتو؟
بقولك شغلة اخوية :064:
انا بالبداية كنت مثلك كذا حابة اعرف كل شي وخايفة شي جديد وتعلم عن بعد وافكار تجي وتروح ببالي بس انتي لاتستعجلين كثير استني لين يتم قبولك بشكل نهائي وبعدها راح تعرفين كل شي وبسهولة:wink: |
رد: محتاجه فزعتكم لو سمحتو؟
لالا مارسلو شي للحين لاني ماارسلت الاوراق بس بشوف كيف طريقتهم وهل الدفع يكون ترم كامل والا شلون لاني خفت لما قريت انه ساعات وحوسه كثير |
رد: محتاجه فزعتكم لو سمحتو؟
وعليكم السلام ورحمة الله وبركاته
أول شيء ألف مبرووكـ القبول :mh001: وحياااكـ الله بيننا أختي .. بالنسبه لدراستك راح تكون على نظام أسمه البلاك بورد <<ينزل فيه المحاضرات +الواجبات +محتوى المحاضرات أيضا" فيه منتدى الحوار لكل ماده تدخلينه إذا كان عندكـ أي إستفسار بخصوص أي ماده .. **البلاك بورد <<< ماتقدرين تدخلينه حتى يرسلون لك الجامعه الرقم الجامعي والرمز السري .. **تقسيم الدراجات <<<30 درجه !! * 10 درجات <<<لحضور المحاضرات المسجله او تحميلها + لحضور المحاضرات المباشره <<< يتراوح عددهم من 3-4 محاضرات لكل ماده <<وإذا ماحضرتيها مباشره راح تنزل لكـ بالبلاك بورد مسجله بس اللي عليك تحملينها أو تستمعين لها عشان تحسب لك الدرجه.. * 10 درجات <<< لحل الواجبات <<واجبين لكل ماده .. * 10 درجات <<< للمشاركه بمنتدى الحوار الموجود بالبلاك بورد << 14 مشاركه كافيه لحصولك على الدرجه الكامله .. بكذا ضمنتي 30 درجه إن شـــاءالله وباقي لكـ 70 درجه اللي هي درجة الامتحان النهائي << والاسئله راح تكون تصحيح آلي يعني موضوعيه <<<خيارات .. *اما لمركز الإختبارات لازم يكون عدد الطالبات 20 طالبه عشان يفتحونه <<بس الترم اللي فات كان فيه مركز بحائل.. **ملاحظه<<< موادك راح تكون إجباريه وعددهم 8 مواد شوفي هالرابط راح يفيدكـ http://www.ckfu.org/vb/t139580.html لاتنسينا من دعــووواتكـ :106::106: |
رد: محتاجه فزعتكم لو سمحتو؟
اقتباس:
|
رد: محتاجه فزعتكم لو سمحتو؟
اختي لا تخافين من شي
الامور كلها سهالات وفيه مركز بحائل انتي كملي اوراقك وادفعي الرسوم وارسليهم للجامعه وبعدها بيعطونك الرقم السري تدخلين تحضرين المحاضرات من البلاك بورد وتشاركين بمنتديات الحوار وتحلين الواجبات الكلام هذا بيجي بالتسلسل وبتلقين وقتها لكل خطوه موضوع يتكلم عنه والطلاب هناء متساعدين لا تتوقعين بتفهمين كل شي سواء انتي خوذيهم خطوه خطوه واي شي كل الطلاب مارح يقصرون معاك ولا مع غيرك موفقه |
رد: محتاجه فزعتكم لو سمحتو؟
يعني ادفع حق ترم اللي هم يطلبونه وهل الترم ثايت في( 2400 ) قريت بس يقولون دفعنا وباقي كذا ساعات كذا والساعه ب165 واحيان يقولون لم يتم السداد يعني مافهمت شي اخاف ادخل بحوسه كثير وقلت اسئلكم قبل |
| All times are GMT +3. الوقت الآن حسب توقيت السعودية: 10:32 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام