|
وماذا بعد القبول ... ؟
السلام عليكم
مبروك القبول للجميع .. وان شاء الله تكون فرحة تخرج بعد كم سنة اخواني :: بعد القبول الحمد لله .. هل لازم يكون عندي حساب في بنك الرياض والا اقدر ادفع كاش وهم يحولونها بطريقتهم ؟؟! والشي الثاني النماذج تطبع ملونه صح؟ :biggrin: هل بيكون فيه قروب خاص للشباب الحلوين مثلي :g2: ؟ :wink: وو بالنسبة للشروحات والدروس بتكون وين < مستعجل :33_asmilies-com: وفي الختام احب اشكر جميع اعضاء المنتدى على جهودهم العظيمة في مساعدة اخوانهم الطلاب :(204): |
رد: وماذا بعد القبول ... ؟
اقتباس:
هل لازم يكون عندي حساب في بنك الرياض والا اقدر ادفع كاش وهم يحولونها بطريقتهم ؟؟! لا لايشترط وجود حساب ببنك الرياض .. عادي روح هناك وأعطهم المبلغ كااش .. وهم راح يعرفون شغلهم ..حتى عندهم معلومات كم المبلغ ووين يرسلونه اقتباس: والشي الثاني النماذج تطبع ملونه صح؟ :biggrin: أيه ملونه .. أنا طبعتها ملونه .. بس مادري أذا ينفع أسود وأبيض ؟ اقتباس: وو بالنسبة للشروحات والدروس بتكون وين < مستعجل :33_asmilies-com: راح تكون في البلاك بورد .. لكن ماراح يفتح لك ألا لما ترسل أوراقك ويتأكدون منها .. ويرسلون لك الرقم السري .. |
رد: وماذا بعد القبول ... ؟
لـوسـي .. بارك الله فيك
بس عندي سؤال اخر اذا عندك اجابة سمعت ان المبلغ مو ثابت يعني كل مستوى يتغير ؟ يقولون بحسب الساعات هل هذا الكلام صحيح؟ وكم راح يتغير علما باني تربية خاصة وجزاك الله خير |
رد: وماذا بعد القبول ... ؟
السموحة على اللقافة ومبرووووك عى القبول
صح صح كل مستوى يتغير يعني على حسب عدد الساعات مثل ما قلت فيه مواد راح تكون ساعتين وفيه مواد ساعة وحده لو قلنا مثلا أن الساعة الوحده بـ 165ريال وأنت مسجل 12 ساعة تضرب 165 في 12 والناتج بيكون هو المبلغ المطلوب إن شاء الله تكون فهمت الله يوفقك أخوي |
رد: وماذا بعد القبول ... ؟
لا بالعكس مافيها لقافة ولا شي
افدتينا جزاك الله خير ما قصرتي .. بالتوفيق للجميع يارب |
رد: وماذا بعد القبول ... ؟
الف مبرووووووووووووووووووووووك
|
رد: وماذا بعد القبول ... ؟
الله يبارك فيكم
|
رد: وماذا بعد القبول ... ؟
طيب يا شباب
شلون اعرف عدد الساعات و موعد الاختبارات و سمعت ان في حضور للمحاضرات ع النت و في واجبات >>> طيب متى اسلم الواجبات و شلون احل الواجبات |
رد: وماذا بعد القبول ... ؟
اقتباس:
وموعد الإختبارات هذه راح تعرفها عن طريق الخدمات الطلابية في البلاك بورد فيه أيقونة خاصة بالإختبارات وإذا دخلت عليها موجود جدول الإختبارات والتاريخ والفترة والوقت والمحاضرات فيه محاضرات مباشرة وفيه محاضرات مسجلة المحاضرات المباشرة راح تكون محاضرتين لكل مقرر و راح يكون فيه إعلان لموعدها عن طريق الجامعة والمحاضرات المسجلة هي اللي لازم تحضرها وتابع المقرر والشرح من خلالها عن طريق البلاك بورد طبعا فيه رقم سري ورقم أكاديمي عشان تدخل على البلاك والخدمة تتفعل عندك إذا دفعت الرسوم و باقي الإجراءات لما تتفعل عندك يعطونك الأرقام عشان تقدر تدخل والواجبات 2 لكل مقرر وقت ما تنزل بتشوفها بأيقونة الواجبات تدخل عليها و موجود الواجب اختيارات تختار بالضغط على الإجابة وتحفظ وبعدها فيه علامة لإرسال الواجب تضغط عليها وينرسل الواجب للدكتور و طبعا عندك مجال للتسليم من وقت نزول الواجب إلى قبل الإختبارات بأسبوعين إن شاء الله أكون أفدتك أخوي وبالتوفيق |
رد: وماذا بعد القبول ... ؟
اقتباس:
معلومات مهمه وقيمه يعطيك العافيه |
| All times are GMT +3. الوقت الآن حسب توقيت السعودية: 08:06 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه