ملتقى طلاب وطالبات جامعة الملك فيصل,جامعة الدمام - نـــــــــــــــاصــــــــــــر الــــــــفـــــــــراعـــــنـــــه >> دثريني يامنيرهـ

دثريـنـي يامنـيـره زمليـنـي يامـنـيـره

يامنيره فـي فـوادي فـرخ عبـدٍ طـق زيـره

من هنوفٍ صوبها راع الهـوى يشعـب بعيـره

سيـدة سـادات قـومٌ سـادةٌ أبـنـاء ســاده

من بهاها يامنيره ويش أوصـف ويـش أخلـي

في جبين الطهـر منهـا بـدر سبتيـن متجلـي

هالـةٍ دون المصلـى أخلفـت وجـه المصلـي

في محاجرها عقيد القـوم يومـي بـه جـواده

الحجـاج هـلال ماهـو فـي أهلتـنـا مقـيّـد

من يشوفه قبـل لا يبـدي هـلال العيـد عيّـد

لا متى والموت حدر رموشهـا السـود يتصيـد

لا متى ذبح البشر عند العيـون السـود عـاده

دوب يانـع وردهـا فـي روض لبتهـا تفتـق

في سحر منطوقها صرفٍ مـن الـراح المعتـق

وكن ظفايرها علـى الغـره ليـا قامـت تنتـق

خدم أسودٌ وقـوفٌ حـول بنـت البيـه غـادهٌ

ياوجـودي يالزبـاد الزبـد يالبيـض المقشـر

يوم حازت من أمامـي عمـد وأحمـر المؤشـر

مـا أنـا إلا أخـو عقـمٍ بمـولـودٍ مبـشـر

من سروري يوم أعانق طيفها فـوق الوسـاده

كن أصابعهـا مـن العنـاب أو بسرن عراقـي

أو بلح شامٍ مجفـف أو قنانـي خمـر ساقـي

وكن ترايبها صحاف التـرك حمـران الطواقـي
في سنا نور رقبتهـا ذابـت أكثـر مـن قـلاده

فتنةٍ من شافها في جو سابـع عـرش عـرّش

كاد ناعم ثوبها فـي جسمهـا الغـض يتحـرّش

مرحبـا يامرحبـا يامرحبـا بالطـش والـرش

بالحرير الحـر والغـرو الغريـر الغـر عـاده

كل مـا تكبـر تزيـن وكـل مـا تقـدم تجـدد

كن نحرهـا مـن وراء بوابـة الثـوب يتهـدد

حجم ناحل خصرها في ردفها لاجيت احدد

حجم نقطة نون داخل نون ما تقبل زيادة

بين خصر(ن) اشتراكي(ن) وردف(ن) رأس مالي

ويل ويلي شيب عيني طر جيبي ويل حالي

كل غضب في نحرها شايف(ن) نفسه معالي

والثنين بكل صراحه يستحقون الإشاده

من ليونتها كأن ماله ولا عظم جسدها

ومن نعوتمها تخاف خدودها من لمس يدها

ومن كثر ما مشيها جذاب ما تمشي وحدها
ومن كثر ما جلدها صخيف(ن) تحب اللبس ساده

ويش يسوا المسك وابو المسك مع ريحة عرقها

يوم ذبت شالها واهتز فالملعب حَلَقها

للــشـــــــــــــــاعر الــــمــــبـــدع / نـــــــــــاصر الـــــفـــــــراعنه

تم حذف بعض الابيات لانها لا تليق بالمنتدى

<<إهــــــــــــــــــــــــــــــداء خــــــــــــــــــــــــــــــــــــاص:106:>>