|
بخصوص أعضاء هيئة التدريس
السلام عليكم ورحمة الله وبركاته بعد الاختبار نجي للمنتدى نحاول نستفيد بطرح الأسئلة والحلول الصحيحه لكن نتفاجئ ببعض المواضيع اللي بصراحه يقشعر لها البدن من سب وقذف وتهجم على دكاترة الجامعة اللي ماشين على خطط دراسية معدة لهم مسبقا ومهمتهم شرح المقررات كلن فيما يخصه بدون زود أو نقص لكن للاسف أشوف بعض المشاركين بالمنتدي بصراحه صرت أترفع عن الدخول على مواضيعهم لأن ماعنده شغله من سجل بالمنتدى الا الله لايوفق الدكتور فلان والله ياخذ عمر فلان ونبي يشوفون لنا حل مع فلان وش هالكلام بالله فيه أحد يتحلى بأخلاق ويحفظ لسانه عن الزلات يقول كذا؟ بغض النظر على المكان اللي حنى فيه أو الشخص الموجه له السب والشتم والتهجم بغير وجه حق جامعة أو غير الجامعة سواءً حياتنا اليومية أخيرا حبيت أذكركم وانتم تقرؤنه دائما لكن هل يعني لكم شي قبل ان تطلقوا العنان لألسنتكم (( ما يلفظ من قول إلا لديه رقيب عتيد )) |
رد: بخصوص أعضاء هيئة التدريس
اقتباس:
:(204)::(204)::(204): |
رد: بخصوص أعضاء هيئة التدريس
يسلمو ع هالموضوع الراائع "
مايخالف " لازم نشوف ونقرآ ونتاابع ونعدل " |
رد: بخصوص أعضاء هيئة التدريس
[align=center]
اكيييد غلط السسب والقذف ...الخ بس هذآآ يـ أخووي كلهـ في حآآلة غضب الاختبآآر كآآن صعب حيييل وهذي ردة فعلهم انآآ مآآ ابرر لهم ولآآ انا من الي سبوو وقذفوو بس انآآ اقول انهآآ ردة فعل لآآ اكثر تقبل مرووري [/align] |
رد: بخصوص أعضاء هيئة التدريس
اقتباس:
اوك اختي دفى مشاعر كلامك عدل لكن لو كان معنى احد من هالدكاتره وشاف الطلاب يسبونه ويدعون ويقولون كلام مو عدل بحقه تتوقعين وش راح بيسوي اكيد بيزعل بقوووه وراح يبهدل فينى يعني كلام الأسأه ماله دااااعي ابدآ مثل واحد من الاخوان الله يستر عليه سب الدكتور علي الزهراني قبل الاختبار وقبل كل شي مو عاجبه الدكتور ما ادري على شنوووو تحياااااتي ل ك ويا ليت تنتبهين على هذا الشي اللي يبي يسب لا يجي عندنا هنا يجيب لنا مشاكل يروح بعيد ويسب على كيفه والا يروح للجامعه ويقابل الدكتور يتفاهم معه وجهآ لوجه هذي الرجوله على ما أعتقد حتى البنات بعد شفت كذا ووووحده من امس وهي تدعي عليه ويسبوووون فيها فا يا اخوااان ويا خوااااات ارفعوا انفسك عن هالشي اللي ماله داعي ابدآ وما وراه غير كسب الذنوووب تبي تدعي ادع بينك وبين نفسك اكرر نقطتي لو كان معنى واحد من الدكاتره داخل بأسم مستعار وشاف هالسب والله ما يفكر يرحمنا ابدآ ابدآ ابدآ شكر للجميه نفر نفر والله يوووفقنا ويهدينا لما يحبه ويرضاااااه :love080: |
رد: بخصوص أعضاء هيئة التدريس
اقتباس:
لا تليق بملتقى الجامعة ولا تليق بالزوار وأعتقد انه من سياسة الملتقى عدم تجريح شخص بعينه مهما كان ومن يخالف يستحق إلغاء عضويته بيجيني واحد بعد شوي يقول( هذا نقد وعادي وحرية تعبير ) اقوله اللي صار في بعض المواضيع قلة أدب وقلة حياء |
رد: بخصوص أعضاء هيئة التدريس
"
السلـــطــان : طرح رائع ... ياليت والله الاعضاء يرتقون بمستوى المنتدى بدل العكس واللي قاعد يصير .. الله يهدي الجميع بس فعلآ كل شخص كلامه يعبر عن مستوى اخلاقه ورقُي تفكيرهـ ~ ....... كعبول: عجبني كلامك بس اتوقع اذا مو متأكده إن جميع الاساتذهـ يتابعون الملتقى ويطلعون على ردود الطلاب ~ " . . |
رد: بخصوص أعضاء هيئة التدريس
انا معاكم
ياناس حسنوا من ردودكم |
رد: بخصوص أعضاء هيئة التدريس
سبحان الله الناس مع التيار مره زين :d5: ومره شين :017:
مع الخيل يا شقراء :71: ومره متفرج لا ولا :cool: |
رد: بخصوص أعضاء هيئة التدريس
وناااس لاشااافت اللي يقول عيب يااناااس تسبون الدكتور فلان ترى ياخذ من حسناتكم تشوف ردودهم كلها :(204)::(204)::(204): ولا شاافوا مو ضوع واحد زعلاان . وله اسبوع ولا اسبوعين والمسيكين ماغير ينزل من هالمحاضرات .. ويذاكر قبل الاختبااار بشهر وبالنهايه يصعق بهالاسئله اللي تشيب الراس اكيد يبي ينقهر وما الومه لو سب وشتم ولا شافوا موضوعه يسب ويشتم سبوا معه وشتموا .. يعني مثل الحرباء >> كل شوي بلون .. ياعاااالم ارسوا على بر بدون ذكر اسماااء .. لاتحدوني اقول فلان وفلااان |
| All times are GMT +3. الوقت الآن حسب توقيت السعودية: 12:20 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه