|
قصيده عن الربــــــــــــــــيع يحبها قلبكم
[rainbow]ياما حلا عقب العصر شبة النار= في مجلس كل النشاما يجونه يلفونة اكبار ويلفونه إصغار=من طيب من هو فيه ويقدرونه في بيت ماحطوله أبواب واسوار=ذراه من صوف الغنم ينسجونه وفية الدلال الصفر والعود يندار=والشاي في بريق حمر يشربونة والطرش حوله على يمين ويسار=راتع ولا يبغي هله يتبعونه والخلف عنده كثيرات وادرار= واللي يبي من درهن يطعمونه والجو غايم والسما كلها امطار= والبرق يبرق والرعد يسمعونه والصيد واجد والحباري لها اذكار=والفقع نابت والبدو يلقطونه واليا اصبحو فطورهم خبز مجمار=مفروك من سمن الغنم يفركونه هاذي طراة الروح لاصرت محتار= أخير من بيت هله يزلجونه وـســـــــــــــلامتكم لبىىىىىىىىىىى والله طاري البر [/rainbow] |
رد: قصيده عن الربــــــــــــــــيع يحبها قلبكم
هذا الكلام قبل عشرين سنه ممكن صحيح
اللحين مابه موطى قدم بالصمان الا وفيه قوطي ببسي فاضي و سفره "هلا وغلا " .. و إذا على الطرش ,, خلاص راح زمن أول اللحين بألف وخمسمية يعني كلن يشبك له حوش جنب مخيمه وياكافي ثلاث اربع للأسبوع :) أما الخلفات فما حولك خلفات .. أهل الزيان شدوا بها حول الحفر للمزاين والباقي اكثرها لمطير .. يعني لو تجي لم نياقهم عشرطعش ددسن وبزر بيحجرون لك ... وعلى طاري الصيد .. ما حولك الا الجوع .. نص ربوعنا محميات والنص الثاني جردوه القصمان وما خلوا به شي و اللحين حتى صيد الضبان بتصريح ويمنع الاغراق والصيد بالعادم .. يعني مطارد كعابي الله لا يهينكم .. المهم احس اني استبسلت وقمت ابثر والقصيده لا تمت للواقع بأي صله و حبيت دوح الصوخ اللي بالصباح نصه رماد :) نايس قصيده وصح لسان قايلها وناقلتها |
| All times are GMT +3. الوقت الآن حسب توقيت السعودية: 02:18 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه