|
سؤال وتكفووون ابغى اجابه في مادة النحو الله يعديها على خير
ياناس شوي بتطلعلي قروووووون:017:
شنو الحل مع مادة النحو ذي لا احد يقول سهله كل الكلام متداخل مع بعضه ولا لها حل والدكتور الله يهديه يتكلم في المحاضرات الاولى عن المبتدا والخبر والنواسخ والجمل الاسميه واعراباتها ومالها دخل في موضوع المحاضره وتتفاجأ الا المحاضرات الاخيره لها مواضيع مستقله المشكله الثانيه الضمير المستتر اعطيكم مثال وابيكم تفهموني الله يرضى عليكم :icon9: المعلمه شرحت الدرس <<<<اش اعرابها بالضبط لان شرحت فيها ضمير مستتر تقديره هي في محل رفع فاعل طيب كيف افرق بين هالجمله وبين تاء المخاطبه :sdfgdsf: :sdfgdsf::sdfgdsf::sdfgdsf::sdfgdsf: |
رد: سؤال وتكفووون ابغى اجابه في مادة النحو الله يعديها على خير
لما اقول المعلمه شرحتْْ الدرس ((التاء ساكنه هذي عاده يكون بعدها ضمير مستتر هي يعود على المعلمه
مايصير أقول المعلمه شرحتُ الدرس ((إذا حطيتها مضمومه او مثلا مكسوره تصير مخاااطبه وماينفع بالجمله هذي |
رد: سؤال وتكفووون ابغى اجابه في مادة النحو الله يعديها على خير
أكلتُ التفاح(هنا التاء صارت مخاطبه اخاطب فيها نفسي (أنا الفاعل)مين اللي أكل التفاح أنا اكلت التفاح
|
رد: سؤال وتكفووون ابغى اجابه في مادة النحو الله يعديها على خير
اهااااااااا
يعني اقدر اقول انها بتكون مبنية على السكون عشان اقدر افرق بينها وبين ضمير الرفع المتحرك والله هي سهله لما اعرف مواضعها لكن البلشه لو احد يطلعلي بمثال ثاني الا انا اضيع معد اعرف على العموم ماقصرتي الله ينور دربك يارب |
رد: سؤال وتكفووون ابغى اجابه في مادة النحو الله يعديها على خير
ايه التاء الساكنه مبنيه على السكون لامحل لها من الإعراب
بعكس تاء المخاطبه لها دور في الجمله على العموم إذا في اي سؤال اسئلوووا ونجاوب ان شاء الله عليه |
رد: سؤال وتكفووون ابغى اجابه في مادة النحو الله يعديها على خير
ماقصرتي الله يوفقك
دنيا واخره |
رد: سؤال وتكفووون ابغى اجابه في مادة النحو الله يعديها على خير
امييييين
|
رد: سؤال وتكفووون ابغى اجابه في مادة النحو الله يعديها على خير
المعلمة : مبتدأ
شرحت : فعل ماضي والتاء للتأنيث , الفاعل ضمير مستتر تقديره هي يعود على المعلمة والجملة الفعلية في محل رفع خبر الدرس مفعول به منصوب ^^^ يجي مني اثاريني نحوي :lllolll: |
رد: سؤال وتكفووون ابغى اجابه في مادة النحو الله يعديها على خير
اقتباس:
نحووووووي درجه اولى:d5: |
رد: سؤال وتكفووون ابغى اجابه في مادة النحو الله يعديها على خير
اهب والله
والله منت بهين خلني اصكك عين ههههههه ماشاء الله <<<ماشاء الله لاتدف اقول :41jg: عيني عليك بارده الله يوفقك ولا نسيم ماحبيت اصكها عين من اول ماكتبت الموضوع الا جاء الرد بسرعه والله دوااافير وبيالات بعد ماشاء الله هههههههه >>>>>>>>>>خلاص عطوك وجه اش تبي بعد :icon9: |
| All times are GMT +3. الوقت الآن حسب توقيت السعودية: 11:45 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه