ملتقى طلاب وطالبات جامعة الملك فيصل,جامعة الدمام

- ملتقى الفنون الأدبية (https://vb.ckfu.org/forumdisplay.php?f=150)

- - مادام راسه حي والله معافيه (https://vb.ckfu.org/showthread.php?t=124062)

مادام راسه حي والله معافيه

السلام عليكم ورحمة الله وبركآته

يا مل قلبٍ ضاق من حر مافيـه

جر الونين ولاحـدٍ فاطـنٍ لـه

على الذي اقفا وعيني تراعيـه

راح وختم قلبي بختمـة سجلـه

ما يدري ان الحب شيّد مبانيـه

ولا يدري ان الشوق يرثي محله

اراقب طيوفه واتابـع خطاويـه

واصد عن جرح الحشا حشمةٍ له

واسامر النجمات والليل أسرّيـه

مابين صمت وبوح والدمع اهله

واعاتب حروف الغلا يوم ترثيـه

واطوي غلا ذكراه وارجع أفلـه

طالت على قلب المعنّـا لياليـه

والريق يابس والضوامي تبلّـه

يا وجد حالي كل ماصحت لبيـه

لبيه يا سارق غلا القلـب كلـه

ماغيرك اللي شرّع القلب بيديـه

ولا غيرك اللي شد قلبي وتلّـه

يا عاذلين القلب ليه المشاريـه

وقلوبكـم رجـم المعنّـا تدلـه

لو تكثرون القول ما باح خافيـه

ولا باح مكنونه على قلب خلـه

وما دام راسه حي والله معافيـه

أنا بخير وضيقتـي فـدوةٍ لـه

وما دام راسه حي والله معافيـه

أنا بخير وضيقتـي فـدوةٍ لـه
ابدعت ودااام ابداااعك
لاعدمنا جديدك وتواااجدك
المميز
تقبل مروري وتحياتي