كل ماافتك من شي يطلعلي شي اسمي صار كابوس بالنسبه لي
 

السلام عليكم


كيفكم
الله يوفق الجميع

طبعآ انا كثير كتبت معناتي مع الخطاء الي صار معي لما سجلت بياناتي على موقع الجامعه الي هو خطاء باسمي الثالث اسم الجد

وكثير قالوا لي انو مب مهم مثل اهمية السجل المدني

وانا حطيت موضوع قبل ارسل اوراقي كيف ابلغ الجامعه بالغلط وياما دقيت عليهم ولاريدون الين قالي ابو فهد ارفق ورقه مع اوراقي اكون كاتبه فيها الغلط وايش الصح من البيانات وكنت شايله هم القبول والحمدلله قبلوني لكن ماشفت تغير شي من اسمي بالعكس لافتحت البلاك بورد القى اسمي الثالث لكن الفرق اسم ابو جدي :000: :mh12:


ادري كثرت حكي لكن ابيكم بالصوره عشان تفهمون علي

الحين الي استجد وخلاني احاتي من جديد بعد ماقريت التعليمات الخاصه بقاعة الامتحان
انصدمت مب من طريقة الحل لا بالعكس انا قبل كنت اختبر كذا
لكن لما شفت الدقه بتعبية البيانات وانو ممكن ارسب بسبت الغلط ببياناتي صراحه جتني غلقه وخنقتني العبره

وش اسوي وش الحل

هل اكتب بياناتي مثل ماكتبته لما سجلت يعني الغلط او اسجلها صح
اذا البيانات عندهم تقول جدي الفلاني واوراقي تقول شي ثاني وش العمل وش السوات ضاق خلقي


كيف ابلغهم هذا وانا مرفقه ورقه ومعلمتهم ولا شفت شي

مع العلم انو ارتحت لما كان من ضمن التعليمات احط رقم جوالي لو صار عندهم شي مب فاهمينه من ناحية البيانات

اوك لو فرضآ استقعدولي المراقبات انا وش اسوي اصفق براسي الجدار مثلآ :Cry111:

لاتشرهون علي هرجي واجد بس من حر مافيني مدري وش اسوي

الي عنده علم الله يجزاه الف خير يعطيني الخبر اليقين تكفوووووووووووووووووووووووووووووووووون بي الصيحه صاكتني غلقه والله جاني غثيان من الضيقه


ياليت ابوفهد لو عندك خبر تكفى عطني الحل لو عندك والله يجزاك خير

رد: كل ماافتك من شي يطلعلي شي اسمي صار كابوس بالنسبه لي
 

روحي للبلاك بورد وعدلي اسمك تبعا لها الرابط
مو مهم البلاك بورد
المهم بياناتك الشخصيه
اللي تنزل مع جدولك حق الاختبار
البلاك بورد عنده زهايمر لا يقلقك ولاتخافين
http://www.ckfu.org/vb/t115475.html

رد: كل ماافتك من شي يطلعلي شي اسمي صار كابوس بالنسبه لي
 

حاسين فيك يااختي

ومثل ماقالت لك الأخت وحيده البلاك بورد مخرف ورايح في خبر كان

انتي سويتي الي عليك وارسلتي لهم بيان بهالشي يعني ماعليك منهم

اكتبي وسجلي بيانتك في الأختبار مثل ماهي ولاتغيري اي شي

عشان مايحجونك وصدقيني وقت الأختبار راح تكون بيانتك سليمه % 100

والله يسهل للجميع

رد: كل ماافتك من شي يطلعلي شي اسمي صار كابوس بالنسبه لي
 

غريبه انا اتذكر في وقت التسجيل ماطلب مني اكتب اسمي فقط ادخل رقم سجل المدني ولمااادخلته لقيت اسمي رباعي طلع وتاريخ ميلادي وكل التفاصيل عدى النسبه حقت ثانوي واسم المدرسه اللي تخرجتي منها وباقي المعلومات خيارات

رد: كل ماافتك من شي يطلعلي شي اسمي صار كابوس بالنسبه لي
 

الله يجزاك خير يعني حتى لو عدلته منه يجي صح باوراقي؟؟

رد: كل ماافتك من شي يطلعلي شي اسمي صار كابوس بالنسبه لي
 

البلاك بورد منتهي الصلاحيه
انتي روحي للخدمة الطلاب
وشوفي جدولك هل اسمك صحيح
اذا طلع صحيح تكون العله في البلاك بورد
واغلب الطلاب كانت هذي استفساراتهم اول الترم بس لما شافوا مشاكل البلاك بورد طنشووو

رد: كل ماافتك من شي يطلعلي شي اسمي صار كابوس بالنسبه لي
 

ليالي الحسن كيف؟؟ ووين


الرياعي الله يعطيك العافيه

رد: كل ماافتك من شي يطلعلي شي اسمي صار كابوس بالنسبه لي
 

اي حبيبتي لكن انا العله اني غلطت لما سجلت عرفتي مب من البلاك بورد بس

يعني حتى لو فتحت وشفت اسمي بالخدمات الطلابيه نفس الغلط ماتغير شي
هذا الي مخوفني لو جيت اكتب بياناتي بالامتحان

رد: كل ماافتك من شي يطلعلي شي اسمي صار كابوس بالنسبه لي
 

انتي روحي الاختبار وعدلي هناك
انتي قلتي انك ارسلتي بالبريد صح
روحي ادخلي البريد الممتاز
وسوي تتبع لبريدك الممتاز
وابحثي بالرقم الموجود عندك اللي تحته خطوط
يطلع لك اسم الشخص
روحي اخذي رقم ادارة الجامعه
ودقي لين يردون عليك
ثم اطلبي الشخص اللي استلم بريدك
ثم صححي معلوماتك عنده
وشوفي ايش يصير معاك
الله يوفقك يارب

رد: كل ماافتك من شي يطلعلي شي اسمي صار كابوس بالنسبه لي
 

ياجعلي مابكيك ياقلبي الله يجزاك الف خير ويزيدك من نعيمه الله يفرجلك مثل مافرجتيلي يارب