طلاب الأوريا .. ومشكلة الإنجلــــش..
 

السلام عليكم
كيـــف حالكـــم يا شبااب ..؟؟!!

بصراحة انا لاحظت من دخلت الكلية هذي السنة اشياء كثيرة.. !!
ومن ضمنها .. مشكلة الطلااب مع اللغة الإنجليزية..
بصراحة انا عن جد متأذي من الحالة اللي احنا فيها ..
انا عارف ان الإنجلش هو لغة شوي صعبة بالنسبة للطلاب اللي توهم يدرسونها ..
لكن بصراحة احنا لساتنا في بداية المشوااار..
يعني المدرس يجي يدرسنا اشيا تافهة .. اشيا تأسيسية ..!!
ويعطينا كويز عليـــها ..
وانفجع ان نصف الكلاااس ماخذ F ..!!!
ياجماعة اذا احنا في الأساسيات نأفف .. شلون اذا تعمقنا ..؟؟
اناعارف ان احنا في البداية .. بس المفروض نبدأ بقوة ..
انت طالب اكاديمي ..!! تعرفون يعني شو طالب اكاديمي ..؟؟
المدرسة انساها ..!! خلاص يا اخي..

( طيـــب والمطلووب ..؟؟!! شو تبغي توصل له..؟؟!!)

اللي ابغى اوصل له .. ان من المفترض انك تغير حياتك الدراسية 90 درجة ..
ذاااكـــر.. راجع اللي درسته في الرايتنق وفي الريدنق وغيـــره
( الإنجلش ما ينتذاكـــر ..)<<< هذي اغبــــى قاعدة سمعتها مع احترامـــي..
بالرايتنق .. اذا رحت البيـــت روح اكتب .. راجع .. تمرن على الكتابة ..
اكتب اشياء من عندك .. وروح اعطيـــها المدرس ..
تحسب ان المدرس بيقولك روح انقلع ما ارح اصحح لك..؟؟
بالعكس .. المدرس راح يفرح .. راح يحس انك مهتم ..

بالريدنق.. أقرأ ثم أقرأ .. أقرأ كل شي تشوفه .. اقرأ قصص .. اخبار .. روايات .. اي شي

الليسيننق .. في مواقع جيدة لممارسة الإستماع .. راح ارفعها قريبا ..
القرامر.. هذا هو عقدة الطلاااب .. هنا يجي دور التركيز بالكلااس .. ركز ثم ركز .. وراح يسهل عليك كل شي ..

ادري اني كثرت كلااام..!!:mh001:
بس من اللي شفته بصراحة ..
انا ابغى اشوف أرائكم بشأن هذا الموضوع ..
الله يعينا وياكم ان شالله ..
بالتوفيق..

رد: طلاب الأوريا .. ومشكلة الإنجلــــش..
 

كلامك صح ٪100
انا انقهر من بعض البنات الي يقولون احنا مو ملزومين حضر الكلاسات او انراجع او انذاكر
او شي اسمة مذاكرة ليلة الامتحان
هذا خطا واكبر خطا وعرفي انك راح تتعثرين ومعدلك بينزل
انا ادري انك توك برب بس مو معناته انك تمشين هذي السنة بدون معدل
لازم تجبين معدل زن لانه راح يرفعك بعدين ولا تخلين زميلاتك ياثرون عليك
تقدرين تقولين لا باسلوب محترم اذا هذا شيء راح ياثر عليك

المراجعة ثم المراجعة ثم المراجعةتراه كلام مجرب انا حربتة وافادني
سويلك خطة للايام الاسبوع تذاكرين اشيا بسيطة
وخطة للويك اند تذاكرين على اقل فصلين او ثلاث مراح تخسرين شي
وتعودي تقومين بدري وراح تخلصين في اقل من ثلاث ساعت اذا انتي سريعة

>>> اه تعبت هههه
والكلام موجة ايضا لاخواني الطلاب
سلام:(204):

رد: طلاب الأوريا .. ومشكلة الإنجلــــش..
 

وعلى فكرة معدلك في السنة التحضيرية هو مقياس لتقدمك لا تنسووون
حطوه حلق في اذنكم>>> ابوي الثاني:biggrin:

رد: طلاب الأوريا .. ومشكلة الإنجلــــش..
 

شكـــرا .. كلام حلو ..
و هذي نقطة انا ما اشرت لها .. وهي المعدل ..
اذا الواحد حاول يجيب معدل كويس هذا السمستر ..
فهذا راح يخليــه يستمر الى التخرج..

رد: طلاب الأوريا .. ومشكلة الإنجلــــش..
 

:d5:

كل اللي قلتوووووووووووووووه صح وصح وصح

المشكله مو بالانكليش المشكله بالبنات او الشباب

رد: طلاب الأوريا .. ومشكلة الإنجلــــش..
 

كووول اللي قلتوه صح وأكثر شي عجبني ان أغبى عبارة هو ان الانجليزي مايذاكر انا معا اللي قال انها اغبى عبارة واضيف انها اوقح عبارة
وعلى فكرة المشاكل اللي بتواجهوها في الانجلش ترا بس في البداية وبالعكس الترم الثاني مع انه اصعب لكن ماراح تحتاجو تبذلو ربع المجهود اللي كنتم تبذلوه في الترم الاول وفي الاول والاخير اللغة الانجليزية هي وسيلة مو أكثر ومن أسهل اللغات اللغة الانجليزية وانتم راح تلاحظو هالشيء

و طبعا معدل التحضيري مايدخل مع التخصص

رد: طلاب الأوريا .. ومشكلة الإنجلــــش..
 

وشي زيااااده اضيفه ان اللغه الانكليزيه هي

لغة التواصل عند جميع العالم

ومهم ان الواحد يتقنها وفي ناس يتعلمون اللغه الانكليزيه وهم مو بجامعات

لان كل الوظايف الحين لما يسوون مقابله كله عشااان يشوفون لغتك الانكليزيه كيف

......... بالتوووفيق ........

:love080:

رد: طلاب الأوريا .. ومشكلة الإنجلــــش..
 

مش كل العالم يتكللمو انقليزي الدول القوية ماتتكللم اللا بلغتها زي فرنسا زي الصين زي روسيا زي زي وهذي الدول ترفض انك تتعاملي معاهم بغير لغتهم
وعالعموم في النهاية اللغة وسييلة مش غاية

رد: طلاب الأوريا .. ومشكلة الإنجلــــش..
 

اوكي انت صاااادق بكلامك

لاكن الحين اغلب يومنا نتعامل بالانكليزي

اذا رحت للبقاله او السواقين او المطاعم او الفنادق

الحين اغلب اللي يشتغلون اجانب ومايتكلمون الا الانكليزي

واللغه الانكليزيه لو رحت على قولتك الصين او روسيا وماعرفت تتكلم لغتهم ماراح يصدون ويمشوون

لا لو تكلمت باللغه الانكليزيه راح يتكلمون معك بالانكليش وهذاااا

شي معروووف ان اللغه الانكليزيه مهمااا بوقتناا هذا ..

:love080:

رد: طلاب الأوريا .. ومشكلة الإنجلــــش..
 

طبعا انتي مش فاهمة قصدي فعشان كذا صار هذا ردك وانا مابغا اشرح ولا ابغا افهمك قصدي لانك راح تردي وارد وتردي وارد ولا راح نخلص وبالذات لانك مبين تحبي الانجليزي