|
ارحمينا يا كلية الاداب
كل هالوقت و ما جت الوثيقة
و ربي شي يقهر لو احنا طالبات جامعة الملك سعود و لا جامعة الامام اسبوعين و وثايقنا معنا مو تجلس شهور و شهور و اخر شي يجي فيها غلط و ننتظر شهور مره ثانية من زين الشهادة الحين كل ما قلت لهم اني خريجة لغة عربية قالوا اجلسي و نتصل عليك و لا احد اتصل و لا وظيفة و طبعا هالكلام بمجال التعليم اما اي مجال ثاني ما اتجرا اقدم عليهم لأن شهادتي مو مطلوبة في سوق العمل اجل هالتعب و الكرف الي كرفته وش فايدته علميني يا كلية الاداب حتى الزواج ما تزوجنا قلنا نبي نفرغ نفسنا للدراسة و اخرتها تماطلون فينا كل الي ابيه اخذ وثيقتي و ارتاح لو احطها تحت السرير المهم ارتاح من الانتظار ابي نتيجة تعبي حتى لو بصير عاطله عن العمل رسميا خلاص ارحمونا عطونا الوثايق حرام الظلم و التمييز |
رد: ارحمينا يا كلية الاداب
يا حبي لك
خلك ريلاكس و كل تأخيره فيها خــيره انتي قلتيها مافي وظااااايف ....!! و حتى لو قدمتي على الديوان تجلسين سنتين ثلاث حتى يردون خبر اجل ليه مستعجله ع الوثيقـــه :cheese: |
رد: ارحمينا يا كلية الاداب
اقتباس:
ابي ارتاح من الانتظار ابي اشوف الوثيقة و اشم ريحتها و احضنها و يمكن انومها جنبي او ازعل عليها و احطها تحت السرير ابي نتيجة تعبي ابي اشوف نتيجة الليالي السوداء و الكرف و المرمطة حقي اكون مثل غيري و هذا حقي ليه يذلوني فيه انتي توك تحضيري بدري على الشقاء بعدين بتحسين بنفس الاحساس هالكلية ما تتغير |
رد: ارحمينا يا كلية الاداب
غريبه للحين ماعطوج الوثيقه
انا رحت يوم الاربعاء وسلموني اياهاا :mh12: |
رد: ارحمينا يا كلية الاداب
تدرين انا بس اتخرج من الكلية ما راح يشوفون رقعة وجهي انا اللي بماطل:biggrin:
ان شاء الله يعطونك اياها ما الومك ما انتي مصدقة انك افتكيتي تبين شي ملموس لو انا مكانك لو يعطوني عشر وثائق ما اصدق اني افتكيت:71: |
رد: ارحمينا يا كلية الاداب
والله ضحكتيني وانا ما ودي اضحك من جد كلامك باين طالع من قلب بس دامك تخرجتي ناااااامي واسحبي عليهم دام على قولتك مافيه وظايف
|
| All times are GMT +3. الوقت الآن حسب توقيت السعودية: 01:35 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام