|
بالنسبة لمكافأة شهر ذو الحجه
السلام عليكم ورحمه الله وبركاته
اخباركم ان شاء الله بصحة وعافية دخلت على الموقع من اشوي لقيت مسير له امر دفع تتوقعون متى راح تنزل المكافأة ؟ انا سمعت كلام مو اكيد انها يوم الاربعاء تنزل فما ادري اذا احد فيكم عنده خبر بهذا الشان |
رد: بالنسبة لمكافأة شهر ذو الحجه
وعليكم السلام اخوي
والله ياخوي الغالي احتمال كبير يكون يوم الاربعاء نصبر ونشوف ، ولو تلاحظ ان الكلية آخر شهرين صرفو المكافأة في وقتها ان شاء الله دوم تحياتي لك |
رد: بالنسبة لمكافأة شهر ذو الحجه
الله يالدنيا يابوجراح شدعوه شالتغلى ولا حتى سالت عني ولا شي >>> متى المعرفه
يعني خلاص طبقت في مصلحة المياه وقمت تتغلى الله يالدنيا >> هههههههه شخبارك بوجراح بشرني عنك وشخبار التطبيق وياك واهم شي تقولي مين مشرفك حق الكليه ؟؟؟!.. |
رد: بالنسبة لمكافأة شهر ذو الحجه
اقتباس:
الله يسمع منك انها يوم الاربعاء يعطيك الف عافيه ع مرورك |
رد: بالنسبة لمكافأة شهر ذو الحجه
مرحبا اخوي بوعبدالله
شخبارك ياصاحبي لاتقول اني ماسالت عنك ما بيدي شي مااقدر ارسل لك على الخاص ولا عندي ايميلك وصعبه نفتح موضوع هنا على شان نسولف فيه وعلى فكرة يابوعبدالله حبيت ابلغك ان الكلية حطوني في ادارة التربية والتعليم بالغصب مع اني جايب لهم خطاب من مصلحة المياه بس ماكو فايده بس تصدق وعسى ان تكرهوا شيئ وهو خير لكم انا ومعاي خمسة من الشباب طبقنا في ادارة التربية ، انا الوحيد منهم الي مرتاح ولا عندي شغل ولا شي الله وكيلك كل يوم شاي وكافي وانترنت وسوالف ، طلبوا مني برنامج وسويته ، وطلبو ادخال بيانات وخلصتها وهذا انا خلصت التقرير قبل الكل ولله الحمد ماباقي الا تسليم التقرير ونستلم الوثيقة ونودعكم . اسم المشرف : عبدالله النعيم ، الشهادة لله الرجال والنعم فيه مااقدر اقول فيه اي شي بس ان شاء الله مايقصر معنا وقت تسليم التقرير بس ماقلت لي يابوعبدالله انت الحين اشتغلت ولا مابعد؟ والله يرزقنا بالوظيفة ان شاء الله ، والله يوفقك يابوعبدالله |
رد: بالنسبة لمكافأة شهر ذو الحجه
اقتباس:
[align=center] يعطيك العافيه يابوجراح تسلم والله عى ردك الجميل انا والله مثلك اطبق حاليا في امانة الاحساء والحمدلله كل شي تمام في الامانه من ناحية الشغل ومن ناحية الموظفين كل شي متيسر لكن المشكله والعله والهم والغم وجميع التفكير بما تعنيه الكلمة في مشرفنا حق الكليه طلع لنا الشيب الازرق في حواجبنا من كثر القلق . تخيل يابوجراح انه متهاوش مع مشرفنا في الامانة ماجانا الا مره وحده واذانا فيها وكل يضن وحاط في باله ان حنا مانبي الشغل وان حنا حق لعب وبس لدرجة ان احنا كلنا حاضرين وخلانا نوقع على ورقه فاضيه بدون 10 درجات حق الحضور ولا يسمح انه يقبل اي عذر والخافي اعضم الله يعين بس علعموم اسم مشرفنا : عدنان الصبخة >> من اشد المشرفين على وجه الارض يالله مابقى شي هانت وان شاء الله يجينا التعيين بعد استلام الوثيقه في اقرب وقت لاتقطع يابوجراح . بغيت اسألك معك واحد في التطبيق من ( العبيد ) ! [/align] |
رد: بالنسبة لمكافأة شهر ذو الحجه
الله يعافيك يابوعبدالله
اي نعم (العبيد) هذا صاحبنا حطوه في تربية البنات وانا في البنين بس غريبة تعرف العبيد !! بما انك تعرف العبيد اجل اكيد تعرفني لاني انا مع العبيد على طول وقت الدراسة مانتفارق على العموم لنا الشرف يابوعبدالله والله يعينك على مشرفك وان شاء الله في النهاية مايقصر وياك بالدرجات وانت ماتدري يمكن يخوفكم على شان ماتلعبون وكذا , وزي مايقولون الوعد في النهاية وتراها قريبة وعلى فكرة مشرفنا ارسل لنا رسايل يبينا نجيه يوم الاحد بيسوي اجتماع يخص عمل التقرير ... فما ادري هل انت مشرفك ارسل لك رساله ولا لا؟ |
رد: بالنسبة لمكافأة شهر ذو الحجه
ابو جرااح انت وبو عبدالله
ماتخرجتووووو |
رد: بالنسبة لمكافأة شهر ذو الحجه
هذا الموضوع مخصص للمكافأه فقط
وانتو جالسين تتكلمون عن التطبيق والتخرج ياليت ما نخرج في صدد الموضوع الله يعطيكم العافيه |
رد: بالنسبة لمكافأة شهر ذو الحجه
شفت يابوعبدالله مو قايلك صعبة نفتح موضوع ونخليه سوالف ، خليت الاخ الهاوي يتضايق
خلاص يابوعبدالله خلينا نشوف لنا موضوع ثاني ونسولف فيه لأن مسكين الهاوي الحين هو مفلس وعلى الحديدة وفي اليوم الواحد يروح يشيك في الصرافه بعد كل صلاة يصليها :biggrin: ويدش على المنتدى ويشوفنا نسولف صعبة ذي !!! الله يكون بالعون |
| All times are GMT +3. الوقت الآن حسب توقيت السعودية: 02:49 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه