والله لأدعي لكم من كل قلبي...
 

بسم الله الرحمن الرحيم

السلام عليكم ورحمة الله وبركاته


أتمنى أحد يجاوبني من الأساتذة أو أي مسؤول معروف أو عميد الجامعة أو الكلية (( الله يخليكم ))


أنا طالبة تخرجت عام 1431هـ يعني دوبني تخرجت وأنا قسم أدبي ونسبتي 99 ودرجة

القدرات والتحصيلي حلوة وقدمت على :(177):جامعة القصيم:(177): وماقبلوني وقالوا لي احتمال يقبلوني

الترم الثاني بعدين غيروا رأيهم وقالوا لي يمكن على السنة الجديدة وأنا ماأبي أجلس بالبيت

سنة كاملة لا شغلة ولا عملة وفكرت التحق بكلية التربية بحفر الباطن لأن هناك عمامي

وأقدم على الحفر الترم الثاني ولما أخلص الترم على السنة الجديدة أحول للقصيم

عند أمي مع إن فراق:love080: أمي:love080: صعب بس الدنيا حدتني على هذا الشيء كنت طالبة مثالية

أيام الثانوي وعندي طموحات تعانق عنان السماء كان نفسي أصير معلمة لغة عربية

وأحقق اللي بخاطري أصير سيبويه لاتضحكون هذا أكبر أمل عندي لكن جامعة القصيم

حاولت بشتى الطرق إنها تقفل الأبواب بوجهي لكن مارح أخليهم والله لو أدرس بالخارج

المهم إني أبقى على طموحي وحلمي اللي بنيته دهورا

أبيكم تشرحون لي هل فيه تقديم الترم الثاني بالحفر ولا لا ومتى يبدأ التقديم؟؟

وكيف أقدر أدخل سنة ثاني من غير ماأدرس الترم الأول اللي طاف علي؟؟؟

الله يخلي لكم أغلى البشر ولا يحرمكم غاليكم ردوا علي أبي الكل يساعدني.. :Cry111:

والله لأدعي لكم بكل سجدة أسجدها أناء الليل وأطراف النهار..:love080::love080::love080:

رد: والله لأدعي لكم من كل قلبي...
 

كان ودي اساااااااااعدك يالغلا
بس ماعندي خلفيه عليها
واتمنى انه يقبلونك وياارب يقبلونك في مدينتك القصيم
بس على الله ولاتفقدين الامل واتمنى لك التوفيق

رد: والله لأدعي لكم من كل قلبي...
 

آآآآآآآآآآآآآآآآآآمين ياآآآآآآآآآآآآآآرب...

همس الغالية ربي يوفقك في حياتك العلمية والعملية ويجعل مثواك الجنة...

ويحقق كل اللي بخاطرك :love080::love080::love080::love080:

رد: والله لأدعي لكم من كل قلبي...
 

لو تصبري لين ما تنهي السنة وتقدمي في القصيم وجامعة الملك سعود

رد: والله لأدعي لكم من كل قلبي...
 

ماأقدر أصبر سنة كاملة...

الله يخليكم قولوا لي فيه تقديم الترم الثاني بالحفر ومتى؟؟؟؟؟؟؟؟:Cry111:

جاوبوني الله يخليكم...

رد: والله لأدعي لكم من كل قلبي...
 

معقولة مافيه أحد يعرف ولا فيه مسؤولين ولا عميد ولا أحد ...

الظاهر موضوعي محله خطأ على العموم مشكورين وربي يجزاكم كل خير

ويجعل مثواكم الجنة ويعطيني على قد نيتي...:Cry111:

رد: والله لأدعي لكم من كل قلبي...
 

رد: والله لأدعي لكم من كل قلبي...
 

رد: والله لأدعي لكم من كل قلبي...
 

التسجل يمكن انتها