|
جرح الثمان سنين
[align=center]
على الموعد بلهفه جيت لا مانع ولا تأخير لفيت من العصر هايم مع ان الموعد المغرب وجتني بس انا مدري شعرت الجيّة هذي غير وهي تقرب من عيوني شعرت ان الممات اقرب وقلت الله يهوّنها عسى في جيّتك لي خير انا من شفتك أقبلتي وانا خايف ومستغرب على كثر الحكي مدري كأنّه خانها التعبير وقالت لي جمل وأشياء لا تُـكتب ولا تُـعرب هدَت فجأة تطالعني وأنا في حاجة التفسير لجل نحكي بهدوء اكثر سألت: الحلوه وش تشرب فصاحت بي انا احبك ولك في هالحشا تقدير وتدري ان المثل فينا وفي احساسنا يُضرب صحيح انك وفي وانك بري من تهمة التقصير ولكن ذي عوايدهم من ايام وزمن يثرب تكون البنت لابن العم ورغبات الكبار تصير وتدري الاقربون اولى .. مع انك للخفوق أقرب وتدري للقدر كلمة.. لعادات الأهل تأثير لذا أرجوك تتركني وانا من دنيتك باهرب شعرت بحكيها كنّه قصاص وامر بالتعزير شعرت الدنيا ضاقت بي من المشرق إلى المغرب مشت خلّت وراها طفل ما يدرك وش التدبير يحسب ان الغرام اشعار شاعر واغنية مطرب ضحكت وماقدرت اني ألاقي لضحكتي تبرير من اللي بوقتنا مرّه ضحك من لدغة العقرب رفضت أستوعب اللي صار ولا استسلمت للتغيير ثمان سنين اجي نفس المكان بساعة المغرب برغم ان الثمان سنين جرح وكلّفتني كثير أنا لليوم أجي وأدعي.. تجي يارب .. تجي يارب شاعر هذا الجرح/ محمد الشهري [/align] |
صاحت بي انا احبك ولك في هالحشا تقدير وتدري ان المثل فينا وفي احساسنا يُضرب صحيح انك وفي وانك بري من تهمة التقصير ولكن ذي عوايدهم من ايام وزمن يثرب تكون البنت لابن العم ورغبات الكبار تصير وتدري الاقربون اولى .. مع انك للخفوق أقرب وتدري للقدر كلمة.. لعادات الأهل تأثير لذا أرجوك تتركني وانا من دنيتك باهرب مُذهِله " الله لايحرمك غالي ويحقق مناك |
رد: جرح الثمان سنين
سلمت يمناك ع القصيده
:biggrin: |
رد: جرح الثمان سنين
[align=center]
يا قلبي عنودي ولايحرمك بعد :106: [/align] |
رد: جرح الثمان سنين
تســـــــــــلمين حبيبتي القلب النابض :106:
|
رد: جرح الثمان سنين
يسلموو رووعهه
|
رد: جرح الثمان سنين
البارحه في تالي الليل محتار = مدري وش آخذ من علوم ٍ واخلـّـي
من كثر همي دمعتي كنها انهار = باسباب فقد امي دموعي تهلــّـي تزوج الوالد وهو مكرم الجار = زوجه جديده قلت ذا منوة ٍ لـــي لكن علينا ياعرب ضاقت الدار = قامت تعاملنا بحقد ٍ وغلــّي تعذيبها ياربعنا سرّ وجهار = اعجزت ابا وصّف عذاب ٍحصل لي باسبابها يااصحابنا ذقنا الامرار = الهم ّ لازمني كما وصف ظلـّـي ياخالتي خافي ترا فيه قهـّار = يجازي اللي في حياته يزلـّـي ياخالتي وش ذنبنا توّنا صغار = وشلون تعذيبك علينا يحلـّي الظلم شين ٍماتسويه الابرار = راعيه ضايع بــيــّـن ٍ مايدلــّـي ضربك بعد لاختي تسبب بالاقدار = من جلسة ٍ بالبيت صارت تملـّي جتني تصيح ودمعها مثل الامطار = تشكي تحسب ان الزمن صافي ٍ لي مافي يدي حيله ياليت الزمن دار = بس اصبري والله لهمـّـك يجلـّي ياخالتي قافيك قصـّاف الاعمار = وحساب عادل عن صغير ٍ وجلي ياليت والدنا عرف كيف يختار = ان كان نجمه صار فوق متعلي اخذت لي مع نظم الاشعار مشوار = لعلـّه لقلب حزين ٍ يسلــّي شرحت بعض الي حصل لي بالاشعار = من فضل ربي جعله اليوم حلي |
رد: جرح الثمان سنين
رائع جدا
سلمت يمينك...:smile: |
رد: جرح الثمان سنين
تسلمين يالغلا ع القصيدة الرائعة :biggrin:
دمتي ودام قلمك |
رد: جرح الثمان سنين
كم هي رائعه كلماتك ..
يعطيك العافية |
| All times are GMT +3. الوقت الآن حسب توقيت السعودية: 02:08 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام