ملتقى طلاب وطالبات جامعة الملك فيصل,جامعة الدمام - حشا والله ماخنتك ولكنه حصل تبديل !!!

{ يمازحها وتردد له ( ترى الكذاب يروح النار ) . .

يجافيها . . وتهمس له : .. أعرف إن الجفا تمثيل ! } . .

وتدمع عينهم لثنين . . يهلون الدمع مدرار

)( ترى الذكرى ولو حلوه . . . طواريها تهد الحيل )(

وتسرح في وسط عينه .. تفكر .. ترتجف .. تحتار ..

يسألها عسى ماشرّ ؟ ويطيح من ايديها المنديل ..!!

وتنزل عالركب وتقول : تسامحني على اللي صار ؟

حشا والله ماخنتك ... ولكنه حصل تبديل ..

تراها غيبتك طالت . . . وتدري وقتنا غدار ..

كبرت .. وخفت تتأخر .. وخير البر بالتعجيل ..

ويشهق يلمح الخاتم..!!
يحس القاع تحته دار ..!!

ولا يستوعب الموقف بليا شرح أو تحليل ..!!

يسود الصمت . . . . ولاكلمه !.. و نظره كلها استنكار !...

شلل صاب اللسان وصاب كفين العتب . . تكبيل ..

[ . . دقيقه تمر . . طعمها مرّ . . نهاية عمر . . موت أزهار . .

خسارة حب . . ضياع ف درب . . نار تشب . . عذاب و ويل . . ]

ويسرح . . لو بعيده . . ؟ تهوون !!

ولكن كيف بنت الجار .!!؟.

http://www.alhayrh.com/galry/albums/userpics/a7zane.jpg

ويكسر صمته . . ب صرخه ! تعدت في مداها سه ي ي ي ل ..

ويفقد وعيه وينزل . . على قاع الثرى . . . . منهار !!..

مصيبه كيف يتحمل ؟! ترى ما بالأمر تسهيل ..

مابينه و بين غرفتها . . . ممرّ ،، و نخله ،، و جدار ،،

وهذا اللي يعذبه و يزود طينه بتبليل . . !

يشوف اللي سرق عمره سكن وياها نفس الدار . . .

غدى جار . . وله حق نزل في محكم التنزيل .!!..

ويتخيله يغازلها . . ويقول انه عليها يغار . .

ويتردد صدى همسه .. ولمسه .. وضحكه .. وتقبيل ..

يناظر دارها وفكره ورا ذيك الستاير حار . . .

وشباك الهوى عتمه بعد مازادوا التظليل . . .

يقرر زوجها . . يبني ويرفع مستوى الأسوار . .

ويتصرف على كيفه !! عنده منهم توكيل..!!

ومكسور الجناح . . اللي بلا ذنبٍ يذوق أمرار . .

يصارع حسرته ويجر بعد ذيك الهزيمه ، . . ذيل . .

يفكر . . كيف طاوعها الضمير تكون شي ضار ؟!

بعد ما كانت ل عمره . . عُمُر . . يحسب مداه طويييل . .

خذت كل مابقي منه .. ومن عقله .. خذت الأفكار . .

وبرواز الوعد مايل // خذته .. تخاف قال وقيل . .

. { عطت بروازه . . ل غيره ! و خلّت في الحشا . . مسمار

. . وآخر كلمه قالتها : رجاءً ما أبيك تعيل . . }

وردّ بكل غضب يسأل : تحسبيني من أهل الثار ؟!

أنا وقتي غدا ملكي . . و لا يتحمل التعطيل . .

وداع الله وإذا بَعدك . . مرض إيماني العطار . .

أنا لي ربّ .! ما يهمل . . بقرا كتابه بترتيل . .

وإذا كانت مسافات المنازل بيننا // أشبار . .

لخليها سفر . . أيام . . وأساوي كل شبرٍ ب ميل . .!

http://www.alhayrh.com/galry/albums/...rmal_kuren.jpg
وإذا قالوا علي . . مجنون ؟؟ أو ملبوس ؟؟ أو صابه زار . . ؟

لناجي شارع خالي لوحده في توالي الليل . .

وأعيش العمر أرددها )( ترى الكذاب يروح النار )( !!

براءة . . كانت الجمله . . ولكنه حصل تبديل ..!

حكاية عمري // من يوم الطفوله . . لين صرنا كبار . .

في هذي الصفحه شفتوها وعايشتوها بالتفصيل . . .

أبي شخص ينورني .. ومن أبياتي بس يختار . . .

حرف ماشكى من همّ ؟ ويبشر مني بتعديل...

بعدها بعلن افلاسي !! وبترك عالم الأشعار .!!

لأني ماقدرت أعطي ل حزني في الشعر تعليل . . .

وبرجع للسرير اللي . . من غيابي شكى محتار . .

و أريّح عين شوهها سواد يشبه التكحيل . . .

وفي آخر بيت بسألكم . . . عرفتوا ليش أناجي القار ؟!

قولوا لل ثريّا من تناجي لو خذلها سهيل ؟!