|
كيف ادري اني وصلت 30 درجة قبل النهائي
س/الحين النهائي بعد شهرين تقريبا السؤال كيف ادري اني وصلت 30 قبل النهائي |
رد: كيف ادري اني وصلت 30 درجة قبل النهائي
والله ياخوي علمي علمكـ
لكن اتبع اللي يقولونه حل واجبين ادخل منتدى الحوار ادخل محاضرات المباشرهـ او المسجله لها وان شاء الله نأخذ 30 % |
رد: كيف ادري اني وصلت 30 درجة قبل النهائي
ما اتوقع يصرحون لنا بالدرجات قبل الاختبااار
اللي ضامنتها 20 على المحاضرات المباشره والواجبات <= وهذي كلنا ضامنينها ان شاء الله اما التفاعل بمنتدى الحوار يمكن مايعطوني 10 كامله <= لاني مو كل يوم ادخل واذا دخلت امسك ماده وحده بالتوفيق |
رد: كيف ادري اني وصلت 30 درجة قبل النهائي
اي والله صادقه الواجبات والمحاضره اوك
اما منتدى الحوار مدري وش يبي ماعندي مواضيع احطها خلصت والله مافي الا ادخل امسيهم بلخير :(164): |
رد: كيف ادري اني وصلت 30 درجة قبل النهائي
شف انت توكل على الله ولا اتفكر في الشي ذا
منتدى الحوار اذا استفسرت قالولك راجع المحاضرات يعني مالك الى تصفح فقط والعشرين الباقيه سهله تحياتي |
رد: كيف ادري اني وصلت 30 درجة قبل النهائي
30 درجه تحت يد عمي البلاك بوورد يعني رسال واجب الواحد 5 مرات عشان يحسبهاا مره النظام مخرف وهو يحسب كل شي يمكن تسوي كل شي وخرتهاا ميعطيك بس نتبهوووو لا ززعلون بلاك بوورد
|
رد: كيف ادري اني وصلت 30 درجة قبل النهائي
إلا في طريقة نقدر نعرف بها اذا حصلنا الـ 30 ولا لأ
تروح للبلاك بتلقى فوق شي مكتوب فيه التقديرات الخاصة بي اكيد كلكم شفتوها هذي بيحطون فيها النتايج وسمعت انها قبل الاختبارات باسبوع والله اعلم عشان ندخل الاختبار بنفسيه عالية ومعانا الثلاثين :(164): |
رد: كيف ادري اني وصلت 30 درجة قبل النهائي
اوو ندخل في نفسيه بااسة ومعصيبن الا نااء البلاك محسبه ونحطم مره
|
رد: كيف ادري اني وصلت 30 درجة قبل النهائي
في ايقونه في البلاكـ بورد التقديرات
لسى مانزل فيها شئ بس محطوط فيها 10 درجات للمحاضرات 10 درجات لمنتدى الحوار 5 درجات لكل واجب من أصل واجبين لاكن تحت في المجموع موطالع شئ أن شاء الله تتفعل قبل الأختبار ونعرف الي لنا ولي علينا مسئلة وقت بس |
رد: كيف ادري اني وصلت 30 درجة قبل النهائي
سنعه سيده " :049:
وانا مره قد نوهت عن هالموضوع " لكن الحمد لله " قلت لكم بيكون في ايقونه منها نعرف كم اخذنا بالواجبات " وبرضوو راح تعرفون كم اخذتم من الـ 30 درجه بنفس المكان الي قالت لكم عنه سيده فديتها " استهدو بالله وعينو الله خير " وتوكلو ع الله وماابيصير الا كل خير ان شاء الله " |
| All times are GMT +3. الوقت الآن حسب توقيت السعودية: 10:28 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه