ملتقى طلاب وطالبات جامعة الملك فيصل,جامعة الدمام

- ملتقى الفنون الأدبية (https://vb.ckfu.org/forumdisplay.php?f=150)

- - سبحان ربي يبتلي الناس بالناس... (https://vb.ckfu.org/showthread.php?t=112300)

سبحان ربي يبتلي الناس بالناس...

سبحان ربي يبتلي الناس بالناس .... يصبح مصير الشخص بيدين غيره

ماني بمتعقد ولآني بحساس .... وقلبي ابد مافيه حقدن وغيره

لكن ماشفته ترى يشيب الراس .... شفت الآسى بعيون طفله صغيره

جتني كسيره ماقوت اخذ الآنفاس .... بآخر رمق والحال ياهي كسيره

ضميتها لصدري والقلب محتاس .... حسيت فيها ثاار قصه مريره

قلت اسكبي الدمع عالخد لآباس .... يمكن يريح الدمع لو نستثيره

قالت زماني قد حكمني بالآتعاس .... ولى علي انسان ضايع ضميره

كنت احسبه طيب وقلبه من الماس .... واثره شبيهن للوحوش السعيره

حبيته بكلي حب بلآقياس .... وظنيتني بقلبه كنت الآميره

بعت اهلي واصحابي وكل هالناس .... ومن اجل عينه كنت دايم سهيره

خذ مايبي مني وسواس خناس .... كل شي بأسم الحب وانا غريره

ظنيت يحشمني عن درب الآجناس .... واثري بعينه كنت وحده حقيره

ليته ذبحني قبل ما بالقدم داس .... على البراءه في فؤاد الصغيره

قلت اسكتي يابنت يفداك هالراس .... ويفداك هو واهله وكل العشيره

لآتزعلي يابنت ولآيدخلك ياس .... ربي عسى يعوضك باانسان غيره

يعشقك من قلبه ويغمرك بااحساس .... ويقاسمك هالعمر شره وخيره

يفهمك ويداريك ويكون لك ساس .... وقلبه يكون العرش وانتي الآميره

يعشق ترابك وبأيده يقدم الكاس .... يروي ظماك وينفحك من عبيره

يسهر يناجي سحر العيون النعاس .... حيث اتجه انتي هدف خط سيره

_____________

مماراق لي