|
تعالوا هنا نذاكر المواد مادة مادة ونستفيد كلنا
السلام عليكم ورحمة الله وبركاتة
إلى جميع الأخوة في المستوى الأول حبيت أطرح هالموضوع عشان نستفيد كلنا بشكل جدي لاني بصراحة أحس إن كثير منا محتاسين خصوصاً إلى مرتبطين بوظائف أو إي التزامات وأنا أولكم عندي دراسة ثانية غير الكلية ,,, فخلونا في هالموضوع نساعد بعض ,,, نذاكر المواد مادة مادة ,,, نطرح أهم الأسئلة عن كل محاضرة واللي مو فاهم شئ يسأل وإن شاء الله كلنا بنساعدة في المنتدى ...وش رايكم ... ؟ اللي حاب يشارك في هالموضوع أهلا به وبإنتظار الجميع ... |
رد: تعالوا هنا نذاكر المواد مادة مادة ونستفيد كلنا
أنا أول المشاركين :m29asmilies-com:
|
رد: تعالوا هنا نذاكر المواد مادة مادة ونستفيد كلنا
الفكرة حلوه بس يبيلها تفاعل من الاخوان والاخوات. وانا ايديها بقوة.
....ابي اعرف مواد المستوى الاول موحده لجميع التخصصات. ومشكوووووووور:783::783: |
رد: تعالوا هنا نذاكر المواد مادة مادة ونستفيد كلنا
سمو ,,, حياكِ الله شاكره لك مشاركتك .
أبو عابد 88 بالفعل الموضوع يبي له تفاعل وجهد من جميع الأطراف عشان كذا أنا طرحت الموضوع عشان الكل يفيد ويستفيد في نفس الوقت ,,, وكذلك عشان نختصر الوقت علينا في البحث والأسئلة اللي مانفهمها ,,, وبإذن الله الأخوان في المنتدى ماراح يقصرون في التفاعل والمساعدة وأنا بساعدكم باللي أقدر علية بإذن الله تعالى ... أما بالنسبة لسؤالك عن مواد المستوى الأول : أول شئ كلية الأداب المستوى الأول جميع المواد موحدة وهي 8 مواد : العقيدة الإسلامية والمذاهب فقة السيرة التحرير العربي التذوق الأدبي النحو التطبيقي مبادئ علم الإجتماع الصحة واللياقة اللغة الإنجليزية العامة بالتوفيق ... |
رد: تعالوا هنا نذاكر المواد مادة مادة ونستفيد كلنا
امممممممممممممممم
الفكره حلوووه ومثل ما قال ابو عاابد يبيلها تفااعل من الكل مو بس واحد لو اثنين واحلى طريقه انا اشوفها انا الواحد الي يبي ينااقش مو ضوع معين يكون اختياره مبني ع اهم لنقاط الي يتكلم فيها دكتور الماده او استاذها ع شان بعد تفيدنا وقت الامتحان ودائم طريقه الاسئله تكون اسهل طريقه للحفظ وبالتوفيق وانا ويـــاكم |
رد: تعالوا هنا نذاكر المواد مادة مادة ونستفيد كلنا
وانا معاكم
|
رد: تعالوا هنا نذاكر المواد مادة مادة ونستفيد كلنا
امممممممممممممممم
عندي بس اقترااح صغيرووووووووون لو نسوي جدول لكل يوم ماده لان لو خليناها مفتوحه رااح نتلخبط مثلا يوم السبت الصحه واللياقه نخلي كل اليوم نتكلم بنفس الماده اليوم الثاني ماده ثانيه ومنها اننا نتذاكر كل المواد بدون استثناء ويكون هناك ترتيب وبكل ماده نذاكر اخر محاضرتين ع شان نكون ماشين خطوه خطوه وانتو تناقشو واختارو الافضل وانا وياكم باللي تختارونه |
رد: تعالوا هنا نذاكر المواد مادة مادة ونستفيد كلنا
اقتباس:
لانهم هم المصدرين الرئيسيين في المذاكرة . لكن بعض النقاط قد تتضح للبعض دون البعض الأخر لذلك اللي يبي يسأل ويستفسر بنساعدة بإذن الله,,, وجزاك الله خير على المشاركة . دارين حياكِ الرحمن شاكرة تتعاونكِ . |
رد: تعالوا هنا نذاكر المواد مادة مادة ونستفيد كلنا
بالنسبة لإقتراحك أخي ,,, جميل جداً ومن المعلوم لإنجاح أي مهام جدولتها بشكل منظم ...
لكن تبون نتشارك في وضع االجدول أو أضعه أنا الأمر راجع لكم ... وكذلك لاحظت في المنتدى الكل يشكي من طباعة محتوى المقرر لانه بور بوينت أنا الملازم اللي طبعتها سويتها وورد وأستفدت كثير لاني من النوع اللي أحب أخطط كلام الدكتور بالملزمة وأكتب إضافاته عليها . اللي يبي مساعدة في طباعة الملازم يقول وإن شاء الله ماراح نقصر باللي نقدر عليه . بالتوفيق للجميع . |
رد: تعالوا هنا نذاكر المواد مادة مادة ونستفيد كلنا
امممممممممم
بسألج بخصوص تحويلها من بوربوينت إلى ورد لان الاخت الجامعيه ماقصرت حولته لي من بور بوينت لافلااش يعني اقدر اطبعه فأذا طريقته سهله ياريت تشرحينها لي وإذا معقده شوي فا من الحين اقولها ريحي نفسج :hhheeeart4: وبخصووص الجدول انا ماعندي مانع لو تسوينه انتي بس لو تخلين المحاضره اللي بندرسها تكون بعد المحاضره اللي ينزلها الدكتور بيوم يكون افضل ع شان نتناقش فيها ونستفيد واسأل الله التوفيق لنا |
| All times are GMT +3. الوقت الآن حسب توقيت السعودية: 12:05 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه