ملتقى طلاب وطالبات جامعة الملك فيصل,جامعة الدمام - تَع ـبـِت أكـون الصَـاآدِقه شِع ــرِ وِ شعُ ــوِر ..!

- ملتقى الفنون الأدبية (https://vb.ckfu.org/forumdisplay.php?f=150)

تَع ـبـِت أكـون الصَـاآدِقه شِع ــرِ وِ شعُ ــوِر ..!

" السلام عليكم ورحمة الله وبركاته "
.
.

http://www.r15r.com/data/media/156/2...2233313454.jpg
قلبي مدينة حـزن وضلوعـي السـور
ودمي دموع(ن) مجمره فـي حنايـاي

ووقت(ن) زرع صدري توابيت وقبـور
ليتـه دفنـيّ ماخـذا أحـلام دنـيـاي

الهـم والحرمـان واليـاس والـجـور
متعسكره فيني من اقصاي لـ/ اقصـاي

وذاك المكان اللي من النـاس مهجـور
ياما هربـت إليـه ودموعـي غطـاي

تعبت أدور في سما العمر عـن نـور
أشوف به دربي واميـز بـه إخطـاي

وتعبت أكون الصادقه شعـر وشعـور
مع نفسي وناسي وحتـى مـع اشيـاي

مابي كسر فيني من أحبابي( كسـور )
مابي وجع بس الوجـع شـل يمنـاي

في واقعي غيّاب وفـ/ قلبـي حضـور
ولالي وطن في أرضهم غيـر منفـاي

مااقول أنا اغليهم بس القلـب مجبـور
يزرعهم بدمي ويمشون بـ/ اعضـاي

ماأعرف ألف إن ضاق صدري أو ادور
أحتاج لـي قلـبٍ بـه أفيّـض بكـاي

ولو اعرف أعاتب خطا الغيـر وأثـور
ماكنـت أدور لاتضايقـت مـسـراي

بعض الشعور يموت مايبصـر النـور
لامن طلبتـه يحتضـر فـي شفايـاي

وجروحي اللي كنهـا صـف طابـور
مليت أغنيهـا علـى صرخـة النـاي

وجفن(ن) من مزون المشاريه ممطـور
إينع سهـر بعيونـي وشـب ظلمـاي

ياحزن وش نوحك مـع الـدم مسعـور؟!
تنهش بنيبانـك خفـا الـروح جـواي

ماتدري إني مات بي منـك عصفـور
أكبرطموحه كان قطـرات مـن مـاي

فيني ظما وانا على ( سبعـة بحـور )
عيت تبـل الريـق وتغيـث صحـراي

والدفتر اللـي ماتـت بحبـره سطـور
عجزت أفضفض به عن أوجاع (علياي)

يارب لاضاقت علـي عطنـي شعـور
لو هو ( وهم ) أرسم به الحلـم ويـاي

http://www.u3u2.com/vb/images/smilies/8555.gif