|
استفسار عن النظام والدراسه
ايـــوهـ الســــادهـ والسيـــدات الاعــزاء اســـعد الله اوقاتكم بكل خير عندي ســـوال ماحصلت له من مجيب انا طول الله اعماركم منتسب جديد <<ياكثر ماتقولها:(164): المهم مالكم في الطويله الجامعه وماقصرت ارسلت لي الرقم السري بس الحين ابي اعرف وش المطلوب مني طبعا الجدول وسجلته يعني وين احصل المحاضرات ؟ وش يعني البلاك ورد والبنر وش خدمات كل وحده فيهم وهل الموضوع يتطلب حضوري والدخول في اسمي كل محاضره يعني ابي واحد يشرح لي الوضع الله لايهينه وربي ما ادري وش اسوي ولا احد يزعل علي لاني سويت موضوع هنا لاني احد سوالي في الموضوع المثبت بس ماحد يرد علي مادري ليه شكلي بايخ مثلا :(164): وشكرا :(164):اللي يرد علي له جائزه فطيره وعصير ربيع بارد:(164): |
رد: طالب عله
اقتباس:
رنـــــو |
رد: طالب عله
[align=center]
الاخت رنووو ما قصرت فعلاً عليك الدخووول برقمك الجامعي والرقم السري الخاص لفتح البلاك بوورد وستجد المقررات والمحاضرات وكما ذكرت الاخت الفاضله ابداء من الان والجدول يساعدك في الترتيب وفقك الله [/align] |
رد: طالب عله
|
رد: طالب عله
وعليكم السلام ورحمة الله وبركاته
أسعد الله صباحك بكل خير ومسرات :(164): <<~ عنوآن الموضوع يقهـرر .. يذكرني بـ مقرر النحو وحروف العله :(177): <~ تكره المحو :(175): محآضرآتك تلقآهآ في البلاك بورد تسألني يعني وشو البلاك بورد ؟ ووشلون أدخله بيجيك الحكي طريقه الدخول والتعامل مع البلاك بورد ادخل على هالرابط بعد ماتدخل الرقم الأكاديمي والسري رسائل اعلام < ~ اي خبر جديد يخص الطلاب تلقونه موجوده المهام < ~ اي شي مطلوب منك بتلقاه هناك المعلومات الشخصيه < ~ اللي حاب يغير الرقم السري الخ المقررات الدراسيه المواد الي راح تدرسها وتحت كل ماده اسم الدكتور واذا ضغطت على الماده راح تجيك قائمه معلومات استاذ المقرر < ~ رقم المكتب واسم الدكتور والأيميل خطه المقرر < ~ راح تحصل جدول بكل اسبوع وايش راح تاخذون خلال الترم كله محتوى المقرر < ~ اهم شي ( راح تلاقي المحاضره بشرائح وماعليك الا تحفضونها وتنسخونها وتطبعونها عشان تذاكر منها ) المحاضرات المسجله < ~ المحاضرات بالفديوو المحاضرات المباشره < ~ راح تكون بالشهر مره ومهمه مره مره مره منتدى الحوار < ~ اذا حاب تسأل الدكتور عن اي شي يخص الماده الواجبات والتمارين < ~ اذا فيه واجب راح تلقاه مكتوب هنا الاختبارات + سجل الدرجات < ~ واضحه ادوات < ~ من هنا ندخل على المحاضره المباشره هنا راح اوضح لكم كيف تدخل على المحاضره المسجله تختار المحاضره اللي تبون تشوفونها وفيه عده خيارات مثل ما انتو شايفين مشاهده المحاضره المسجله < ~ صوت + صوره تنزيل المحاضره < ~ افضل انك تحفضها بعد ماتشوفها لأن الدكتور راح يعرف اللي شاف المحاضره من اللي ماشافهااااا تنزيل المحاضره بالصوت فقط < ~ راح تتحمل بسرعه معاك وكمان في تنزيل محاضره للجوال بعد ماتضغط على المحاضره يجيكم 3 خيارات وهي على حسب سرعه اتصالك البـآنر هذا راح تحتاجه وقت تسجيل الموآد أو التشييك على نتيجة إمتحآنك وهذا هو رابطه http://www.kfu.edu.sa/ar/bannersystem/pages/login.aspx |
رد: طالب عله
اخييرا عرفت الفرق كنت افكر ان الفرق بالاسسم بس طلع يختلفون البانر والبلاك
مشكوووور على الموضوع رشوف ردها كان واافي الله يعطيها العافيه تمنياتي للجميع بالتوفيق :(204): |
رد: طالب عله
حقيقه يعجز اللسان عن الشكر والله ماقصرتو
واخص رنوو ورشوف حقيقه ماقصرتو والفطيره تحولت الى بعير لونه وردي :(164): طيب البنر وش يعني وش الفائده منه الكتب اشتريها ولا اسحب عليها او الملخصات وكيف اعرف وقت المحاضره المباشره ولزم اكون موجود والمحاضرات المسجله لزم ادخل يعني اذا مادخلت الدكتور يسوي لي شي <<خايف :(164): |
رد: طالب عله
اقتباس:
يعطيهم العافيه على الأجابات الواضحه حبيت اضيف ان نظام البانر هو نظام خاص بالسجل الأكاديمي للطالب من حيث الدرجات والمعلومات الدراسيه من تخصص ومستوى وعدد ساعات وغيره انت كطالب مستجد لايفيدك البانر في الوقت الحالي لأنه لايوجد لديك سجل اكاديمي وشاعات دراسيه ومكتسبه ومعدل فصلي وتراكمي المهم هو مشاهدة المحاضرات والمحتوى في البلاك بورد تحياتي |
رد: استفسار عن النظام والدراسه
سلام اخوي محمد
لا تخاف خلك رجال هههههههههه >>>>>>> تدري وده :(164):يصفقني ترا امزح اقول شوف انت خل لك ساعه من اليوم او حتى في وقت تكون عند لانترنت ادخل علي نظام البلاك بورد وكل يوم ماده ومحاضره لانهم يدرون انك دخلت يسجلون وقت انك فتحت المحاضره هذا شى اشى الثانى وانا اختك انت اذا صرت تفتح نظام البلاك بورد راح تشوف اي اعلان يكون حاطينه يعني لا تخاف و هنا اخواني وخواتي مراح يقصرون بسك عاد فتح مواضيع سويت زحمه هههههههههه :mh01: البنر هذ اذ كنت تبي تسجل مواد او تحذف بس انت علامك مطفوق هههههه معليش اختك تمزح :(164): |
رد: استفسار عن النظام والدراسه
الله يعافيكم ماقصرتو
ام ليان هذا من طفاقه هذا اسمه تشوق النفس البشريه الى حب التعلم والعلم في ضل كوكبه العلم المتدفه في العالم <<خطير والله:mh318: ومافي فطيره لك :(177): |
| All times are GMT +3. الوقت الآن حسب توقيت السعودية: 11:09 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه