ملتقى طلاب وطالبات جامعة الملك فيصل,جامعة الدمام - ثلاث ساعات أتصل مشغول.. ماأدري تفاوض بوش ولا بداية معرفه..

- ملتقى الفنون الأدبية (https://vb.ckfu.org/forumdisplay.php?f=150)

ثلاث ساعات أتصل مشغول.. ماأدري تفاوض بوش ولا بداية معرفه..

عجبتني وخاصه ببعض ابياتها
فحببت انقلها لكم ..
ــــــــــــــــــــــــــــــــــ

جت ثايره متوترة و قلت الحلـو زعـلان ليـه"
"الله يجازيهـم حــرام يزعـلـون المتـرفـه

رفعت حواجبها وزمت رمشهـا والمـوت فيـه"
"قالت بكيفـي والسبـب ماهـو بـلازم تعرفـه

شي ما يخصك اتركني في حالي الحزن اشتهيـه"
"احد اشتكى لك؟ يووه يا بعض الخلايـق ملقفـه

قلت انت لو ما تشتكيـن الهـم قلبـي يشتكيـه"
"من يوم اشوف الحزن من تحت الرموش المورفه

وشلون ما تبغيني اسـأل ليـه همـك تحمليـه"
"وانـاا بتهاجاتـي علـى نفسيـتـك متوقـفـه

زود انفعالاتـك يؤثـر بانفعـالاتـي واتـيـه"
"تأثير يتناسب تناسب طـردي ابنفـس الصفـه

لو اعـرف اللـي زعلـك والله لاخلك حقــك"
"وإلا يجي لك يعتذر غصبـاً عـن اللـي خلفـه

قالت على بالك تتريق؟؟ يا برودك يييييييه ييـه"
"احر ما عندي هو ابـرد شـي عنـدك والطفـه

قلبتها ليه فيزياء وانـا احسـب انـك سيبويـه"
"اقول لـك حـره وبرضـك ماتسيـب الفلسفـه

مدري انت تستغبي معي وإلا مسوي لي نبيـه؟"
"وإلا انت فاكرنـي لهـذا الحـد انـا متخلفـه؟

لا لا حبيبي مو بنا اللـي يخدعـه مـا تدعيـه"
"مبروم ما يفتـل علـى مبـروم لعبـك بكشفـه

تقتل قتيلك ثـم تمشـي فـي الجنـازه تقتفيـه"
"من يوم آعرفك وانت ما تتـرك معـاي اللفلفـه

قلت اذكري الرحمن واعطيني سبب واحد وجيه"
"يعطيك حق انـك تدينينـي لـو انـك منصفـه

قالت لي اسأل نفسك اش سويت بالحب النزيـه"
"منهو الذي مشغـول جوالـه ودمـي استنزفـه؟

ثلاث ساعات اتصل مشغـول يا(خـي) وليـه"
"مدري تفاوض بوش وإلا انهـا بدايـة معرفـه

طبعاً مطنشني وداخـل جـو لكـن وش عليـه"
"مانـي بزعلانـه علـى شانـك وإلا متحسفـه

ليه الحسايـف دام قلبـك بـاع قلبـاً مشتريـه"
"إلا خسـاره فيـك دمعـاً فـي غيابـك بذرفـه

قامت وراحت واتركتني قلت معـذاري اسمعيـه"
"زمت شفايفها ولفحـت شعرهـا فـي عجرفـه

لحقتها قلت افهمي الموضـوع قالـت مـا ابيـه"
"قلت انت حره واتركتني آآآآآآه ياهـي مجحفـه

اسبوع يا(الظالمه) لا زادي ولا النـوم اهتنيـه"
"احب هالمجنونـه اللـي فـي عذابـي مسرفـه

من يوم راحت والسوالـف كلهـا لهجـة سفيـه"
"وذكرياتـي لأجـل يسكـت كلهـا تستحلـفـه

والوقت باسط كف قابض كف يفرك فـي يديـه"
"له عين يتشمت وانا اللي كنت بالضحـك اتلفـه

ان كان مر اسبوع ما جاني اتصـالاً محتريـه"
"بطلبك يا(القلب) خدمـه كـان مـا فيـه اكلفـه

اطلع شهار وقول عندي شخص ربـي مبتليـه"
"واحجز سريراً زين في غرفه فسيحـه مشرفـه

ومر وصلنـي عسـى الله لا يهينـك يالوجيـه"
"تلقاني اتحـراك لابـس ثـوب نـوم ومنشفـه

أتمنى تكون نالت إعجابكم..

رد: ثلاث ساعات أتصل مشغول.. ماأدري تفاوض بوش ولا بداية معرفه..

المبدع

الحب العذري

هي فعلاً رائعة وهنالك أبيات جميلة تتضمنها كما أسلفت بالذكر

ولكنني أميل إلى الشعر الفصيح أكثر ولكن هذا لا يمنع طبعاً أن

هنالك الكثير من القصائد الرائعة من الشعر النبطي ، كثير من

الشعراء تميزوا في هذا النوع من القصيد

وكما اعتدت منك قصيدة أخرى مميزة كالمعتاد سلمت يمينك التي

نقلت هذه القصيدة المميزة

دمت في رعاية الله وحفظه

ومبارك لك الحب العذري إنضمامك للإشراف أنت فعلاً تستحقه ولونك
:131:

رائع بالأزرق:sunglasses2:

رد: ثلاث ساعات أتصل مشغول.. ماأدري تفاوض بوش ولا بداية معرفه..

THE QUEEN

مرورك اضاء النور لصفتحتي ونثر الورد في ارجائها
ربي يحفظك

الله يبارك في حياتك هذا من ذوقك
ايه اللون الازرق رائع بس مع الاصفر اروع :t3:

رد: ثلاث ساعات أتصل مشغول.. ماأدري تفاوض بوش ولا بداية معرفه..

وااااااااااااااو

روعه

اما مع بوش فهذي جنان

ههههههههههههه

رد: ثلاث ساعات أتصل مشغول.. ماأدري تفاوض بوش ولا بداية معرفه..

يعطيك العافيه

الموت البطئ

رد: ثلاث ساعات أتصل مشغول.. ماأدري تفاوض بوش ولا بداية معرفه..

روعه كتير كتير يسلموا:119:

رد: ثلاث ساعات أتصل مشغول.. ماأدري تفاوض بوش ولا بداية معرفه..

× × ×

يسلمــــــــو ننتظر جديدك

× × ×

رد: ثلاث ساعات أتصل مشغول.. ماأدري تفاوض بوش ولا بداية معرفه..

:

قليله فيها كلمة روووعه

اعجبني البيت اللي يقول :

ليه الحسايـف دام قلبـك بـاع قلبٍ مشتريـه"
"إلا خسـاره فيـك دمعٍ فـي غيابـك بذرفـه !!

يعطيك العافية اخوي ^^

:

رد: ثلاث ساعات أتصل مشغول.. ماأدري تفاوض بوش ولا بداية معرفه..

رائع رائع

مانقلته يدااااااااااااك

يعطيك ربي الف عاااااااااافيات :119:

رد: ثلاث ساعات أتصل مشغول.. ماأدري تفاوض بوش ولا بداية معرفه..

يعطيـــــــكَ العآفيه