وش سالفة الرسوم
 

ياجماعة عند تسجيل رسوم الجامعة التي هي 2.475 ريال

كنت أفكر أن لكل ترم ادفع نفس هذا المبلغ

والحمد لله تم ارسال لي كلمة المرور .. وعند الدخول وجدت رسوم أخرى على عدد الساعات

وش سالفة الرسوم التي لن تنتهي

أرجو منكم ايضاح الرسوم .. وهل ستصادفنا رسوم مستقبلية


مع أطيب تحياتي

رد: وش سالفة الرسوم
 

لا لا آنت فاهم غلط ..
السمستر الأول تدفع \ 2475 ريال .. هي حقة عدد ساعات المواد .. مالها دخل بالسمستر ..

واذا رحت المستوى الثآني ( السمستر الثآني ) تدفع لهم على حسب عدد الساعات ..

علماً آنو كل ساعه = 165 ريـآل

برضو مالها دخل بالسمستر .. انت المبلغ اللي تدفعه تدفعه للمواد مو للفصل الدراسي ...

واللي يطلع لك انك غير مسدد .. هو طلع لنا كلنا وهذا عادي لأنهم ماحدثوا البيانات ..


أتمنى اجابتي كانت مفيده لك ..

بالتوفيق

رد: وش سالفة الرسوم
 

طيب اخوي انا في قسم ادارة اعمال

كيف اختار عدد الساعات أو المواد


واللي فهمته من كلامك كل سمستر 2475ريال


ورسوم المواد مبلغ ثاني ؟

رد: وش سالفة الرسوم
 

لالالالا ..

مو كل سمستر 2475 ريال ..

شوف .. المستوى الأول 2475 ريال ثااااااابته .. لأنك تدرس خمس مواد اجبارية ..

نجي لما تروح السمستر الثاني .. الدفع رايح يكون على حسب المواد اللي بتاخذهم ..
بمعنى : كل ما كان معدلك عالي كل ماقدرت تاخذ مواد أكثر ..

وكل ماده لها ساعه ونص أو ساعتين أو ثلاث ساعات ..

مثلا أخذت خمس مواد وكان كل ماده لها عدد ساعات معينة ..
كيف نحسب المبلغ بهالحاله ..

تضرب عدد الساعات اللي آنت خذتهآ في 165 ريآل = وهنا عليك الحساب ..

كل ساعه = 165 ريال ..

والدفع يكون لعدد الساعات .. مايكون لشي ثاني أبداً

رد: وش سالفة الرسوم
 

تسلمين اختي .. معليش تعبتك معي

مثلك عارفه الجو الجامعي جديد علينا .. ومنكم نستفيد

طيب .. أنا دخلت وأشرت على المواد الخمس كاملة يعني 15 ساعة

أو هل تتفعل دايركت لأني دفعت المبلغ مقدما اللي هو 2475ريال

أو يجب أن افعلها انا

رد: وش سالفة الرسوم
 

قصدك أكدتها عن طريق هالرابط ؟!
http://del.kfu.edu.sa/entisab_app/register_courses/

اذا أكدتها ودفعت رسومها .. خلاص وضعك تمام وتقدر تفتح البلاك بورد وتشوف محاضراتك اللي نزلت لك ..
ومو شرط تشوفها على طول .. يمكن يقولك انت غير مسجل بأي دورة تدريبية .. عادي شييك عليه كل شوي وينزلون لك ..

طبعاً اذا مآ أكدت تسجيل موادك لازم تأكدها وهي بمثابة التفعيل زي ماتفضلت .. وبكذا يكون تسجيلك تم

رد: وش سالفة الرسوم
 

هذا رابط نظآم البلاك بورد اللي من خلاله تقدر تشوف محاضراتك ..

http://lms.kfu.edu.sa/

رد: وش سالفة الرسوم
 

للأسف يقولي ..


http://bannerweb.kfu.edu.sa/wtlgifs/web_stop.gifلا يسمح لك بالتسجيل في هذا الوقت التسجيل.

رد: وش سالفة الرسوم
 

آنت دخلت ع البانر وبعدين التسجيل وبعدين التسجيل والاضافه !!!!!

لا .. لازم تدخل هالرابط وتأكد موادك عن طريقه ..

http://del.kfu.edu.sa/entisab_app/register_courses/

رد: وش سالفة الرسوم
 

جائتني هذي العبارة :


شكرا لك لقد تم استلام طلبك و سيتم فحصه من قبل الموظف المسئول