|
التحويل من جامعة البترول ألى جامعة الملك فيصل او الدمام ..
السلام عليكم
شباب أنا طالب في جامعة البترول خلصت التحضيرية وانا الحين في السنة الأولى بس الوضع ماعجبني الجامعة من جد جد صعبة >< // عموما ابي أسأل هل في إمكانية للتحويل سواء لفيصل او للدمام ؟ وهل في معادلة للمواد اللي خلصتها في التحضيرية ؟ اذا في فـ هل اقدر اقدم الحين أو الترم الجاي ولا مافي الا السنة القادمة ..؟ // بالنسبة لجامعة الدمام هل الدراسة فيها بالانجليزي ..؟ وسؤال أخير هل في أحد الجامعتين فيه تخصص هندسة برمجيات ؟ // وشكرا للجميع .. |
رد: التحويل من جامعة البترول ألى جامعة الملك فيصل او الدمام ..
خيو انا برد مع انه ادري للشباب<< ملقوفه
بس حبيت ادعي لك وقولك الله يوفقك ياااااااااااااااااارب يارررررب وادعي لي كمان وربي لو عندي افاده بخصوص موضوعك والله مابخل عليك بس ماعرف حاجه وميسره اموورك ان شاء الله تذكر دايماااا الله يحبك ومستحيل يضرررك اختك << تذكرني ووادعي لي |
رد: التحويل من جامعة البترول ألى جامعة الملك فيصل او الدمام ..
ايه تقدر تحول
والتحويل على ما اظن في الاسبوعيين الاوليين من الدوام وبكره اخر يوم للتحويل ... واكيد راح يعادلون المواد الي خلصتها.. امممم تخصص هندسة برمجيات ما ادري حتشوف التخصصات بموقع الجامعه وبالتوفيق ... |
رد: التحويل من جامعة البترول ألى جامعة الملك فيصل او الدمام ..
لالا أخووي
نصيحه لاتتهوور أفضل لك الدراسه في جامعة البتررول لآنها أقووى وأن كانت صعبه ترا الصعوبه راح تلاقيها حتى بجامعة الدمام وأنت مادخلت جامعة البترول الا أنك متفوق ومادامك اجتزت السنه التحضيريه أن شااالله راح تعدددي التخصص وتطلع منه بأمتياز بأذن الله لكن لاتغير خليك ع جامعة البتروول لآنها أفضل تدريس وأقوى ووظيفتها راح تكون أضمن لك ولآتسووي حاجه تتسرع وبعدين تندم بعدين راح يبهدلوون ابو عيشتك عشان معادلة المووااد الله يوووووووفقك بالمكان اللي يرريحك ويكون افضل لك وعذررا ع التددخل تحياتي |
رد: التحويل من جامعة البترول ألى جامعة الملك فيصل او الدمام ..
^
^ ايه فعلا كلام الاخت عسوله وعالفكره اذا عديت السنه التحضيريه هذا الاهم لانها اصعب سنوات الدراسه الجامعيه (احس كذا ,,, واستخر ربكـ قبل كل شي ’’’’’’’ |
رد: التحويل من جامعة البترول ألى جامعة الملك فيصل او الدمام ..
الله يعطيكم العافية ويوفقكم كلكم ..
// والله مأأدري شأقول حتى أنا محتار بس من جد الوضع شبه مستحيل ولو قعدت في البترول المشكلة إنه مأاقدر انزل اكثر من 15 ساعة الحد الأقصى رسميا 19 ساعة > بس معروف عندنا اللي ينزل فوق 15 ساعة يعتبر مغامر ! يعني البترول على الواحد مايتخرج منها يحتاج 5-6 سنين هذا اذا عدآ كل المواد -_- + عندنا نظام غبي اذا حملت مادة وعدتها > يجمعون الدرجة الأولى مع الدرجة الثانية !! وفي أنظمة كثيرة شديدة غير هذي >< عموما الله يسهل بشوف وبستخير .. |
رد: التحويل من جامعة البترول ألى جامعة الملك فيصل او الدمام ..
طيب شباب (اذا في احد اصلا ؛ منتداكم شحيح من الاولاد تبغون شوي منا ؟خخخ ) / بنات ..
أنا أفكر اجرب وضعي هـ السمستر واذا مامشى وضعي أحول على جامعة الدمام أو فيصل السمستر الجآي أقدر كذا ؟ |
رد: التحويل من جامعة البترول ألى جامعة الملك فيصل او الدمام ..
التحويل من جامعة البترول للجامعات الاخرى صعب "حسب معرفتي"
وافضل طريقه هي التقديم على الجامعة كطالب مستجد التخصص الي قلت عليه موجود في جامعة الملك فيصل كلية علوم الحاسب وتقية المعلومات باسم اخرى والسنة التحضيرية راح تدخل تحديد مستوى في الانجليزي واذا كنت اتقنته في البترول ما راح تدرسه في فيصل ... اعتقد هذا يشبه معادلة المواد بالتوفيق ... |
رد: التحويل من جامعة البترول ألى جامعة الملك فيصل او الدمام ..
هلا أحمد
ليه صعب ؟ بالعكس أنا اللي اعرفه ( العكس هو الصعب ) يعني التحويل الى البترول مب منها ! شوف هالشي مكتوب بموقع جامعة الملك فيصل : http://www.kfu.edu.sa/ar/Colleges/Co...uirements.aspx اللي فهمته الكليات اللي فيها تحضيرية راح يعادلون المواد ولا ..؟ + اذا ممكن تعطوني رقم المسؤول عن هالأمور بجامعة الملك فيصل + الدمام ؟ |
رد: التحويل من جامعة البترول ألى جامعة الملك فيصل او الدمام ..
اخوي انا عطيتك المعلومة الي عندي واقتناعك فيها او عدمه شي يرجعلك
اما سؤالك اذا كان عندك سجل اكاديمي رسمي لسنة تحضيرية بمواد نفس المواد الي في السنة التحضيرية لكلية الحاسب وبمعدل مرتفع يشلون عنك السنة التحضيرية وهذا الشي ممكن بعد حتى لو كنت طالب مستجد "مقبول كمستجد" واذا عندك ااي شي ثاااني راجع عمادة القبول في الجامعة ... يفيدونك اكثر :106: |
| All times are GMT +3. الوقت الآن حسب توقيت السعودية: 06:59 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام