ممكن احد يفسر لي الي يصير لنا ؟؟؟
 

[align=center]
انا دخلت على البلاك بورد

وجدت د-محمد العقيل-العقيدة الإسلاميه

منزل المحاضره الثالثة عشر

بعد المحاضره الثانية !!!!!

وين باقي المحاضرات ؟؟؟؟؟

وش السالفه ياشباب

وعلى فكره جميع المحاضرات الموجوده للطلاب للي قبلنا !! اجل وين محاضرات مستوانا الجديد

اذا كانو يعتقدون بأن محاضرات السنه الي طافت هي نفس محاضراتنا فليش ما يكون هناك ترتيب لها وتسهيل لنا ؟؟؟ واذا كانو منزلينها لنا عشان يسكتونا فلا والف لا :mad: نحن بشر وبلاش استهبال لأننا تعبنا واحنا قاعدين نحمل في ذي المحاضرات ...

اكثر الشباب يطالبون بالانسحاب من الجامعه بسبب التخبط في تنزيل المحاضرات وياليتها تخص المستوى الي احنا فيه !!! بالعكس الي اشوفه نسخ ولصق للمحاضرات السنه الي طافت ..

نحن في صرح علمي وجدنا فيه الترتيب والتنظيم عند التسجيل فليش ما تستمر الجامعه على هذا التنظيم ؟؟؟ ليش تحول الطالب الا التخبط في هذي المحاضرات التي سجلت وكأن حال لسان الجامعه يقول ( ما عندكم الا هذي المحاضرات تبونها ولا صك براسك الطوف ) ليش هالدكاتره عجزنين ما يسجلو محاضرات جديده لنا؟؟؟ اقل شي رحبووو فينا رحبووو في طلاب الدفعه الجديده حسو فينا ...:mad:

ما اتكلم كذا الا من طموحي لمواصلت دراستي ياليت ما يموت بسبب الا مبالاه واختصار لجهد الجامعه لنا ..

شكرا
[/align]

رد: ممكن احد يفسر لي الي يصير لنا ؟؟؟
 

هدي بالك شوي

كل شي بيتصلح وبتمشي الامور تمام

نحن باقي بأول اسبوع يعني صبركـ شوي

صدقني تصير اللخبطه في ارقى جامعات العالم:(164):

رد: ممكن احد يفسر لي الي يصير لنا ؟؟؟
 

يما ليه معصب عادي ترا حنا ما تعدل كل شي الا بعد بدايه الدراسه باسبوعين تقريبا

هو بيكون فيه تحديث للبلاك بورد وهالشي صار فينا يعني عادي جدا

لما يتحدث النظام بيكون اما كل اسبوع محاضره وحده لكل مقرر او بيكون على 3 محاضرات مثلنا الان منزلين لنا 3 محاضرات مع العلم اننا لقينا بالاول كل المحاضرات فيه بعدين اختفت و بعدين رجعت


و ما اتوقع انه بيكون نفس الدكاتره سمعت انه فيه تغيرر وعادي مو بس عندنا المحاضرات المسجله تكون مكرره
كل الجامعات كذا اختي في الامام المحاضرات موجود بالمنتدى من اول يعني مو شرط تكون جديده الا لو تغير الدكتور

وانا كنت قايله ان كان الدكاتره هم نفسهم ابي خبر و راح احط لكم هنا الملازم الصحيحه لان فيه ملازم يحددونها الدكاتره غير اللي بالبلاك بورد يعني دكتور محمد العقيل مثلا الملزمه الي هي محتوى المقرر في البلاك بورد
طلعت غير الملزمه اللي هو طالبها وهو مسويها بنفسه يعني بعد ما طبعت الملزمه الاولى رجعت و طبعت الملزمه الثانيه
ونفس الشي بالنسبه للتذوق الادبي

لو عندك خبر باسماء دكاترة كلية الاداب عشان اقدر اساعدكم باني الطلبه اللي من الرياض بيلقونها في مكتبه يصورونها و بس
و اللي مو بالرياض بنزلها لهم هنا..


ربي يوفقـنا جـمـيعاً