|
...... ممكن تساعدوني بحل مشكلتي ......
بسم الله الرحمن الرحيم السلام عليكم ورحمة الله وبركاته أسمحولي اقدم لكم مشكلتي واتمنى من اي احد يستطيع مساعدتي مايبخل علي مع جزيل الشكر مني للجميع في البدايه أنا طالبه في كلية العلوم طلب منا في يوم من الايام تسجيل التخصص المراد الالتحاق به وطبعا قمت بتسجيل ما ارغب به (الرغبه الاولى:كيمياء)(الرغبه الثانيه:احياء) وبعد الانتهاء من التسجيل ظهرت التخصصات في وقت التسجيل المبكر حتى نعرف ماهو التخصص ونسجل المواد بناء على ذلك أنا لم يتم ظهور اسم التخصص الذي رغبت به في اليوم الاول وكثير من الطالبات لم يظهر لهن التخصص ولكن بعد مراجعتنا للمسؤلات بالجامعه ظهر التخصص في اليوم الثاني لم يتم قبولي في قسم الكيمياء الذي هو الرغبه الاولى ولا قسم الاحياء الذي هو الرغبه الثانيه بل تم قبولي في قسم ا لرياضيات الذي لم افكر فيه من الأصل والجميع ايضا تم قبولهن في قسم الرياضيات فقدمن اعتراض ورد علينا ((اذا عندكم فيتامين واو راجعوا قسم الرجال)) قالو انهم قبلو على حسب النسب من93% وفوق كيمياء واحياء والباقي رياضيات وفيزياء وبعد هذا الكلام طلبت من ولي امري مراجعة قسم الرجال مع العلم بان له كثير من المعارف في هذا المجال ولكن لم يغير من الامر شيء والى الان التخصص رياضيات وانا لا اود ان اكمل في هذا التخصص (لاني ما احبه ولا من طموحي ولا فكرت فيه يوم من الايام يكفي الصدمه في الحظه اللي عرفت اني في هذا القسم) حاولت اني اسجل مواد عامه في السمستر الثاني واترك مواد التخصص ارجو مساعدتي بأقصى سرعه وجزاكم الله الف خير وجعله في ميزان حسناتكم ولكم مني جزيل الشكر أختكم ..ملاك.. |
رد: ...... ممكن تساعدوني بحل مشكلتي ......
..ملاك..
و عليكم السلام ور حمة الله وب ركاته للأسف يا أختي هذا هو حال الكثيرات من الطالبات .. و لستِ وحدكِ فقط أنصحكِ بإرسال الوالد الله يحفظه لمراجعة مسؤولي الجامعة و بالخصوص معالي مدير الجامعة الأستاذ الدكتور يوسف الجندان .. أو وكيل الجامعة للشؤون الأكاديمية الدكتور عبد الرحمن المعقل مع طبع هذا الخطاب في ورقة و كتابة أسمكِ عليه و رقمكِ الأكاديمي لعلى و عسى يتغير من الأمر شي .. |
رد: ...... ممكن تساعدوني بحل مشكلتي ......
الى اختى ملاك عليك بالدعاء ولاتنسي سهام نصف اليل (يعنى الدعاء في جوف اليل )لعل اللة يغير شيء وطبعا مع البدل بالأسباب وكما قال ابو احمد انتي لستى وحدك
واللة معك :070: |
رد: ...... ممكن تساعدوني بحل مشكلتي ......
يعطيكم الف عافيه على مروركم الكريم والله يساعدني ويساعد الجميع وانشاء الله تفرج باقرب وقت شاكره لكم ردودكم جزيل الشكر |
رد: ...... ممكن تساعدوني بحل مشكلتي ......
سبحان الله ياملاك كأنك تتكلمي عني وانا مثلك بالضبط الرغبه الأولى كيميا والرغبه الثانيه احيا بس انا افرق عنك انهم حطوني فيزيا مش رياضيات يعني بالله ازفت قسمين واصعبهم يحطون اقل النسب فيه اصلا بالذات هالقسمين يبغى لهم واحد مره دافووور ويحبهم:000: وانا بعد اخذت لي مواد عامه وعلى فكره انا من القطيف يعني ابوي مايقدر يجي لهم وكل يوم والثاني هاتي ولي الأمر ومدري ايش حسبي الله عليهم فرداً فرداً:017: وعلى فكره في بنت اعرفها هي اللحين سنه ثالثه احيا حطوها فيزيا واخذت مواد عامه بالسمستر الثاني وبعدها جى ولي امرها وغيروا التخصص حقها الى احيا وهي قالت لي اذا مايجي لهم الرجال بنفسه ويراجعهم ويكلمهم مايغيرون لك التخصص واذا مافاد مالك الا فيتامين واوا انا في ناس وعدوني اغير التخصص بالواو وحتى مع الواسطه مطلعين روحي وللحين ماشفت شي:000: ان شاء الله يغيرون تخصصي وتخصصك:praying: وتخصص كل بنت رموها بتخصص ماتبغاه:Cry111: ’, ’, ’, سلامـــي لـ?.... قمووورهـ...! |
رد: ...... ممكن تساعدوني بحل مشكلتي ......
معقولة ليش طيب يسون كذا الله يساعدك انا في قسم رياضيات وتعبانه حيل هو حلو ولكن اللي يدرسونك ما عندهم شيء كامل ان كانت دكتورة تشرح كويس واسئلتها سهلة ولكن تصحيحها لا حول ولاقوه يتعبون كثير في بعضهم كويسين في شرح وتصحيح عندك دكتورة أروى الشيباني ودكتوره أميرة آل ضاوي ودكتور محمد الحداد ودكتوره مها الحامد الله يوفقهم كويسين هذوله عندك دكتورة ساره العريفي صحيح انها تشرح كويس واسئلتها حلوه بس التصيحيح يا اختي اول مرة في حياتي اشوف وحدها تصحيحها كذا اقول توكلي على الله ما تدري هالقسم يكون خير لك واله يوفقك
|
| All times are GMT +3. الوقت الآن حسب توقيت السعودية: 04:31 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه