ملتقى طلاب وطالبات جامعة الملك فيصل,جامعة الدمام

السلآم عليكم

اسعــد الله صبآحكم / مسآئكم بكـل خير

تدرون وش احسن شعور

أنك تحس انك مسمار نآشب بجدآر ومكتوب على الجدار ذكريات

[ آلحب عذآب أ + م = حب يشهد له التاريخ ,, إذا مت فأشهدو اني ميت عشق ,,,تاريخ 22/4/1402] <_ أموت وأعرف اللي كتب هالذكرى وش يحس بوه ؟؟؟؟

تصدقون أتوقع والله آعلم إن البخاخ اللي انكبت فيه ع الجدار يكلم نفسه ويقول [ يلــعن اووووووم الحظ الردي اللي خلاني اكون سبب بكتابة ذكرى بآيخه ]

طيب تخيل عزيزي / عزيزتي السحلية ....

إنك أيقونه اللي بالمسن وتكون بجهآز واحد ماسكه غلط ومافيه نوم ليومين قدام ومسكت غلط عليك كل سطر يحطك كل سطر يحطك

وش راح تكون ردة فعلك ؟؟؟

أنا عن نفسي رآح أكبر واصير مالي الشاشه وأتفل عليه واقول ينعن ابو السآعه اللي عرفت الانترنت فيها وقدر الله علي وحفظتني والشرهه مو عليك

على الحمآر اللي حطني لك عشان تحفظني وعقب اطلع وآلغي نفسي من عالم المسن كله

المهم اني بغيت اصير سفيه ياعالم ويطير عقلي وأصير خبل من قلب <_ يعني عاقل الحين

المهم

تخبرون حفظني الله مطرود من البيت يخلوني انام بالمقلط داشر مايبوني اهلي الظاهر او انهم حذفو اسمي من العائلة بسبب اسفاري وعملي بالدمام اول وكل يوم بديرة مااقعد عندهم

المهم إني رآجع آخر الليل وأوريدو ان انام لآنني تعبانن جدن <_ يالبيه ياللغه وينك ياسيبويه عني ووووووووووووينك سحغآ لوزير اللي مدري وشو بس ليش كذا

وأدخل المغلط وآصك الباب ومابين عيوني الا حلم مواعده وتآخرت عليه <_ برااااااااااا

وامشي وانا افكر وش اقول للحلم اتعذر له شلون ؟؟

الا الشي اللي يمشي مليون وصفق رجلي

ومن الخرعه ماتكلمت ولا تحركت

طحت على ركبتي اليسار وانا انقز وانحاش بالزاوية وعيوني طايره

واسمي واتعوذ وادعي حتى جدات ابوي وامي دعيت لهن من الخرعه ههههههههههه

الا هذا اللي ضربني قبل شوي اسمع صوته يركض وانا اصيح واسمي وماسكن العقال واضرب بالظلام يمين ويسار

طبعآ اللمبات طافيات والستاير مسكره خرررررررررمس الجو رومنصي

واركض ابي افتح الباب اشوف النور يا الله من تحت الباب

والشي يركض معاي ويوم قربت للباب الا اللي يركض معاي سبقني وصفق الباب وانا من الخرعه نقزت وارفس الجدار وارجع اركض لزاويتي الاوله

واسكت ولي نهيت ضاقت بي الوسيعه

والله يالربع اني من الظيم والقهر زملت

وانا اقوم اقرا آيات قرآنية واذكر الله ومن زود الايمان اللي جاني وجهت قبله ابي اصلي <_ براااااااااااااا

وامشي شوي شوي ابي افتح الباب ومن زود الخوف ومابي الشي يحس بحركتي منزل نفسي تحت اعدي شوي شوي تقل بحرب ههههههه

يوم قربت للباب باقي تقريبآ 3 أمتار

الا الشي اللي وطيته وانا اصيح صيحت قهر ماهي خرعه اندبلت تسبدي

وهو يتمسك بثوبي ومن صوته تقل انه قطو

وانا اقوم ارفسه وافتر ابيه يفك ثوبي

وهو يصفق الجدار اقسم با الله اني حسيته رجل يوم ضرب الجدار تقل ون ونت وجع ههههههههههههههه

يوم شككت انه قطو وانا اولع اللمبات واراعي الا اللي قدامي عتوي ماهو قطو هين

كبره كنك تشوف لك ورع عمره سنه ونص

وانا أأشر بيدي واقوله هين اوريك وأطلع وآجمع المكآنس اللي بالبيت وكل آلة حاده وأدخل عليه بالمقلط

يوم دخلت الا ابو الشباب بفراشي

وانا ابتسم واطالع له وهو يلتفت قلت اووووخص يالهديفه نايم بفراشي بعد هين اوريك

وأحط ثوبي بسـروآلي وهي تقوم المعركه

ومن الساعه 1 ونص إلين الساعه 2 وعليها والمعركه تدور بيني وبينه

وانا أفتح له الباب بعد ماتعبت وهو للحين عادي ماكني كسرت العصيان وحشرته بالزاوية وابكسر عينه <_ برااااااااااااااااا

وللحين ياعالم فيني خرعه فيني الم فيني آهات فيني حب فيني شوق <_ مسكت غلط

المهم اني ابوصيكم لابغيتو تدخلون اي مكآن لاتسكرون الباب وراكم الا وانتم مولعين النور

مع تحيات شركة الكهرباء السعودية حملة ترشيد استهلاك الكرهب

تقلدو تحياتي