|
انعم الله عليكـم
سلوم القبايل تختلف السلوم والعادات والتقاليد من قبيله الى قبيله ومن منطقه الى منطقه وفي كل سلم وقبيله خير المقصد هو اكرام الضيوف واظهار الكرم والطيب والتقدير واكيد الوالدين لهم دور كبير في تعليم اولادهم العادات والتقاليد او ان الدنيا تعلم الصغار لان الدنيا مثل ما تعرفون مدرسه والواجب على الواحد انه يعلم عياله واخوانه التقاليد الطيبه انتهى كلامي رحمني الله .................................................. ........... بسنتن من السنوووون يوم انا صغير ( يعني بتشا او بيبي او دونكي ) << بزعوه عندوه لغات كنا معزومينن عند واحدن من الربع كان عندوه عشاء لضيفن عندوه ونتكي ننتظر العشاء يوم قلطوا الذبيحه وهو يقلط الضيف والرجال عاد انا بصم الله علي قمت معهم << طاقوه الهمسمسي من الجوع واقوم اندف واندف يوم خلصت وانا اقوم كثر الله خيرهم << مسوي رجل ابا الخايبات وانا عند المغاسل مافطنت الا المعزب جاني يمشي الفين قال شفيك ( مطيرن عيونوه علي ) قلت انت وشفيك << بكل براءه وبرود وهو يغولن قال اقول وش فييييييييييييك انا مدري وش السالفه قلت مافيني شي قال ليش قمت ؟ قلت شبعت << بالعن ام العافيه يا حياتي قال بالله !!<< فيه شرار يتطاير من عيونوه قال وش تبي تسوي هالحين قلت ابغس وابي اجلس عند الرجال << مسوي رجل وهو يدفن قال الله لا يقبلك قلت الله لا يقبلك انت وهو يخطف النعله ( الله يعزكم ) يبي يعدل واجهيتي وانا الوذ بالفرار ولحد الان مدري وش السالفه طبعاً رحت للبيت بكل اريحيه شوي ويجي ابوي قال تعال يالبريعصي قلت انا قال ايه انت قلت ليه بريعصي بالذات يبه قال لان كل ضربتن لك بأجر انت وش مسوي مشوين قلت يبه فلان ملعوون ضربن قال لا والله انت الملعون ليه تقوم قبل الضيف هنا عرفت الخلل وينهو والرقابه قطعت اللي صار عقب يعني كم ركبه على كم كف بس الله يهداوه يضرب بدون ما يشوف وين مضربوه حط ركبتوه بفرتي يا هادن واجهيتي ياربي هم ليه ما يعلموننا قبل يضربوننا وتقلدوا تحياتي |
رد: انعم الله عليكـم
ههههههههههه والله انك صادق وقد صارتلي بس ماني معلمتك (فشيلة) الحمد لله على السلامة
|
رد: انعم الله عليكـم
ههههههههههههه الله يسلمك واشكرك ع المرور الحلو
|
رد: انعم الله عليكـم
ههههههههههههه :hahahahahah: ۈليه ۈش آنت مآتعرف آنۈ مآ يصصير تقۈم قبل آلضضيف !!؟ :D من جد من جنبه" آشۈآ آنۈ حنآ آلحريم مۈ مثلڪم يَ رججآل :(86): ۈلآ ڪآن علۈم :(155): |
رد: انعم الله عليكـم
لحووول الحين انا قايل بالسالفه كنت صغير << ماله داعي تعصبون علي هع
وشسمه ثانكس ع المرور |
رد: انعم الله عليكـم
ههههههههههههه آسفين بس لآ تعصصب :(155): آيه صح نسيت"عآفيه" :d |
رد: انعم الله عليكـم
ولو شدعوه انا اعصب << :d1:
ماصارش الا كول الخير << مسوي مصري هع |
رد: انعم الله عليكـم
هههههههههه
كلنا نعرف ان عيب نقوم قبل الضيف بس ماتوصل ان ننطق عند المغسله ههههههههه :mh01: يلا تكبر وتنسى :(156): |
رد: انعم الله عليكـم
اه بدت الشماته ههههههههههههههههههههه
ماعليه هين مصيرك تمرين بالي مريت به انا ومشكوره ع طلتك النرجسيه << ياعمري ع التعبير هع |
رد: انعم الله عليكـم
هههههههههههههههههههههه
صدقت والله ،، سبق صار موقف قريب من موقفك قدام عيني ، وهذا يدل على تمسك الكثير بالعادات والتقاليد رغم اختلافها بين الشعوب ،، يعطيك العافية ،، |
| All times are GMT +3. الوقت الآن حسب توقيت السعودية: 11:35 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام