|
الجداول ومايختص بها
السلام عليكم ورحمة الله وبركاته
بسم الله الرحمن الرحيم كيفكم شخباركم مع الوضع الجديد؟؟ انا شفت حوووستكم مع الجداول فقلت افيدكم بالشي الصحيح بدل ماكل وحده تقول اللي عندها وتتلخبطون اولا::: الجداول راح تكون كامله الاربعاء لان اليوم الاستاذه شيخه كلمت العماده نفسها وقالوا انهم بيرسلونه لهم على نهاية النهار تقريبا الساعه 2 وعلى ما ينطبع ويتوزع يبيله يوم وقالت اللي تبي قبل الزحمه تقدر تجي بكرا الساعه 12 بسس نصيحه روحوا الاربعا اظمن لكم ثانيا:: طرقة التوزيع وكيف تعرفين جدولك او وين بتلاقينه؟؟ التوزيع ماراح يكون بالابجديه اليوم لو شفتوا علقوا الجداول لكن بدون اسماء كل جدول مكتوب فوقع رقم الشعبه يوم الربعاء راح تلقون معلق بالصاله اللي تحت اسماء البنات وعلى كل مجموعة اسماء رقم شعبه واسم اللي توزعه عليكم +موقعها عشان تروحون تستلمون الجدول منها انتي تاخذين المعلومات وتروحين للموقع وتوقعين على استلام الجدول وخلاص طبعا لما تستلمين الجدول راح تكون الكلية اخلت مسؤوليتها كاملة يعني في حال ضاع الجدول منك الكليه مالها شغل وغير مسؤوله لذلك يفضل انك تطبعينه وتخلين نسخه في البيت ونسخه تتحركين فيها وبسس واي سسسسؤال عندكم تفضلوا واذا قدرت اجاوب ماراح ابخل عليكم الكلام انا جبته من نفس الاستاذه شيخه ودعائكم لي بالتوفيق تحياتيي الحاره |
رد: الجداول ومايختص بها
[align=center]يــعطيك الف عآفيه
وربـي يوفقك :) ...[/align] |
رد: الجداول ومايختص بها
[align=center]
الله يعطيك العافيه بس بسألك اللحين هم عطو البنات مطوووية التسجل فيها المواد للسنه التحضيريه وين الاقيها محتاجتها ضروري [/align] |
رد: الجداول ومايختص بها
اقتباس:
انا اللي لقيتهم مطويتين وحده فيها العلامات والمستويات وكيفية حساب المعدل والثانيه طريقة الدخول على البانر بس ممكن اعرف بشنو محتاجتها يمكن اقدر اساعدك |
رد: الجداول ومايختص بها
طيب دام الجداول جاهزه وش نسوي احنا بنظام بانر ؟
|
رد: الجداول ومايختص بها
يعطيك العافيه ياقلبي على ها المعلومات بس بسألك
في شي توزع على البنات غير الملف لاني شفته وحسيت ماله داعي:(177): وهل فيه مطويه ثانيه ؟؟ وياليت توضحين المكان الي بتعلق عليه الجداول لاني بضيع في الكليه ياليت ياقلبي توضحينه اكثر واكرر لكـ شكر لانك وضحت لي اشياء كثيره تسلمين |
رد: الجداول ومايختص بها
كيف عرفتي ان التوزيع مو آبجدي :mh318: ,,
طيب مدي اروح الاربعاء السااعه 10 ونص الاقي البوابه مفتوحه ,, مشكوره يالغلا |
رد: الجداول ومايختص بها
اقتباس:
لعدة اسباب اولا::ان احنا مستجدات ومابعد نتعرف ع الوضع فمككن نتلخبط او نضيع ثانيا:: انتي شفتي الموقع الجديد مابعد يكمل لدرجة ان في بعض الروابط مو مفعله يعني ماتقدرين تدخلين على الصفحه ماراح يكررون الغلط ويعطوننا موقع يعلق وموكامل فلذلك هالسمستر جداولنا جاهزه والسمستر الثاني رح نستخدم نظام البنر في تسجيل وحذف واظافة المواد |
رد: الجداول ومايختص بها
اقتباس:
بالنسبه لهالاشياء كل اللي مكتوب فيها انقال لنا بالمحاضرة المكان يصير بعد القاعه الالكترونيه اللي تحت خلي القاعه على اليسار وامشي سيدا بتشوفين(((هذا الللي شفت فيهالجداول اليوم)) بس اذا ماحطوهم هناك بيحطوهم في مكان وااضح ولو ماعرفتي اسالي الامن العفو حبيبتي واجبنا ^_^ |
رد: الجداول ومايختص بها
اقتباس:
هذا الكلام اللي فوق كله انا ماخذته من المحاضره والله مدري بس روحي على 8 احسن عشان يمديك تاخذين الجدول وتتعرفين على اماكن المحاضرات يعني ماتضيعين بعدين ^_^ موفقه يالغلا والعفو |
| All times are GMT +3. الوقت الآن حسب توقيت السعودية: 02:30 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه