|
رن على جوالكـــ رقم غريب ؟!!
بســـــــــــــــم الله الرحمـــــــــــن الرحيــــــــــــــم يرن جوال ساره.. ألو.. هلا.. هذا جوال ساره (صوت ذكوري ماتعرفه) لا غلطان... طيب نوره.... :: طوط :: تقطع الخط بوجهه ((جاب اسمي مجرد صدفه!! ،، او لان الجوال باسمي!! ،، يمكن يعرفني ،، اذا دق مره ثانيه بتصرف معاه!! ) ₪₪₪₪₪₪₪ دانه جالسه بالصاله مع اهلها.. يرن الجوال برقم غريب.. خذ يا أحمد _ أخوها الاكبر_ رد على جوالي رقمماعرفه،، الو..... هلا.... فيه أحد داق على جوالي!! يغطي أحمد السماعه بيده ،، دانه انتي داقه عليه!!!! لا والله مادقيت!! ولا بالغلط حتى ((جوال دانه استقبال!!!!!!)) يعود للمكالمه هلا متى دقينا على جوالك ........... ما شالله والساعه ست ونص!! ................ لا محد داق يالنصاب ياللي فيك و فيك يا............ تلعب على بنات الناس فيك خير تعال قابلني الله ياخذ....الله....... ويسكر أحمد ودمه يغلي ويبدأ يحقق ******** كم مره دق!؟ قد دق عليك أحد غيره!! ((دانه تهوجس،، ليتني ماعطيته،، ضيقت صدره على شي مايستاهل!!! ونكدت قعدتنا ع الفاضي!!)) ₪₪₪₪₪₪₪₪ سديم في السنه الثانيه الجامعيه دق جوالها برقم غريب تطالعه بريبه أرد والا ما ارد،، هلا.. هلا قلبي.. قلبك مين ياقليل الادب يالي ماتستحي يالي.. يالي.. الخ،، ....أموت عـ المعصبين أنا.... كل تراب،، أنت وش تبي أنت!!من عطاك رقمي!!وليه .. ومن قال... الخ،، بعد ان كثر الكلام ::: طوط :: تقطع الخط بوجهه رجع دق عليها بوقت متأخر من الليل أهلين انت ماتقول لي وش تبي!! ياخي قلت لك ماني راعيه هالحركات،، ماعندك اخوات انت!! ماتخاف ربك!! << يدخل ابوها بعد ماسمع صراخها>> ( اقفلت الخط خلسه) من تكلمين؟! وحده من صديقاتي!! نامي يابنيتي ولا تكلمين باخر الليل يقطع كلامه صوت جوالها يرن اخذ ابوها الجوال: هلا ياعمري انتي.. . . . . . . . . . . . . . الو.. . . . . . . . . . . . . . ياعسل ردي.. . . . . . . . . ((تنهار اعصاب الاب،، تنهار ثقه الاهل،، يدخل الاب المستشفى من التعب،، وتحرم سديم من الدراسه ومن كل شي لين يجيها عريس الغفله!!!)) ₪₪₪₪₪₪₪₪ جوال سميه دايم سبيل!! مره بالصاله يلعبون فيه اخوانها،، ومره تاخذه اختها تصور،، ومره،، ومره ،، نادرا ما يرن ويكون معها!! دايم تلقى 5 مكالمات لم يرد عليها!! رن.. رقم ماتعرفه.. بكل بساطه ردت ............................ الو.. الو.. ( صوت ذكوري لم تألفه ) ............................ هيه ردو.. أكلم صنم انا !! .............................. وترمي الجوال على الكنبه،، وتخلي السماعه مرفوعه وتكمل حياتها عادي... واخونا في الله ينتظر احد يرد عليه،، بعدين اعجبته السالفه يسمع سواليف العائله !! ساعه وسكّر ... ايه ساعه!! يدق..في وقت ثاني.. وكالعاده،، ترفع الجوال احد ماتعرفه تخليه ينلطع وتروح!! ((سميه بنظرها انها مريحه بالها من القرقره وكثره الهرج،، وشوله اقول لابوي، واخوي،اخسّر الي يدق وابرد حرتي فيه!! بعـــــــــد فتره يرسل لها اسماء اخوانها والعائله كامله،، حتى اسم شغالتهم!!! )) ₪₪₪₪₪₪₪₪ ساره / دانه / سديم / سميه / حصه / منيره .. وكل البنات!! يومياً بتصير لنا متل هـ المواقف !! أخواني ....أخواتي ،،، في مثل هـ المواقف.. **** برأيكـ /ي ماهو التصرف السليم ؟! ترد! تحقر ! تعطي ابوها او اخوها ! **** ماهو ردّ فعل ( الاخ / الاب ) في مثل هـ المواقف ؟! ****لو اتصل أحد يعرفكـ بالاسم ماذا ستفعلين ؟! انت كرجل ماذا تنصح الفتاه ان تفعل لتفادي مثل هذه المشاكل..؟ **** من خلال تجاربكم في الحياه وللاستفاده ماهو الاسلوب الامثل لحل هذه المشكله !؟؟! : : وبانتظار مناقشاتكم وردودكم .. منقول :mh318: |
رد: رن على جوالكـــ رقم غريب ؟!!
أهــلا : [ اخت البطه ] الموضوع جميل جدا أنا استغرب من اللي ترد على رقم غريب شي طبيعي اللي ترد على اي رقم بيجيها مثل كذا واكثر واللي تتصل وتعرفك من رقم غريب لاتردين راح ترسل تقول انا فلانه وانتي تردين واذا حصل وصار ازعاج اعطيه زوجك أو أخوكي أو أبوكي واللي يصير يصير اهم شي تكون البنت واثقه من نفسها ومرضيه ربها * اما بالنسبه لــ سديم << يدخل ابوها بعد ماسمع صراخها>> ( اقفلت الخط خلسه) من تكلمين؟! وحده من صديقاتي!! أخطئت سديم عندما كذبت علي والدهآ وأكيد اللي تعبان بتربية بنته وواثق من اخلاقها ماراح يكون عنده شك بالعكس راح تزيد ثقته ببنته خصوصا اذا هي ماردت وخلت ابوها يرد ع المكالمة [ اخت البطه ]تقبلي مروري ووجهة نظري لكِ ودي ,," . |
رد: رن على جوالكـــ رقم غريب ؟!!
شكرا لك اخوي على الطله
أنا استغرب من اللي ترد على رقم غريب شي طبيعي اللي ترد على اي رقم بيجيها مثل كذا واكثر >> بس حنا وش درانا انه واحد يلعب :(154): للأسف هاذي مشكله البنات يعانون منها بشكل مع اني بحياتي مادق علي رقم غريب وازعجني بس اشوف اللي حولي كل فتره يغيرون اررقامهم الله يحفظنا ويحفظ بنات المسلمين |
رد: رن على جوالكـــ رقم غريب ؟!!
برأيكـ /ي ماهو التصرف السليم ؟!
ما أرد اذا دق اكثر من مره . آخويآ يرد عليه.. ماهو ردّ فعل ( الاخ / الاب ) في مثل هـ المواقف ؟! ع حسب الأهل ..و على حسب الموقف كمان .. لو اتصل أحد يعرفكـ بالاسم ماذا ستفعلين ؟! عآدي مادام واثقه من نفسي ما صدر مني شي .. فا ماراح يأثر دا الشي وآحكي اخويا اقول كيت كيت ^^ لازم بنت تعرف تتصرف .. لانو ممكن تتصرف شي ويتفهم شي تاني فا تكون من اول واضحه من يوم ما يسير دا الشي .. مشكوره .. ويعطيك العافيه ع الموضوع .. |
رد: رن على جوالكـــ رقم غريب ؟!!
ما راح يضرها شيء اذا ما ردت على الرقم الغريب
او على الاقل تفتح الخط وتنتظر المتصل يتكلم اذا صوت رجال تسكر الخط وما ترد هذا رايي . يعطيك العافية اخت البطة . |
رد: رن على جوالكـــ رقم غريب ؟!!
السلام عليكم ورحمة الله وبركاته
أعتقد ومن المفترض بإن أي رقم غريب مأحد يرد عليه نهائياً ولو كان أحد يعرفك يقدر يرسل لك رساله يعرف بنفسه وكذلك خلها حريصه لأن ممكن صاحب الرقم يرسل هلا.. أنا فلانه ردي!! الأفضل في جميع الحالات تخلي الأهل يتصرفوا لكن الغالبيه يخافوا من أن يخبروا أهلهم لأن الأهل بعضهم ماعندهم شيء بالغلط ويمكن يحملوا البنت كامل المسؤليه. الله يستر عـ الجميع.. شُكراً. |
رد: رن على جوالكـــ رقم غريب ؟!!
لو رقم ما اعرفه ما ارد لو يحترق اتليفوون
ولو وحده من البنات دزلي مسج تقول انا فلانه ردي غير جذيي ماافي امل ارد |
رد: رن على جوالكـــ رقم غريب ؟!!
يعطيك العافيه على الطله
تصرفات سلميه :049: |
رد: رن على جوالكـــ رقم غريب ؟!!
مثل ماقالو الاخوات الرقم الغريب يرسل رسالة جوال يعرف بنفسه
|
رد: رن على جوالكـــ رقم غريب ؟!!
صراحة عني انا ما ارد لو وش يصير وانا بصراحة انصح اي بنت ما يصير ترد علي ارقام غريبة عشان تبتعد عن طريق الشيطان والشيطان شاطر :hhheeeart4:
|
| All times are GMT +3. الوقت الآن حسب توقيت السعودية: 11:14 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه