|
الحل لفهم منهج رياضيات 2 من معي ؟
السلام عليكم ورحمة الله
سمعنا عن مدرس مادة رياضيات 2 وتاكدنا انه مستحيل يتم تغيريه دخلت المحاضرة الاولى واطلعت على محاضرة 2 و3 و4 ولقيت انه من جد العيب بالمدرس اكثر من المادة مافي حل غير اننا نعدل من طريقة المعلم لننجح فكرت نكتب اقتراحات كل عضو يضع اضافه لو عنده ونجمعها والكل يرسلها لايميل الاستاذ يمكن نقدر نستوعب معه المادة اقتراحااتي : 1- ان يكثر من الامثلة ويتم حلها على السبورة وليس شفوي وكامله 2- ان يكثر من الواجبات بعد كل محاضرة ويتم حلها اول كل محاضرة كامله على السبورة وليس شفهي 3- عند الشرح الافضل يكون المثال مكتوب وجاهز وهو يقوم بحل المثال معنا يدويا وعلى السبورة 4- ان يبدا الشرح بهدوء وعدم الاستعجال بالكلمات والتسرع 5- لا يجعل الشرح كله كتابة بيده فالافضل يكتب المثال سابقا ويكتفي بالحل معنا على السبورة حتى لا يضيع الوقت ولا تختلط علينا الكتابة ولكي تظهر بشكل مرتب ومفهوم .................................................. ..... اتمنى الكل يشاركني لانه طريقة ممكن نقدر نستوعب شي من المادة والله يوفق الجميع احتراامي |
رد: الحل لفهم منهج رياضيات 2 من معي ؟
وعليكم السلام ورحمة الله وبركاته..
الله يوفقكم ويعينكم لاكن المشكلة المحاضرات مسجله ومعاده يعني هي نفسها اللي قبل وما اتوقع بيعيد تسجيلها من جديد. نصيحتي تسوون ورشة عمل خاصة للمادة وتناقشون كل محاضرة اول بأول ولاتنسين في محاضرات مباشرة حاولوا تسألونه بكل شئ غامض ومو مفهوم والله يوفقنا وياكم. |
رد: الحل لفهم منهج رياضيات 2 من معي ؟
يعطيك العافية اخوي
بس تغير المدرس وقلنا اوك صعب عليهم بس تسجيل المحاضرات لو كانت غير مفهومه هذا واااجب عليهم لازم يتعااونون معنا مش بس احنا الي نعااني احنا نحاول وربنا ييسر احتراامي |
رد: الحل لفهم منهج رياضيات 2 من معي ؟
انا معاك شرحه وكلامه جدا غير مفهوم وحنى عانينا معاه لين كل واحد صار له طريقة عشان ينجح لاكن انا ماودي اسوي لكم احباط واقول لك انه بيعيد المحاضرات من جديد لاكن الافضل نروح لحل اخر وهو زي اللي قلته لك وانا احساسي الاسألة بتجيكم سهله باذن الله على كثر هالشكاوي اللي وصلت لهم بس لاتأخرون نفسكم لين النهاية وبالاخير ماراح تستفيدون انتم يعني شدو حيلكم بالدراسة وربك بيسرها.
|
رد: الحل لفهم منهج رياضيات 2 من معي ؟
تناهيد يعطيك الف عافية ع الموضوع وياليت ترسلين له وبالنسبة للمحاضرات توها جديدة يعني يمدية يعدل ع المحاضرات الجااية الله يوفقناااا يارب جميعا |
رد: الحل لفهم منهج رياضيات 2 من معي ؟
مساء الخير اليوم انا فتحت محاظرته فعلا عانيت وجالسه بس اعيد لما جاني الصمرقع
هذا وهي اول محاضرة يعني بدايه اجل اذا جينا لتفاضل والتكام وهالاشياء وش نسوي وليش مايغيرونه مثل حق الاقتصاد حق اول ترا كان قديم يوم جينا احنا جابو ثلاثه واخر شي استقروا علئ هجهوج |
رد: الحل لفهم منهج رياضيات 2 من معي ؟
انا ماعندي مانع ارسل ولو احد عنده جرة يكلم الجامعه او على جواله في الساعات المكنبيه افضل وافضل او يتفقون مجموعه من الشباب والبنات على انهم يتصلون عليه وكلهم يشتكون نفس الشكوى شي اس ام اس وشي صوتي لمدة اسبوع كامل كل يوم اتوقع بيتغير ولو شي بسيط
|
رد: الحل لفهم منهج رياضيات 2 من معي ؟
سوري على الاخطاء .... جرأه **
المكتبيه ** |
رد: الحل لفهم منهج رياضيات 2 من معي ؟
مرحبا اخواني واخواتي ,,, والله شي يخوف صراحة مدري وشلون بنسوي لكن فكرة الاخت اننا نتفق ونتصل عليه كلنا بنفس الوقت راح يكون له مفعولهـ ومردودهـ إن شاء الله الله ييسرها لنا ويوفقنا جميعا تحياتي لكم |
رد: الحل لفهم منهج رياضيات 2 من معي ؟
الله يعطيكم العافية
فعلا الاتصال احسه حل سريع وفوري نناقشه ونطلب منه انا راح اراجع الساعات المكتبيه وارد لكم احتراامي |
| All times are GMT +3. الوقت الآن حسب توقيت السعودية: 10:20 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه