|
لا يزعلون بعض البدو .. هذي هي الحقيقة
السلام عليكم ورحمة الله وبركاته صبحكم / مساكم الله بالخير كيف حالكم اخواني وخواتي ؟ :(204): بصراحة قصيدة مؤثرة :(204): ماتحتاج لا مقدمات ولا شرح الموضوع واضح من عنوانه اترككم تستمتعون مع الابيات بس اللي قلبه رهيف حساس :(107): ياليت يجيب معاه مناديل :(107): بسم الله نبدأ ,’, البارحه مانمت ضايـق ومغبـون عيو علي بالنوم نـاس غشيمـه ناسٍ بفعله تغضب الرب وشلـون بأسبابها خشاش الصحاري سقيمه زملٍ عليه العفش ومحزم عيـون قـام يتخبـط وانتثـر بالعتيمـه وين الرجال اللي من الله يخافون وين الرجال اهل العقول الحكيمـه البل عطايا الله لها عشق مجنون مـا غيـره زودٍ ونقـصٍ بقيمـه يامغلين الـذود تكفـون تكفـون ما للفسـق إلا عواقـب وخيمـه مدري جهل بالديـن والا تعرفـون والا هياط ونفعهـا ظـل غيمـه تباشرو بيناتهـم جـاكم زيـون كنّـه يبشّـر بالعـراق العظيمـه ناسٍ توكل طفلها خبز!! بـديون ومليون يصرف في براطم بهيمـه إن كانكم للخير والطيب تشـرون ياكثرهم أهـل البـزور اليتيمـه شوفو عزيزٍ داخل الحبس مسجون مسجون من كثر الكرم والحشيمه وألا عجوزٍ ضامها الوقت والهون ضناه واحد!! رافضاتـه حريمـه الجود والاحسان والرفق والعـون أربع ماهي بدروبكـم هالعقيمـه ياليتكم ناسٍ حريصيـن وعفـون ولا نعمة تنكب عسى الله يديمـه انا بدوي في سلمنا حيل مفتـون اذواد نملـك بالسنيـن القديمـه يوم إنها مابين طاعن ومطعـون نـذود عنهـا ماخذوها غنيمـه يالايمي لو لك معاويـن ومتـون ما زعزت شخص فرد بالشكيمـه الحمد لله دايـم إبليـس ملعـون النفس تصبر لو ظـروف أليمـه تبطي ويبطي من بنا عمره ظنون اموت لكـن ماتشـوف الهزيمـه :119: للأمانة منقوله :119: طازجة من البريد الالكتروني اتمنى ان تنال على رضاكم دمتم بود أخوكم ولـ الخفجي ـد |
رد: لا يزعلون بعض البدو .. هذي هي الحقيقة
:mh318: على فكرة نسيت اقول لكم ترى انا بدوي اصل وفصل :mh318:
|
رد: لا يزعلون بعض البدو .. هذي هي الحقيقة
الله يعطيك العافيه وقصيده في الصميم
وانا بدوي مثلك وعندنا ذود واللهم لك الحمد ربي صارفنا عن هذه الامور البل عطايا الله ونحن نحبها وهي اغلى الحلال عندنا لكن اللي يفعلونه بعض الناس فيها الان ما يجوز واعجبني هذا البيت : ناسٍ توكل طفلها خبز!! بـديون ومليون يصرف في براطم بهيمـه شكرا لك اخوي ولد الخفجي وتقبل مروري , |
رد: لا يزعلون بعض البدو .. هذي هي الحقيقة
جدتي كانت عندها جمال وجدي اخذها وباعها :hahahahahah:
القصيده جميله تسلم على النقل الجميل :biggrin: |
رد: لا يزعلون بعض البدو .. هذي هي الحقيقة
التعب منسي ،،، مونستر نايت
اسعدني مروركم لكم ودي وخالص شكري |
رد: لا يزعلون بعض البدو .. هذي هي الحقيقة
ما للفسـق إلا عواقـب وخيمـه
مدري جهل بالديـن والا تعرفـون والا هياط ونفعهـا ظـل غيمـه الله يعطيك الف عافيه ايه والله صدق شي زااايد عن حده الله لايعاقبنا بس |
رد: لا يزعلون بعض البدو .. هذي هي الحقيقة
بنت السلاطين
الله يعافيك،،، اللهم امين اسعدني مرورك لك ودي وخالص شكري |
رد: لا يزعلون بعض البدو .. هذي هي الحقيقة
سلام اخوي ولد ديرتي من جد يعطيك الف عافيه علي النقل الي اسعد قلبي وعقلي وانا اعجبنى هذى الابيات جت علي الصميم
وألا عجوزٍ ضامها الوقت والهون ضناه واحد!! رافضاتـه حريمـه الجود والاحسان والرفق والعـون أربع ماهي بدروبكـم هالعقيمـه ياليتكم ناسٍ حريصيـن وعفـون ولا نعمة تنكب عسى الله يديمـه تقبل مروري اختك |
رد: لا يزعلون بعض البدو .. هذي هي الحقيقة
يعطيك العافيه اخوي ع النقل
صح لسان قايلها وسلمت يد ناقلها تقبل مروري |
رد: لا يزعلون بعض البدو .. هذي هي الحقيقة
اقتباس:
الله يعافيك من كل شر نورتي الموضوع بطلتك لك ودي وخالص شكري اقتباس:
صح بدنك يسلمك ربي نورتي الموضوع بطلتك لك من كل الشكر والتقدير والاحترام |
| All times are GMT +3. الوقت الآن حسب توقيت السعودية: 06:11 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه